تنويه القصه شويه جريئه 🔞🔞
عنوان القصه .. #حضن_زوجي 👰🙈
البارت_1 .. قراءه ممتعه اتمناه لكم أحبتي 🌹🌹🌹🌹
مرحبا اني ميار حنطية البشرة شعري اسود طويل .. عيوني واسعه طولي متوسط
جسمي ملياان
والدي يشتغل عندة مطعم وعايشين من خلاله
ا امي توفت جانت مريضه وراحت لدار حقها
واني عمري 5 سنوات يعني يادوب اتذكر ملامح
شكلها اتذكر من جانت تسبحني وتسويلي ضفاير وتنومني وتغنيلي قبل ماانام
كلش جانت حنينة راحت امي وراح وياهه كلشي حلوو
بقيت على ايد جدتي هي ادرايني بس كلش تعبانه خطيه بعد وفاة امي بسنة دخلت المدرسة..
وجنت كلش اخاف وحدي بابا جان يتردد للمدرسة لان يعرف اخاف بقينا على هالحال
لحد مااتعرف على معلمتي الي هية ست فهيمة جانت عمرها ٣٥
سنة وومامتزووجة وشافت ابويه ماعنده احد
بدت تتقررب الة وفعلا مثل ماخططت
صار... ابوية تقدم الها وصار زواجهم
جانت بالمدرسة كلش طيبه ويايه
بس بعد مادخلت بيتنه
انگلبت انسانة ثانية جدتي ماتحملتها طلعت من البيت وراحت البيت عمي وبقيت اني على ايدها شوفتني انجووم الضهرر ضرب غلط اهاين
بقيت خدامة جوه ايدها ..
مرررت السنين ..
كبرت وصلت السادس هاي اخر سنة الي وادخل الكلية..
بدت اهتم بنفسي بمضهري جنت كلش هامله نفسي شفت صديقاتي للبسهم كشخاتهم بديت اغير بمضهري.. وارتب نفسي اكثر صرت احلى جنت كلش ضالمة نفسي
.. صارو عندي صديقات حسيتهم خواتي لأني محرومة من الاخوان والاخوات
بيوم جنت راجعه من المدرسة تعبانة..
غيرر ملابسي.. لبست. دشداشه قصيرة
وطلعت اتغدة.. واني انزل على الدرج سمعت
صوت ضحك وسوالف تأكدت من الصوت
اوو هذا علي ( علي يكوون اخو زوجة والدي)
انسااان طايش وابو بنات وكل السوالف المكسرة
عندة.، اووف هسة هذا شجابه..
شكد اكره نضراته الي
نزلت دخلت للمطبخ.. صبيت اكل وكعدت اكل
اجتي فهيمه تمشي وتباوعلي بحقد..الله يستر منها...
فهيمة.. ولج غير اتصبين اكل النه متشوفين
اليوم اخوية يمنه لو بس حضرتج تاكلين
يله كومي اجيت تعبانه من الدوام
صبيلي غده الي والـ علي انتضرج
ميار ماشي خاله هسه اصب الكم
راحت كعدت يم اخوها
صبيت الاكل
وصحت خاله فهيمة تعالي اخذي الغدة
فهيمة بصوت عالي،، تعالي عيني
ليش هو منو الموجود!
جيبي انتي..
ميار.. اووف هم راح اشوفه صارلي فترة
خلصانه منه ومن سوالفه اخذت الصينيه
ودخلت خليت الصينية ومشيت..
حسيت علي اكلني بنضراتة يباوعلي من فوك ليجوه خاله تريدين شي مني لو اروح اقرأ
علي...بقيت مصدووم هاي شوكت كبرت
جسمها صاير جسم مره تفاصيل جسمها بارزه شو اني ممنتبه عليها محلوه وصايرة تخبل
فهيمة سويلنه جاي وروحي
ميار ماشي خاله
علي.. فهيمة هاي شنوو شوكت كبرت
فهيمة منو ميار؟
علي.. تخبل صايره ولا عرفتها
فهيمة اي موانت من زمان مااجيت ملتهي بسوالفك..
علي.. فهيمة عوفي سوالفي هاي اريدها
فهيمة صغيرة ولك شتحجي انت
علي.، شنو صغيره دياوعيلها مره صايره
فهيمة يمعود جامده شعجبك منها
علي.. بربج هاي جامده فهيمة البنيه دخلت
عقلي
فهيمة.. اهوو يمعود استر علينا ابوها ميقبل تره
لاعبالك نفس الحبايب العندك ماخذ راحتك وياهن تره ابوها ميقبل لتسويلي مشاكل
علي.. اهوو دروحي عبالي صدك
راح ادكولين اخويه خلي اوكفلة ..
ميار غسلت المواعين الي اكلت بيهم وسويت
جاي اجت فهيمة جابت الصينية ورجعت
اني بقيت بالمطبخ انضف بين ميكمل الجاي
علي.. طلعت اغسل شفتها بالمطبخ وحدها
استغليت الفرصة ورحت يمها
ميار جنت منداره انضف حسيت احد
واكف ورايه انداريت لكيت علي مرتجي على
الكاونتر.. ويباوع عليه..
عفتة صبيت الجاي ومشيت اريد اودي
للصالة...
علي.. تعالي وين رايحة
ميار اودي الجاي الكم
علي المن فهيمه دتخابر جوه واني هنا تعالي كعدي ونطيني الجاي
ميار لا اريد اروح اقرأ خليت الجاي ومشيت
علي.. شعاجبج من المدرسه..
ميار اريد اكمل واحب الدراسه هوايه
علي.. بس تصيرين يمي ماكو بعد دراسه خلي ببالج هاالشي
ميار . لا بالله وشسوي اصير يمك
علي نتزوووج ،.. 😉
داليا.. رجعنا لنفس السالفه انت منو تعيش عندك اتزوجت ومرتك هجت منك واني مااتزوج
بعدني صغيرة..
علي لزمتها من ايدها وسحبتها اتمنيت اكدر اسوي شي بس اخ ..وهذا الطول
والجسم المن منو كال صغيرة محلووه انتي وصايرة مرة
ميار وخر ايدك مني وبعد لتمدها لا اكسرها الك
علي يمه يمه اللسانج طولان شبيها الحلوه شو معصبه باعي وجهج شلون صار احمر
والخدود تخبل
ميار نضرتله نضرة غضب ومشيت صعدت الغرفتي..
