الـ حكيم
الـكاتبة عُـمق الـ احمد
الـبارت الرابع
_-_-_-_-_-_-_-_-_
رجعت نمت هستوني حطيت راسي ع المخده واجتني رساله ، تأفأفت وشلت موبايلي دخلت ع الرساله وعقدت حاجبي بعد ماقريت الي مكتوب بيها..
💬مرحبا ، شلونج مروة؟
استغربت منو هذا ومنين عرف اسمي ؟
💬منو حضرتك؟
💬متعرفيني بس اني معجب بيج وشايفج
💬منين شايفني بالحلم؟
💬 لا من تطلعين من المدرسه اوكف واشوفج
💬 همزين من نطلع تصير هدني واهدنك طريقي مااشوفه مو انوب شايفني من اطلع؟
رجعت كتبت
💬بعدين تعال منين جبت رقمي؟
💬أخذتة من وحده من المدرسه مالتج
💬اي ومنية؟
💬مو لازم تعرفيها
💬اي وهسه شتريد مني فضني
💬إذا اجي اتقدملج اهلج ينطوج؟
💬 استحي اجر زيج جان جريتلك
💬اني جاي احجي بأدب المفروض انتِ هم
💬استغفرك ربي بابا شنو منين طلعتلي انتَ
💬اني اريد اجي من الباب
💬 لا من الشباك احسن
بعده جاي يكتب وانطيته حظر هو هذا حظي عليَّ بس العطلات خربحظج مروة
نمت كعدت الصبح نفس الروتين صار العصر راسلت ملاك اخذت الدروس مال اليوم منها وبلشت ادرس
صار الليل وجعت قررت اطلب بس نزلت اشوف خاف اخواني يردون يطلبون كالوا منريد
✎﹏﹏﹏﹏﹏﹏
مرت الايام يوم يجر يوم صار يوم نشر نتائج الإعفاء والتوتر صار الف مع انو اني وملاك متأكدين طالعين اعفاء بس نتوتر مادري ليش
