حضن زوجي 👰
#الجزء_16
ميار.. هسه شلوون!!
راكان اني هسة اكولج شلون....
ميار. كمزت وكفت على صفحة.. كلشي ماشوف
اهمس ضليت وكفت بالزاويه..
راكان.. تالي اليوم نضل هيج وين رحتي شنو ناعب ختيلان
لتحاولين تنهزمين تعالي كمت الحيلي واني اضحك.. وينج
ميار.. جامدة بمكاني بالزاويه حسيته ديتقرب
يدور عليه بالغرفة.. يمة مداكدر شلون ياربي
بقيت بموقف حيل صعب،.
راكان.. اني طالع للهول خلي الفار يلعب وياج اليوم لتجين ودكوليلي اخاف.. فتحت الباب
ميار.. حسيت شي طخني برجلي صررت
اتخايل الفاره تمشي على رجلي عطت حيل
وكمزت من مكاني.. وركضت
راكان.. انداريت على صوتها ركضت على الباب
واجت بين ايدي... حضنتها وهي ضامة راسها
جوه ايدي..
ميار.. راكان اخاف والله لتعوفني وحدي..
راكان كلش جانت طالعه منها حلوة كلمة راكان كالتها بهمس وصوت ناعم يخبل
راكان.. ليش ترجفين هي فاره يمعودة عبالي صدك شنو هالخوف.. لزمت ايدها وسحبتها
تعالي..
ميار.. وين !!
راكان.. كافي دلع وخليني اخذ راحتي..
ميار لا والله تاخذ راحتك شنو..
راكان ضحكت بصوت عالي.. يعسل انتي غير
انتو تريدون هالشي شعلية اني
ميار.. وانت ماصدكت موو..
راكان.. حضنتها من خصرها وهمست
تتصورين راح اكدر اقاوم وانتي زوجتي يعني
موحرام كافي تعالي ياعيوني فضيها..
ميار.. لاء معلية.
راكان بديت اضوج تره.. ومن ازعل بعد موبسهولة ارضى..
ميار ممممم هفففف
راكان.. سلامت روحج يرويحتي انتي..
ميار.. صار يحاجيني بغزل ويحضني كل شوي
يخليني اذوب بين ايده.. اخدر وانتهي بس
ماريد يتقرب مني وارجع الـ علي
راكان.. وصلتها للجربايه وصرت اتعزز عليها
حسيتها هي تريد هالشي بس تدلل او اكو شي اخر متريد تحجي الي
يله نامي هنا اني رايح كلتها بضوجة
ميار.. ويييين!! اني اخاف..
راكان اني وانتي بغرفة وحده ماكدر ابقى مااتحمل وانتي منا تدللين عليه حللبس واطلع. اشوف شنو سالفه الكهرباء
ميار وكفت لا حباب لتعوفني وحدي..
راكان وتالي وياج ترة خبلتيني اني وين وهالسالفه وين شجابني عليج صرت احجي
ومسوي نفسي ضايج عليها
ميار اني اسفه بس والله موذنبي
راكان ماكو مشكله هسه ارجع عفتها وطلعت
ميار ياربي النوب زعل هسة اني شلون هيج
سويت بنفسي .. بقيت واكفه فوك الجربايه
مثل المخبله شعري مفتوح كلشي يطخني اعيط اتخايل الفاره وافزز
راكان.. طلعت بالطرمة خليت الكرسي وكعدت ادخن جگارة.. سمعت ولد المنطقه بره
فتحت الباب وسألتهم كالو المولد عاطل
سديت الباب ورجعت كعدت واحس. كاعد على
نار اريد اروحلها بس كوة مصبر نفسي
اسمعها كل شوي تعيط واضل اضحك شسويلها هي جابتها النفسها..
ميار.. بقيت اتهمس عاالحيطان كل شوي انركع
براسي بالحايط. وصلت المطبخ
جان اكو ضوة ضارب على الطرمة. شفتها
كاعد بالفانيله والبجامة ويدخن جكارة
وكفت بباب المطبخ استحي اطلع
راكان حسيتها ورايه بس غلست ماحجيت شي
ميار. كحيت سويت صوت مانتبهلي
راكان جانت تتعزز هسة صارت تتحارش اني الج اليوم وين تروحين مني بقيت مغلس
ميار.. هاي حتبقى هيج ماكو كهرباء
راكان شطلعج هيج لابسة فوتي جوة الولد بالشارع..
ميار. عززة شبي صار يحاسبني .. شعليه هوه
ميار بس ضلام محد يشوفني
راكان الرجلين بيض هاي اني داشوفهم شلون محد يشوف دفوتي جوة عاد
ميار.. اخاف ماكدر افوت وحدي
راكان يعني دتكوليلي تعال فوت ويايه
ميار.. عززة لا والله موهيج..
راكان ابقى عاندي .. وكفت بالطرمة
وهي بالباب واكفه..
ميار،، اريد ماي عطشانة.. وين المي
راكان كدامج البراد اشربي وجيبيلي وياج
لو هم متكدرين..
ميار لا هسه اجيبلك مشيت على روس
اصابيعي اتخايل الفارة ورايه تمشي
راكان ارتجيت على باب المطبخ شفتها اطلع كلاص وراحت للبارد.. ماكدرت اصبر
جسمها جذبني ماتحملت هي منداره
تصب مي حضنتها من وره وهي مندارة
شعرها صار على وجهي..
ميار.. بقيت جامدة ماكدر احجي شي
راكان حسيتها بدت تتستيلم الي بقيت
بين ايدي واني حاضنها حيل
بستها بوسه خفيفه من ركبتها
ميار.. گلبي دكاته صارت تنسمع من بعيد
راكان بهمس نروح جوة !!
ميار.. بس اكو شي اريد احجي الك اسمعني
راكان احجي ..
ميار بس وخر مني حتى احجيلك
راكان لا مرتاح هاااشكل كملي
ميار بقيت بين اديه حجيتله ماريده يتقرب مني لأني ماريد ارجع العلي..
راكان هااحجي نحجي بعدين ماشي لان ماكو صبرر
ميار لا شلون انت من تتقرب مني راح ياخذوني
واني مااريدة تعبني
راكان .. محد ياخذج
ميار شلون !! موانت راح اطلگ
راكان . تعالي هسه ونحلها بعدين
ميار تقشمرني.. يعني!!
راكان.. ولج تعالي شلون وياج راح تبقين تسولفين واني محترك..
ميار هاي وين ماخذني
راكان ماسمع منج حرف وطلاگ ماطلك
ذبيتها عالجربايه وصرت ابوس بيها
ميار.. ماعرف شنو جان يقصد من كال
طلاگ ماطلگ يمكن جان يريد يسكتني
صار يبوس بيه من كل مكان سلمت نفسي
الى وبقيت بحضنة للصبح ..
راكان جانت أجمل ليله بعمري نومتها على ايدي ونمت
راكان نام واني بقيت صافنة
بوجهه بس
هالليلة وياه الصبح اروح واعووفة اجت الكهرباء
نمت بدون ماادري بنفسي
راكان كعدت لكيتها نايمة وشعرها عالوجهه
وخرت شعرها بيدي بستها بوسة خفيفة
غطيتها وبقيت اباوع عليها شلون جمال
شلون عيون تخبل الرموش طويله
ولا شبعت منه
يتبع