علي بصوت عالي كلت.. والله الا اخذج الي
فهيميه شكوو .. علي رجعنا لسوالفك عوفها خلي تولي مدكلي شبيك
علي اهووو فهيمة راح اروح حاجي ابوها كوليله اريدها
فهيمة مينطيك بابا رجع مرتك
علي هم كالت مرتك يمعودة اني وين داحجي
فهيمة انت كل وحده تشوفها تعجبك ادكول اريدها فترة وتمل منها
علي لا وروح امي هاي حلوه منو كلج اكول ماريده دشوفيها لعابه صايرة
فهيمه والله كتلتني بيها خلي اروح انام
علي همتج ويايه يبعد اخوج اريدها منج
فهيمة روح عاد اريد انام..
علي رايح لا تنسين ماشي
ميار دخلت الغرفتي وقفلت الباب عليه
شكد اكره اسلوبه ويايه ولا يستحي
مرت ايام واني اروح وارجع للدوام وعلي
دوم اشوفها يفتر ورايه بالسيارة
ماعرف شيريد مني شكد لزگة ..
علي.. غير حلوة هاي شلون جسم شلون طول
ماخذه عقلي شلون بية هاي فهيمة غير تحرك نفسها اف لازم اخذها بعد دخلت بعقلي
ميار.. سبحت وكعدت بغرفتي ماجان
اكو احد خاله فهيمة طالعه وبابا بالمطعم
بديت امشط شعري..
علي طلعت بسيارتي تلكتني فهيمة عرفت
ميار وحدها لفت السيارة وطلعت لبيتهم
ميار يومية فهيمة تروح لصديقاتها مسويه وياهم
جمعيات متكعد باللبيت على طول وحدي
اضل ادرس لو اروح يم صديقتي حياتي هالشكل بس... دراسة ونوم واكل 😞
علي طبكت السيارة ونزلت الباب مفتوح شوية
شفت الباب مفتوح دخلت امشي بدون صوت شفتها لابسة دشداشه حمرة ربع ردن وهي بيضه وشعرها مفتوح اسود يقطر مي وتسرح بي طالعة تمووت جسمها مليان يغرري اي رجال حسيت نفسي اريدها فتحت الباب وفتت
بدون ماتحس ..واني موصدك هي وحدها وراح تكون يمي
ميار حسيت اكو خطوات مشي ورايه
انداريت....!!! يمة
علي.. يمة ..؟ شبيج شو فزيتي...
ميار رجعت ليوره ،. شبيك ليش مدكيت الباب قبل لتفوت فززتني..
علي.. الباب جان مفتوح واني موغريب ..
ميار.. خاله فهيمة موهنا.. روح علي
علي.. اني مجاي عليها جاي عليج..
ميار،، ابتعدت اكثر منة جانت نضراتة الي موطبيعية خفت منه واني وحدي بالبيت..
ميار.. علي روح اني وحدي وماكو احد هنا
علي.. تعالي كعدي خلي نسولف..
ميار.. بشنو نسولف...
علي.. تقربت منها،، اني احبج ميار،،
ميار،، لتعيد هذا الكلام افتهمت ياحب هذا عفته ومشيت..واني ارجف منه ماعرف شصار بيه خووف وتوتر وخجل موطبيعي شديخربط هذا
علي..سحبتها بقوووة من ايدها.. وين تروحين مني ماصدكت لكيتج ميار اني
احبج وماكدر بعد اصبر خربطتي احوالي
انتي مداكدر والله حسي بيه شبيج
ميار.. سحبني من ايدي بقووة حيل خفت منه ومن نضراتة.. سحبت نفسي وكتلة وخرر مني
لتلزمني مرة ثانيه افتهمت بصياح
علي.. رجعت لزمتها حيل اوووكفي شبيج دقيقة انتي مداتفهميني والله اني!!
ميار.. انفتح الباب.. ..انتبهت .. منو اجة !!
فهيمة... هاي شنوووو شدتسوون
ليش لا ست ميار ليش متكعدين بحضنه احسن
علي... اهووو شبيج فهيمة..!
ميار،، وخر كله منك.. عوفني اختنكت ماتحملت بجيت.. ودموعي على خدي تجري فشلت كلش منها
فهيمة.. اووي عليمن هالبجي متواعدة وياه خليتني اطلع،، خابرتي
مياررر،،،، شنووو لا والله منو كال دقيقه انت ماتحجي ليش ساكت
علي.. اهدئي شبيكم شصار شنو هالصوت منا العالم.. عيب
فهيمة.. شجابك هنا هي كلتلك تعال موو
علي.. فهيمة شوتحجين بكيفج اجيت عليج
مالكيتج ولكيت ميار وحدها كعدت اسولف وياهه ..
فهيمة اي ... شو ايدك بأيدها مستحيتو لو جاي ابوج وشايفج.. انتي يطلع منج كل هذا موعيب
ميار.. كتلج اني وهو حجالج اجة بالصدفه بس الحجي وياج مابي فايدة
عفتها تسولف وركضت ودموعي على خدي بسرعه تهمتني ويا واني مالي ذنب..
ميار.. كتلج اني وهو حجالج اجة بالصدفه بس الحجي وياج مابي فايدة
عفتها تسولف وركضت ودموعي على خدي بسرعه تهمتني ويا واني مالي ذنب...
علي.. مياررر اوكفي بصيااح..
ميار .. شتريد... مني بصياح..
علي تعالي نتفاهم...
ميار على شنو ماكو بينة كلام عوفني الله يخليك
فتت للاستقبال وسديت الباب وراية
فهيمة .. تالي وياك موكتلك خلي تولي عوفها
علي بس اني اريدها ماعووفها موتتني اكلها احبج ادكلي اي حب..ولا مهتمة
فهيمة.. والله عجيب امرك مدكلي شجلبت بيها رجع مرتك تريدك.. عوف هاي ام خشم الليابس
علي،، نسيتي السوته بيه كل عقلج ارجعها
فهيمة ماريدها بعد
فهيمة هسه الي تريدة انت شنوو!!
