الـ حكيم
الـكاتبة عُـمق الـ احمد
البـارت الثالث
«««»»»
-انجنيت ماعرفت شنو احجي شنو اكول شنو ابرر!
متأكدة ١٠٠٪ محد راح يصدكني لان كلهم شافوا المديره وهي تطلع المخدرات من جُنطتي!
حرت شنو اكول شلون أدافع عن نفسي شلون افهمهم انو اني مالي علاقه بهالموضوع
مروة: ست صدكيني مو الي مو الي هذني مو اني اني معلية صدكوني اني معليههه
حجيت الكلمة الاخيره بصرخه ورجعت ابجي من كُل گلبي
المديرة: لجج شنو مو الج اني بنفسي طلعتهن من جنطتج لج شهالصلافة البيج تجذبين عيني عينك!!!
-ست والله اني مالي دخل بالموضوع والله مو الي ست صدكيني
المديرة: اششش هسه اتصل على اهلج واني اعرف شلون اتصرف
-لا ست فدوه فدوه ست والله مالي ذنب والنبي مالي ذنب بالموضوع مو الي هذني
حجيتها وحسيت بدوخه براسي بس ضليت احلفلها واكوللها مو الي بس مافاد بشي..
اتصلت المديره على اهلي كلشي ماهامني كد ماهمني شلون اباوع بوجه اهلي إذا اجو ؟
راح يصدكوني؟
وصلوا اهلي وجانوا جايين ابوية وتيم ومُتيم
تسائل ابوية باستغراب عن طلب ست هدى المُفاجئ انو يجون ،
حجتلهم المديرة الي صار وزودت شويه بهارات من يمها
مارفعت راسي ولا الي الجرأة ارفعه واحط عيني بعيونهم على الموقف الي حطيتهم بي تمنيت الأرض تنشك وتبلعني ولا اشوف نظره الخذلان والقهر بعيونهم
