الـ حكيم
الـكاتبة عُـمق الـ احمد
الـبارت الخامس
-_-_-_-_-_-_-
مروة
لليل كملت المادة مال امتحان بس استغربت ملاك ماراسلتني وهي جانت كل ساعتين او ساعه ونص تدز شي
رحت راسلتها ماردت كلت يمكن مشغوله
ورا ساعه رجعت اشوف لكيتها داخله للمحادثه وماراده عقدت حاجبي باستغراب اول مره ملاك تسويها
رجعت دزيتلها اكثر من رساله واتصلت وهم مترد انشغل بالي عليها وخفت كُلش لان مصطفى موجود هناك يمكن مسويلها شي جانت دائماً تشكيلي انو يضايقها
ضليت اراجع الامتحان بس كل تفكيري بملاك
قطع حبل افكاري صوت الباب وهو ينطرق
دخلت امي كلتلي تعاي جوه بيت خالتج اجوي
ضجت صراحه لان هاي خالتي دائماً تضايقني بكلامها
وحاجزتني الابنها علساس راح أوافق اني
كمت غيرت ملابسي وعدلت روحي شويه ونزلت سلمت عليها وعلى بناتها عدها بنتين وثنين ولد
سحر وسُهى وحاتم وكاظم
كاظم الكبير عمره ٢٣ وحاتم الوسطاني عمره ٢١ وسحر ١٧ بكدي وسُهى ١٦
رحت كعدت بصف سحر بحكم علاقتي شويه زينه وياها وبدينا ندردش شويه
سحر: اي شلونج وي السادس مروه
-يعني لحد الان زين الله يستر من الجاي
-ولج اني عندي الكيمياء صعبه ابد مداافهمها
-شنو عندج صعب إذا هاي دخلي خصوصي ميصير تضلين هيج
-اي هوَّ كلت الماما علمود ادخل خصوصي
-ان شاء الله خير