علي.. ميار.. فهيمة فدوة اروحلج اريدها والله
فهيمة.. اوووو متريدك شسويلها...
علي.. موكلتي اني واني وكلمتي وحده لعد وينج
متكدرين تقنعيها..
فهيمة طبعا البيت كلة يمشي بأمري واكدر اكسر خشمها واخليها الك تصير بس
علي.. اي يمعودة هذا الحجي الزين بس شنوو شبيج فهيمة؟؟
فهيمة مواخاف انت تفشلني كدام عمامها واهلها
خايفه من سوالفك..
علي والله عفت كلشي انتي موتدرين بيه
كاعد وساكت ماعندي شي ..
فهيمة خووش خير ان شاءالله
علي يعني راح تحاجيها..
فهيمة احاجيها شنو ليش هي منو خلي تولي ليش بكيفها اني احاجي ابوها..
علي .. ماعرف اني انتي تصرفي وهديتج موجوده والله..
فهيمة يجي ابوها وحاجي.. لا تستعجل..
علي ياالله هذا الحجي الحلووو منتضرج اني
راح اطلع وامرلج بعدين..
فهيمة رايح للييت..
علي لا جماعتي ينتضروني ليش تريدين شي
فهيمة لا الله وياك..
علي ماووصيج فهيمة... اريدها منج استودعناج
فهيمة اي يمعود والله ثبرتنه افتهمت بس روح
ميار بقيت قافلة عليه الباب ماعرف شنو جانو يحجون صوتهم بعيد صار هدوء الضاهر راح علي فتحت الباب وطلعت..
فهيمة.. طلعت العروسة تعالي عيني..
ميار اريد اروح ادرس..تريدين شي..
فهيمة الدروس موطايرة تعالي كتلج..
ميار.. كعدت يمها احجي خاله اسمعج
فهيمة.. هذا علي خبصني بيج..
ميار وكفت الحيلي اي والمطلوب..!
فهيمة كبرر كعدي شبيج وكفتي خلي اسولف
ميار خاله اخوج ميكفي ملاحكني بالدوام النوب صار يجي للبيت ،،!
فهيمة عيني الولد رايدج وكلي احاجي ابوج
ميار لا خاله فدوة اروحلج اريد ادرس ماريد اتزوج
فهيمة مودرستي اهم شي تقرين وتكتبين محد يفيدج ومحد دايم الج علي رايدج وشاريج
بيت عنده وحده وحالتة الماديه زينة مراح يتقدم
الج احسن منة
ميار خاله اني ،.
فهيمة قبل لتكملين تره علي اخوية واعرفه اذا
خلة شي ببالة مراح يعوفه يعني راح ياخذج بالقووة بالرضى بالغصب وافقي احسن
ميسويلج مشاكل راح يبقى ملاحكج
اني اليوم راح احاجي ابووج
ميار لا خاله شو سويتها صدك داكلج ماريد اتزوج بعدين علي متزوج سابقا يعني ممكن
بيوم يرجع زوجته اني شنو راح يكون مصيري
فهيمة ميريدها عيني گلبه يمج من زمان
اني اروح اغسل فكري زين ..
ميار شلون منين طلعلي علي هسه تقنع بابا وتفر عقله وتخلي يوافق صعدت الغرفتي
ماكدرت ادرس بقيت افكر بموضوع علي معقولة هالكد هو يحبني لو هم اني نزوه بحياته هذا يخوف يوميه على وحده .. خلي انزل اسوي وياهه عشى واستر على حالي قبل مااترزل
نزلت بابا جان توه جاي من شغلة وفهيمة واكفه عالطباخ تسوي بالعشى
فهيمة طلعي خبز من المجمدة
ميار وين ابوية مو سمعت صوته شنو طلع
فهيمة ديغسل بالحمام .،
ميار طلعت الخبز وبقيت افكر بكلامها وكلام علي محتارة اوافق واترك دراستي لو لا
صبينه العشى تعشينة شلت المواعين دخلت للمطبخ اغسلهم،.. سمعت فهيمة تحاجي
ابويه اتصور دتحجيله عن علي
سويت الجاي ودخلت للهول شفت فهيمة تباوعلي ومبتسمه.. كلت بگلبي شبيها هاي يالله خير
شلت كتابي وكعدت ادرس..
فهيمة احجي ابو ميار شو ساكت
ابو ميار.. اني بالنسبة الي ماعندي مانع اذا ميارة توافق اني موافق بس شرط اخوج ميرجع طليقته.،
ميار.. شنو موافق بابا بعد شفتهمت كبل تريدون تخلصون مني ..
ابو ميار لا بنيتي موهيج بس علي نعرفه موغريب
والولد شاريج ورايدج واني اريد ازوجج واطمن عليج اني مودايم الج وانتي مراح نجبرج فكري زين..
ميار ودراستي ،.
ابو ميار نتفق وياه تكملين دراسه...
ميار والله مادري محتاره😔
فهيمة ليش محتاره تره محد يجيج احسن من اخويه😕
ميار مابي قصرة علي بس الي مخوفني خاف
اترك دراستي،. وميخليني اكمل
فهيمة بكيفج بعد انتي فكري
ميار الله كريم حروح انام وراية دوام باجر نحجي بالموضوع..
ابو ميار على راحتج حبيبتي ...
ميار اجيت انام اتذكررت من علي لزم ايدي
بقوة وكال احبج ماعرف حسيتة صدك يحبني
بقيت افكر بكلامه لحد مانمت
كعدت الصبح وطلعت للدوام.. كملت
وطلعت للبيت وصلت شفت سيارة علي واكفه بالباب.. صار عندي شعور غريب فرح على خوف ماعرف مشاعري مخربطة ماعرف شنو اريد بالضبط،،
فتحت الباب وفتت ... لكيت علي وفهيمة كاعدين
بالمطبخ..
السلام عليكم...
علي.. وكفت الحيلي من شفتها.. وعليكم السلام
هلا ميار شلونج..
ميار الحمدلله ..
خاله شو جايه اليوم من وكت ..
فهيمة اخذت اجازة ماكدرت اروح عندي كم شغلة كلت اكملهم..
