الـ حكيم
الكـاتبة عُمق الـ آحمد
الـبارت السابع
تصويت+تعليق بين الفقرات لُطفاً
________________
"مروة"
وصلني للبيت كلتله انتظر اجيبلك كروة نزلت دكيت الباب فتحلي الباب مُتيم اول ماشافني فتح عيونه وعاط مروههه!!
اول ماشفته ارتميت بحضنه واني عيوني مدمعه ماكدرت ابجي احس دموعي ناشفه حضني بكل قوته على صوته طلعت امي اول ماشافتني شهكت وكالت "يمهههه بنتي"
رحتلها اركض حضنتها وهي تبجي بعدت نظري لكيت ابويه يباوعلي رحتله حضنته
دخلنا للبيت ظلوا يستفسرون مني وكلتلهم على موضوع تيم وأنو يردونه كلهم استغربوا بابا خابر تيم علمود يفتهم منه واني صعدت لغرفتي هستوني كملت الدرج لكيت ميس اختي هسه كاعده والنوم بعينها
شافتني فتحت عيونها وعاطت اجت ركضت حضنتني ابتسمتلها وحضنتها ظلت تكمز فوك راسي وتعبر عن مدى اشتياقها ووو
رحت لغرفتي سبحت بدلت ملابسي ارتاحيت شويه ونمت ماكعدت غير ثاني يوم العصر راسي يوجعني ٣ ايام مماكله شي ردت انزل بس تذكرت شي رحت لموبايلي فتحته استغربت من مالكيت ولا رساله من ملاك مع انو اني اختفيت صارلي اكثر من يوم
معقوله صاير وياها شي وماكدرت تراسلني؟ راسلتها واتصلت عليها متجاوب زاد شَّكي
رحت بسرعه على رقم امها اتصل واتصل ميجاوبوني ، قلقت عليها هواي وتذكرت تهديد مصطفى الها زاد قلقي عليها خاف مسويلها شي
