اشتباك 💥(روايات ليبية)

روايه اشتباك/المقدمه 🔏

روايه 💥♾️🔏

للكاتبه مايوره🌚💞

المقدمه💫

احيانا نغلطو في اغلاط لهدف معين بش نحمو شخص معين   بس بعدين نكتشفو ان حني كنا نضرو فيه لازم نعطو فرصة للناس و نسمعو منهم خاصتا الناس اللي نحبوهم يمكن بسبب غلطه وحده بس كل حد يمشي في طريق لقاء بعد سته سنين لقاء بعد خيبه ضن يمكن امتا يجرحك شخص تحبه معش تقدر تكمل معاه لان مكنتش متوقع منه ان ياديك و مرات تكون الدير في الغلط و انت عارف انه غلط و الكل حدرك من الشي هادا و انت مستمر في الغلط متحطش تقه في اي حد خاصتا الخونه لان الي خان غيرك بيخونك و اللي يخون مره يخون الف مره و الانتقام و انك تقعد شايل في قلبك هدا اسواء شي انك تنتقم من شخص مليشي  اي دنب في جرحك الكبير و في النهاية الموت بيد الله انك الدمر حيات ناس و تفرق صاحبات و تفتن بينهم بيش تنتقم هدا مش حيغير شي و امتا الدمري حيات صاحبتك و اختك لأنها تقربت من بنت تانية غيرك هيا ح تكرهك و ح تباعد عليك انتي نهيتي علاقتك معاها بيدك انك تفرقي  بين زوز يحبو بعض بيش ترضي نفسك و انتي مش مرغوب بيك هني ح تحسي ان فعلا للمكان هدا مش مكانك ح تعيشي طول عمرك منبوذه و اهم شي انك تتخلا علي شخص حبك و احتواك و عتبرك كل شي بسبب اغلاط عيلته متلومش حد علي دنب مش دنبه
كانت اغلاط ابطالنا اغلاط بسيطه و منها اغلاط كبيره بس في النهاية كل حد ح يتعلم الدرس و ح يعرف غلطته و يرضى بالواقع هل النهاية ح تكون جميله  و ترضي الجميع أو ح تنتهي بدموع و كسر خواطر  الاشتباك بين العقل و القلب و الواقع و الناس اشتباك للاحداث يلي صارت في وقت قصير المشاكل كلها جت في وقت واحد بس مش كلها ح تنحل في وقت واحد كلهم غلطو بس هل كلهم كانت اغلاطهم مقصوده في المضلوم و في الضالم و في من تخلا علي كل شي بيش يرضي نفسه في لي مقدرش يكمل الطريق لان تعب نفسيا و جسديا في من لي كان من بداية الطريق يخطط لي اليوم لي بيسيبنا فيه و في من كان يتمنا يكون معانا و يشوف فينا مع اشخاص ح يدمرو حياتنا بس ميقدرش يدير شي    في من يتمنالك الخير من بعيد و في من يتمنالك الشر و يجي ينفده أقرب الناس لينا لي عشنا معاهم في نفس الحوش لي تربينا معاهم كلينا و شرينا معاهم بيش يرضو نفسهم تخلو علينا و دمرو كل شي فينا

روايتنا تتكلم ع تلاته عائلات يعيشو مع بعض في حوازه كبيييره و عندهم شركه معروفة هالبا

اول شي خليني نشرحلكم كيف شكل الحوازه عشان تتخيلوها ، اول متخشي من البوابه ع اليمين في 7فيلات و ح نعرفو لي من بعدين و ع الايسار مقسمه هلبا اقسام جيها خيل 🐎 و جيها مزرعه و جيها حوض و جيها ملاعب كوره و ........

خليني نعرفكم ع الشخصيات أو خلينا نقولو ابطال روايتنا

(العيله الاوله)🏡

عيت الحاج علي و مرته نور
طبعا علي الكل في الكل و كلمته مالطيحش و ديما مسموعه و هوا مدير الشركه الرسمي مرات يكون واعر و مرات حنين و ميحبش يضغط علي صغاره هابا بس في نفس الوقت حاطلهم حدود يعني مش ضاغط عليهم و مش مسيبهم زي المصيعا و كلهم يخافو منه ، مرته نور حنينه و طيبه و تحب الخير