ميار ماشي اني اغير ملابسي وانزل اساعدج
علي كعدت على الكرسي صافن عليها شلون تحجي شلون طالعه تخبل لابسه تنوره وبيها
جاكة طويله فررت عقلي فر مدي اصعد وياهه
للغرفه..
ميار علي ماشال عينه مني صعدت للدرج انداريت علي ورايه باوعتله غمزلي
ضحكت ماكدرت صعدت ركض ..
علي اخ يالله شلون ضحكة خلتني انتهيت لج اريدهااااا
فهيمة شكو ان شاءالله ليش منو الضاحكلك والله ياالله مدري شكول...
علي احجيلي شوكت تقنع وتوافق..
فهيمة يمعود موافقة بس تتعزز اعرف ادروبها
علي خلي تتعزز وتدلل شكد متريد بس تقبل
ميار للبست كلبيه صفره وشديت شعري ونزلت
علي.. سمعت خطوات مشيها اي اجتي واخيرا
ميار،، نزلت مباووعت عليه دخلت للهول ارتبه
فهيمة وينج ولج بصوت عالي ميارر
ميار.. يمة شبيها تصيح بلي خاله هياني اجيت
دخلت للمطبخ علي على نفس مكانه كاعد
وفهيمة تسوي بالدولمة.. ها خاله صحتيني
فهيمي تعالي لفي ويايه ولج رجلي خدرانة
ميار بس اني ماعرف ..
فهيمة انياله الحضي الناس تخطب بيها وهي دولمة متعرف تسوي..
علي ولا تعرف شنو يعني غمزلتها ناكل من السوك شدكولين ميار😉
ميارابتسمت ابتسامه خفيفه اي خاله هسه اتعلم
مواني دوم ملتهيه بالدراسة وتعرفين كلشي اعرف بس الدولمة صعبة
فهيمة دكعدي يمعودة عبالك راح نخترع صاروخ
ميار كعدت شفتها شلون تلف لفيت نفسها
علي .. هيانج تعرفين..
ميار لا والله هسة اتعلمت ،،
علي.. فدووة للأدينات ذني..
فهيمة😒 اووي خلي اكوم اخلي الجدر عالطباخ
علي شفتها غسلت وطبت للهول لحكتها
ميار دانضف وسمعت علي ورايه صاح
ميار ،.
ميار.. ها علي تريد شي..
علي اريدج كافي عاد والله طگ كلبي ..
ميار اكعد خلي نحجي،،
علي .. كلي اذان صاغية كعدت احجي،،
ميار اذا تريدني اوافق شروط عندي..
علي اي اسمعج احجي،..
ميار دراستي متمنعني منها... وزوجتك مترجعها انت بعد تركتها وراحت موبيوم اترجعها
علي الدراسة وعد اخليج انكملين وزوجتي الي طلكتها لتفكرين بيها اصلا لان مستحيل ارجعها
اطمني والله. ادللج دلال والي تريدي يجرالج
ميار.. وعددد!!!
علي والله وعد..
ميار ماشي
علي يعني شنو،،!
ميار موافقه..
علي... يبوووووه لج فهيمة تعالي
فهيمة خبال شبيك تصيح شكووو
علي ميار موافقه...
فهيمة امداني عبالي عندة خبر والله ياربي موطبيعي انت
علي العصر نكطع مهر..
ميار لا شعدنه مستعجل
علي اهووو شبصرني..
فهيمة لا خليها يجي ابوها نسأله واذا قبل باجر جمعه اكطعو مهر
علي ماشي راح اروح اني فهيمه بعد اخووج رتبيلي كلشي العصر امرلج
فهيمة تعال وين مو سويت دولمة
علي ماريد شي شبعت 😍
ميار هههه عزه هذا موطبيعي شبي..
فهيمة شبيج شو مبتسمه مدام رايتدة شبيج
بقيتي تصيحين ماريده عشتوو تدللين
ميار لا والله بس اني جنت رافضه علمود مدرستي..
فهيمة اكوم اشوف الدولمة..
ميار لازم اخابر خالتي وكولها انخطبت
شلت المبايل وطلعت بره... خابرتها
وحجيتلها كلشي خطيه باركتلي جنت اتمنى
امي حاضرة بيوم خطوبتي تالي لا امي ولا
خالتي لان خالتي متزوجة بعيد اعتذرت مني
علي طلعت بشرت الشله وكتلهم باجر خطوبتي
موومصدك راح اخطبهاا فرحتي متنوصف
ميار.. اجة الليل وبابا سمع اني موافقه حددنة
الخطوبه باجر العصرر.. جنت احلم بهذا
اليوم مثل كل البنات احلم اللبس الحلقه
واخلي مكياج واحف حواجبي بس مادري ليش
اكو خوف بگلبي من علي
مرت الايام وكملت امتحانات وصار اليوم موعد زواجي من علي
اخذت ملابس وكلشي احلم بي جابه مخله اي شي بنفسي .. اخذوني للصالون اني وصديقتي
وخاالتي هبة.. سوولي مكياجي طلعت اخبل
كلش حلوووة كل دقيقه اباوع الوجهي بالمراية
اجة علي خلولي البرگع على وجهي علي مشافني صعدوني بالسيارة..
اصدقائة كلبو الدنيه بالشارع يركصون وياهم
مزيقه وطبل .والناس فرحانه علي كعد يمي
بالسيارة..
علي درفعي خلي اشووف
ميار انت ارفعه مواني..
علي هاا عود نفس المسلسلات
ميار هههههه اي اي كوة احجي خجلانه
علي.. رفعته وانصدمت بالكمر أحترگ عمي ولج شطالعه اليوم
كيكة لعابة .. منو يخلصج مني اليوم
لك حمووودي دوسلها بس وصلنا البيت
ميار .. خجلانه كلش منه احس نفسي انتهيت
وجهي دم صارر من الخجل مرتبكة شيحجي ويايه مااجاوب ساكته
تبدء القصة‼️
ميار .. خجلانه كلش منه احس نفسي انتهيت
وجهي دم صارر من الخجل مرتبكة شيحجي ويايه مااجاوب ساكته...
وصلنا الفندق..واني ارجف احسن نفسي مثلجة
والدنيه جانت نار ..
علي.. راح اسبح واطلع ماتأخر خوش
ميار عادي براحتك
علي.. هم كولي لا
ميار.. بخوف وخجل.. شنوو
علي.. هسة افهمج شنو 😉
ميار😳 دقيقة علي... خلي احجي وياك
علي ترة مو وكت الحجي اكولج شو تعالي
وكافي سوالف..
ميار.. 🙈🙈🙈 موتريد تسبح
علي ياسبح نسبح بعدين...!
ميار تزوجت علي ومرت الايام علي مامقصر ويايه بشي مدللني حيل،، الحمدلله جنت خايفة منه
بقينا على هالحال كملت السادس ونجحت
هالسنه ادخل جامعه بس بعدها علي بدة
يتغير صار ميهتملي ولا يحجي ويايه
ليل نهار وية الشلة رجع السوالفه القديمة
قمار سكر ونسات وماعرف وين يروح
علي كومي سويلي ريوگ
ميار علي ياريوك الساعه ٤ العصر
علي وشعليج انتي كومي ترة راسي يوجعني
جيبيلي حبابة راس
ميار طبعا راسك من الشررب
علي،، بنت الكلب شعليج انتي كم مره كتلج
لتدخلين بحياتي
ميار كل مرة تغلط على ابويه واعديها هالمرة
لا ماسكت بعد .. الهنا وكافي
علي لا بالله خووفتيني شتريدين تسوين مثلا
ميار اهج اروح الابويه احجيله سوالفك
علي هييي ولي كومي سويلي اكل وروحي ولي الاهلج
ميار.. طبعا تريد تخلص مني حتى تاخذ راحتك
علي ماتهميني ترة كومي لا اكسر البيت عليج
ميار كافي تحملت هوايه يوميه عايفني وحدي
للصبح بالبيت مدكول مرتي شلون اعوفها
وحدها..
علي تريدين ارجع وياج هناء..! وتصيرين
سويه
ميار.. لااا والله بس هاي بقت اذا رجعتها
والله متشوف وجهي..
علي يطبج مرض واذا مارجعتي
ميار هاا يعني كذبت عليه وعدتني مترجعها
علي مو موضوعنا هذا سدي حلكج اذا
ردت ارجعها ارجعها غصبآ عن الخلفووج
ميار وسفة والله مو رجال الي موكد كلمته.. افتهمت
علي،. اني اعلمج منو الي مورجال
ميار.. وخر مني لا الم الناس عليك
علي لميهم ام السان الطويل
ميار اي وخررر ايدك لتضررب وخرر بصياح
علي .. اليوم اقضي عليج بنت الخايس
وج موزين لكيتي واحد ياخذج
طلع صوتج وصرتي تلاسنين
ميار شبعني كتل خله جسمي ازرك وطلع
بقيت على هالحال كل مرة يكتلني ويرجعني
بس هالمرة لازم اروح وبعد ماارجع
اخذت ملابسي وطلعت وصلت بيت اهلي
تلكتني فهيمه لا هلا بيها كلها من تحت راسها
هيه الجابته عليه
فهيمة ها شو جايه. المغرب شعجب
ميار يعني متدرين شعجب اخوج اكو غيرة
فهيمة والله انتي متتحملين
ميار وخري اريد افوت ابويه وين
فهيمة لتصيحين ابوج بعدة مااجة
ميار كل مرة اسكتلة واعديها واكول ميخالف
هالمرة والله مارجع صووجي اني غبية ورجعتله
موطلكني مرتين وخلصت شلون رجعتله اني
ثولة ورجعتله
فهيمة يعني تكيفين عالطلاك ..
ميار اي اخلص منه ومن سوالفه موتني
وهسه يريد يرجع هناء
فهيمة شتريدين منها بيت جبير اقسمي انتي
وياهه تره مو اول ولا اخر وحده زوجها تزوج عليها
وهي تره من الاول مرتة بس مشاكل صارت وطلكها وهسه هي تريد ترجعلة..
ميار طبعا اطلگت ماتحملت سوالفة منو الي
يتحملة بس كوليلي وشوفي داكلج
اذا يريد يرجعها الف عافية على گلبه
لان اني ماريده بعد..
فهيمة واني شنو انتي ويا حلوها
ميار،، تأخر ابويه
فهيمة هسه هو على جية ..
ميار بقيت كاعده على نار خايفه علي يرجع ويلكاني طالعه ويجي هنا وهم يضربني
بقت عيني عالباب اجة ابويه حجيتله
سوالفه كال مترجعين بعد المشكله كل
مرة يكولي مترجعين ويجي علي يقشمرة بكلمتين
وياخذني بس هالمرة مارجع ابد
صارت الساعه ١٢ ووعلي مابين اكيد بسهراته
بعدة مارجع للبييت .. فهيمة وابويه نامو
بقيت كاعده اكلب بالمبايل ..
علي دخلت للبيت ماكو هي طالعه اكيد راحت الابوها بنت الگلب اني اعلمها هم راحت واني كم مره محذره ماتطلع شغلت السيارة وطلعت عليها
فهيمة جنت متمددة بالهول سمعت صوت سيارة
فزيت مثل المخبله قفلت الباب هاي عليه اجة مية بالمية ..
علي نزلت واني صاير نااار..
دفرت الباب ويييينج بنت الكلب اطلعي لا اكسر الباب عليج
ميار عززة سكران راح يلم علينا الجيران ياربي
شلون شسوي..
فتحت الباب خفت ابويه يسمعه واتصير مشكله
اكبر ..
علي لزمتها من شعرها سحلتها صعدتها بالسيارة
ميارر هدني شبيك شعررري عوفه علي
وحق الله اشمر نفسي. من السيارة
اذا متعوفني
علي صعدتها وقفلت ابواب السيارة
ميار اضرب بالباب مثل المخبله افتحة اريد
ارجع الابويه..
علي خلي اوصل اللبيت واني اعلمج شلون
راح ارجعج الابوج..
ميار وصلنا البيت نزع الحزام وصار يضرب بيه
بدون وعي سكران ولا يدري بنفسه
لحد ما وكعت وبعد ماادري بنفسي
علي دفرتها برجلي بقوة وبقيت اضرب بيها وكعت بالكاع وبعد متتحرك
بقيت اضرب بوجهه ميار لج مودحجي وياج
وهي فاقده الوعي شلتها بيدي خليتها بالسيارة
وطلعت للمستشفى
ميار كعدت حسيت نفسي جنت بحلم وهوسه مادري شبيه لكيت نفسي بالمستشفى
علي كاعد يمي والدكتور يم راسي
الدكتور الحمدلله على سلامتج والله يعوضج
ميار الله يسلمك بس شنو اني شجابني هنا
شدتحجي دكتور ..
علي مو من وكعتي من الدرج فقدتي واني جبت للمستشفى
ميار باوعتلة نضرة بغضب مارديت عليه
اتذكرت الضرب الي ضربه الي وجسمي
الي كله كدمات مزورك
الدكتور كتبلتج على علاج لازم تستمرين
عليه ..
ميار من خلال كلام الدكتور فهمت اني جنت
بدايه حمل والطفل بسبب الضرب الي اكلته
راح .. طلع علي وية الدكتور وبقيت ابجي
مثل المخبلة رغم اني كرهت علي وكرهت سوالفه
بس الطفل اريده مالي احد بالدنيه لا اخت لا ام
جنت اتمنى يصير عندي طفل
بس ماكو قسمة راح الطفل رجع علي
فشلان مني وميكدر يخلي عينه بعيني
علي شلونج هسة ..
ميار شلوني ارتاحيت من خليت الطفل ايروح
علي ليش ماكتيلي اني حامل
ميار ليش راح يهمك هو انت وين حتى اكلك
انت لو نايم لو طالع شحجيلك
علي يعني جنتي تعرفين بنفسج حامل وماكتيلي
ميار لا مادري بس جوز بيها صالح
راح الطفل ..
علي كافي سوالفج احنة بالمستشفى
ميار طلكني علي كافي عاد والله كرهتك اكثر
بعد مراح الطفل
علي اش كافي عاد لتضلين بهاي سوالفج
ميار اريد اطلع للبيت
علي هسه نطلع دقيقه واجيج بس اسأل الدكتور
ميار اخذني ورجعنا للبيت
نام ولا مهتم للي سواه الي بس وصلنا نام
واني جسمي مكسر من كل مكان اون
علي كعدت ماكو هيه هاي بس لا هم
راحت.. صحت بصوووت عالي
ولج وييييينج ..
ميار اني بالحمام سمعت صوته صاح بقوة
فتحت الباب وطلعت.. لكيته واكف وشعره
مخربط متخوصرلي بباب الغرفه
علي وين جنتي!!
ميار بالحمام..
علي عبالي رحتي لاهلج جان جيت گبررج
ميار ومنو كلك مراح اروح
علي الي تطلع الباب تنكسر رجلها
ميار هو اني شمفتهمة منك غير القهر ماريد
اشوفك بعد
علي دطلعي وشوفي والله اطلگج
ميار.. علواه تكدر تسويها.. بس متكدر
علي كااااافي سدي حلگج لا اجي اسدة بنفسي وتعرفين اذا سديته شسويلج
ميار عفتة يسولف طبيت للغرفه تمددت
مالي خلك تعبانه ومونايمة ..
كعدت لكيت علي ماكو طلع مثل كل يوم للسهرة لو للقمار
للبست وطلعت البيت اهلي ..
فهيمة هاي وينج شو اطببن وتطلعين محد يدري
بيج وين جنتي
ميار يعني وين جنت اجة اخوج سكران
حجيتلها الصار
فهيمة هسه انتي ليش تعاندين ديلا ارتاحي هسه راح الطفل منج
ميار ياااا كل هاي وتخليها براسي اتمنى
تحجين فد يوم الحق كافي ادافعين على اخوج
بالحق والباطل
فهيمة ولج لتصيحين عليه افتهمتي وعلي هسه
يجي ميلكاج ويذبحج
ميار اذا هو رجال خلي يطلگني
فهيمة رجال وغصبا ماعليج لتحجين عليه افتهمتي
ميار بقيت اني وفهيمه عياط وصياح وغلط
طلعت كل قهري بيها
علي طلعت غسلت السيارة رجعت مالكيتها
صدك ماضل عقل براسي
صعدت بالسيارة ورحت عليها لكيت الباب
مفتوح وصوت فهيمة عالي ..
فهيمة تعال فوووت هم زين اجيت
علي وينها؟؟
فهيمة هيانها المحروسه ادكول اذا هو رجاال
خلي يطلكني
علي شطلعج ولج !!
فهيمة شو تحاجيها بهدوء ولا مهتم اكو واحد يكلولها هالحجي ويسكت
ميار اي كلتها وبعد اكول اذا انت رجال صدك
طلكني هالحضة
فهيمة طلكها ياعار الزلم ولك صارلها ساعه
تصيح عليه والنوب صارت تتجاوز عليك
طلكها ورجع مرتك هاي ماتفيدك ام السان الطويل
ميار بقيت كاعده بمكاني ولا خفت منه ردته
بس يحجي ويايه علمود الم العالم عليه
ميار يلة طلكني ماريدك بعد اذا تحس على نفسك وعندك كرامه طلكني..
علي وشنو يعني فد مندلة انتي اطلگج واني مرتاح اني هم اريد اخلص من مشاكلج
روووحي مطلكة بالثلاثة.. والله ياالله عبالها
راح اتخبل وراهه
فهيمة اي والله ماقصرت زين سويت
ميار .، رغم كل الي سواه الي بس
من كال مطلكة حسيت نفسي رخصية عندة
عادي يطلكني ولا مهتم بقيت ابجي وادعي عليهم بحركة حسبي الله عليج فهيمة
فهيمة يطبج مرض كافي عاد تدللين لعبتي نفسنه
علي عفتها شغلت السيارة مريت علولد اخذتهم
وطلعت للكهوة ،
ميار اجة ابويه حجيتله الصارابوية كلش انقهر عليه حس نفسه ضلمنب بهذا الزواج مجان يعرف علي هالشكل بقيت على ايد فهيمة
صرت خدامة الها
بعد شهر من طلاكي علي مابين دزلي ملابسي
كلها بيد فهيمة وهو بعده على نفس سوالفه وسهراته.. مرت ايام وابويه القهر بعيونه
واضح جان بس اني جنت اضحك واشاقه
ماريد ازودها عليه..
كعد الصبح تريكنه اني وياه وطلع للشغل ً
طبيت للييت انضف وره رساعة دكو عليه
شلت الجهاز رقم ابويه
ميار كعد الصبح تريكنه اني وياه وطلع للشغل ً
طبيت للييت انضف وره رساعة دكو عليه
شلت الجهاز رقم ابويه ...
فتحت الخط.. الووو
الووو .. السلام عليكم
ميار وعليكم السلام منو انت،.
احمد اني اشتغل ويا الحجي بالمطعم وهسه
هو تخربط واخذناه للمستشفى ..
ميار.. يمة شبي ابوويه يا مستشفى
احمد.. سجلي يمج العنوان..
ميار.. سجلت العنوان بورقة وطلعت اركض عالشارع .. اريد احد يوصلني،.
ابجي واركض الضهر ولا سيارة موجوده
راكان.. خلي اعرفكم بنفسي
اني راكان عمري ٢٩ سنة طويل القامة اسمراني طبعي عصبي بس شايل گلب طيب ابوية متوفي اني واني عايشين وحدنا عندي اخت وحده ومتزوجة ..بيوم من الايام جنت راجع من الشغل الضهروالشارع فارغ وصلت قريب على بيتنه شفت بنية بالشارع مخبوصة وتأشر خففت السيارة
وكفت يمها .. البنيه الضاهر من نفس منطقتي بس مشايفه قبل..
ميار اي ياالله هاي سيارة اجتي
راكان.. نزلت الجامة وسألتها خير اختي بيج شي...؟ محتاجة شي
ميار.. بدون نقاش فتحت باب السيارة وصعدت
راكان دقيقة شنو القصه فهميني وين صعدتي
ميار فدوة العينك وصلني للمستشفى ابويه هناك
اريد اشوفه.. مريض وحالته تعبانه الله يخليك وديني احجي وابجي دموعي مابطلت
راكان .. اهدئي هسه اوديج يمعودة ان شاءالله مابي شي
ميار ينطيك العافية ان شاءالله.. ربي يحفظك
راكان .. اخذتها ومشينه انتبهت الها بالمراية
تبجي وعيونها حمر.. بس كلش حلوه خطيه الضاهر ماكو احد عدها...شلون بنية بعدها صغيرة وطالعه وحدها
ميار.. صعدت ويا الولد بس من وكف حجيت وياه ولد اسمراني ماعرفه المهم بس يوصلني الابويه ... اي هنا نزلني عفية..
راكان اوكفي دقيقة محتاجة مساعدة..؟
شو انتي وحدج
ميار.. سديت الباب وركضت رحم الله والديك
راكان خطيه غير خايفة على ابوها شغلت ورجعت للبيت بس بقت ابالي المفروض مااتركها وحدها ماعرفت شصار عن ابوها ..
ميار وصلت المستشفى افتح بالبوب وادور على ابويه هد حيلي ماعندي احد بالدنيه غيرة ويريد يعوفني ويروح .. المشكله ماعرف احد ومنو الجابه رجعت للأستعلامات كتلهم على اسمه دلوني على غرفتة..
فتحت الباب وفتت شفت ابويه نايم واكف يمة الولد
عطت بقوووة يمةةة ابووويه شبيك احجيلي شبي ابويه مات لو شبي الله يخليك احجي ..
رحت لزمت ايده..
احمد.. على كيفج يمعودة الدكتور كال مينقهر ولا يسمع صوت عالي ..
ميار مسحت دموعي يعني ابويه عايش..
احمد الحمدلله بس عنده جلطه خفيفه..
ميار سودة عليه من عمري العمره كله بسببي
ضل يحرك بروحة الله لينطيك علي شسويت
بينة.. بقيت كاعده يم راسه خابرت فهيمة
اجتي للمستشفى .. ثاني يوم سمحلنه الدكتور
نطلعه..
رجعنا للبيت.. بقيت مكابله ابويه وابجي
مصدكت رجعلي .. الف حمد وشكر الك يارب
ابو ميار.. لتبجين بنتي مابيه شي لتخافين عليه
ميار.. كلة بسببي انت بقيت مقهور عليه اعرف
ابو ميار.. انطلمتي هوايه.. وهالشي موذنبج بالعكس اني الي زوجتج وبعدج صغيرة
فهيمة هسه ليش تكبروها مو اول وحدة اطلكت تره وبعدين اخويه يريد يرجعها
ميار.. يحلم ارجعله كل الي صار بسببه
فهيمة هي باعي داكلج ابوج مريض وتعبان
لتخليها براسه..
ميار مو وكت سوالف ابويه تعبان ماشي سدي السالفه..
فهيمة هو منو الفتحها غيرج..
ابو ميار كافي يمعودين شبيكم..
ميار لتضوجك نفسك بابا ماكو شي ..
علي اتصلت على فهيمة كتله اريد ارجع ميار
وحجتلي ابوها متمرض وميار حيل متأثرة عليه
لازم اكسب رضه ابوها وميار اكيد راح ترجعلي
ومراح ترفض طلب ابوها
صار العصر صعدت ورحت المهم ..
ميار.. جنت بالمطبخ داسوي كبة انتبهت هاي سيارة علي يالله شجابه .، طبيت ركض لغرفتي وقفلت عليه الباب..
فهيمة،، هلا علي تعال فوت سلم على عمك
علي شلون صار هسه ان شاءالله احسن
فهيمة لا الحمدلله احسن تعال فوت بالغرفة هوه
ميار بقيت وره الباب سمعت صوته يحجي ويه فهيمة هذا شيريد اجة كل عقله شلون عين طلكني ويجي الاهلي لا هلا
علي دخلت سلمت ووكعت على عمي وبوستة من راسه..
الحمدلله على السلامة عمي..
ابو ميار الله يسلمك.،
علي عمي اني اسف واعترف اني غلطت واتمنى تسامحني،،
ابو ميار.. جنت ماخذك بعين جبيرة وانطيتك بنتي تحافظ عليها بس انت دمرتها واخر شي طلكتها..
علي.. صحيح والله اني غلطان اتمنى تسامحني واني جاي ارجعها،،
ابو ميار.. ماتقبل بعد ترجعلك الشافته منك موقليل
علي والله اتغيرت وهسه ماعندي شي
ابو ميار سمعناهه قبل..
علي عمي حقك تحجي هالشكل بس والله اني تغيرت وجاي ارجعها جربوني مراح تخسرون شي
ابو ميار هي ماتقبل بيك بعد
فهيمة.. بس هي تسمع كلامك مراح ترفض اذا انت حاجيتها
ابو ميار ماريد اضغط عليها هي بكيفها
فهيمة لا تضغط عليه بس اني وانت نكدر نقنعها
ابو ميار الله كريم يصير خير ولو اني هم خايف من سوالفك.. بس نجرب واذا بس اذيتها بكلمه بعد تحلم تشوفها
علي ان شاءالله عمي خلي ترجع والله اخليها بعيني..
يله اني اترخص عندي شغل انتضر منج رد فهيمة
فهيمة .. طلعت وياه للسيارة. وصلته
اكول انت شو هم وجعت عليها،.
علي خلي بس ارجعها والله الا اكسر خشمها العالي تبهذلت
فهيمة لا خلي تولي ابوها مريض.. ماريد مشاكل
علي هسة احنه شكايلين قنعيها اريد ارجعها ترة تبهذلت محد يغسل ملابسي واكلي كله من السوك
فهيمة الله كريم..
ميار.. فتحت الباب علي ماكو رايح..
فهيمة.. تعالي شكو طبيتي جوه لازم غريب علي
الكبة كمليها راح تتلف
ميار شكو جاي شيريد..
فهيمة يريد يرجعج..
ميار ذبيت الكبة من ايدي شنوو عيني المن يرجع
فهيمة مرته ويريد يرجعها شجرالج عيني
ميار.. ابويه وينه.. خلي اروح. احاجي افضل
فتحت الباب.. ودخلت..
ابو ميار شبيج تصيحين صوتج عالي
ميار بابا شبي علي.. صدك يريد يرجعني
ابو ميار اكعدي خلي احجي وياج..
ميار احجي اسمعك بس لحد يكلي ارجعي
ابو ميار.. بنتي الوولد حلف مراح يأذيج وترك كلشي وجاي يريد يرجعج كال جربوني
واني شوفت عينج مريض وخايف اموت وماعندج احد .. ارجعي العلي يحبج ويريدج محد يفيدج
ميار.. بابا نسيتوو شسووة بيه..
ابو ميار لا بنتي مانسينه بس هو هسه متغير
وحس بغلطة واعتذر .. الخاطري خليني ارتاح
ارجعيله..
ميار وسهراته والقمار والضرب والاهاين هم ارجع الهن ماصدكت ارتاحيت
ابو ميار.. لا حلف يكول راح اتغيرر
ميار.. والله مااطيق اشوفه عفت ابويه وطلعت بره
الف بالكبه واتذكرت شلون جان يعاملني مترددة شلون ارجعلة بس ابويه مريض واترجاني ارجع
واذا مارجعت علي راح يرجع يسويلي مشاكل
بقيت افكر.. محتارة.. بعدين اتذكرت علي مطلكني اكثر من مرة يعني ميصير يرجعني
اي اي الحمدلله واخيررا لكيت حل
اكولج خاله..
فهيمة هااا شكوو
ميار.. عيني اخوج نسة هو مطلكني اكثر من مرة يعني اني مايصير بعد ارجعلة الا اذا تزوجت واطلكت ..
فهيمة شلون يصير لا موصحيح..
ميار اسألي بيها.. وهسه تشوفين كلامي صحيح
فهيمة مادري اليوم اكله..
ميار علي ولا مل كل فتره يروح ويجي
بعد سبوع تطلع العدة وعلي متأمل ارجعلة
اجتي خالتي وبناتهه. وبقو يمنه من زمان مشايفتهم حجيت قصتي الخالتي وبناتها كلش نقهرو عليه
كعدنه بالحديقه نسولف ونضحك اني واستبرق
نستني همومي سوالفه تموت ضحك
انفتح الباب..
استبرق ولج الباب هذا منو الاجة
ميار انداريت صارت عيني بعينة حجيت بصوت ناصي بعدين افهمج..
علي..فتحت الباب وفتت شفت ميار كاعده وياهه بنية اول مرة اشوفها وميار شافتني واندارت
وتضرتلي نضرة حقد..
عفتها وطبيت على فهيمة..
استبرق.. ويع منو هذا شو نافخ نفسة وميسلم
ميار.. اوووف هذا علي..
استبرق.، ياعلي..
ميار زوجي السابق..
استبرق عساه دوم سابق شبي نافخ نفسه
عبالي صدك شلون يباوع لج وهو هذا فارس احلامج الي جنتي تحلمين بي.. انيال حضي
ميار.. قسمتي بعد شسوي..
استبرق لج حفظج مالكيتي واحد صاك الا هذا
شو حصر روحي..
ميار.. تدرين بيوم الي ابويه تمرض صعدت ويه واحد خرب لج يموت تعرفين طبعي ميعحبني اي واحد بس هذا يبووووي يكتل
استبرق دسكتي ليسمعج هذا
ميار شعلية بي صرت حررة
علي.. حجيت ويا فهيمة وكالت محرمة عليك
صدك ماضل عقل براسي
روحي فهيمة خلي اروح اسأل عالم ديني اشرفلي منين طلعتيلي هاي السالفه
فهيمة انت تتهور دومك وهاي تاليها الطلاك
شوف داكلك هاي خالته هسه كالتلي انتضر عدت ميار تطلع تريدتخطبها الابنها بس ميار بعدها متدري
علي والله على موتي هالشي..
وخري خلي اطلع اشوف شلون تاليها
استبرق لج طلع باعيله عاقج حواجبة.. هاي شبي مزعوج
ميار لتباوعين علية عوفي
علي طلعت وسديت الباب ورايه بقوة
رحت كبل اخذت صديقي دلاني على عالم ديني حجيتله الصار كال ميصير تتزووجها حرام الا تطلع عدتها وتتزوج غيرك..
علي وشلون هسة ..!
رجل الدين.. اختار انسان محترم وصاديق يتزوجها ليله ويطلكها بس شرط الزواج مو بس عالورق لازم يتقرب منها وانت فاهم قصدي
علي... شنوووو!!
