الجزء12
للغرفه
لبست وفتحت الباب وصحت ميار تعالي
ميار.. يمة عضامي موبس رجليه ترجف شلون ياربي اخذت الصينية وكفت بالباب هذا الجاي من زمان صبيته يمكن برد تحب اغيرة
راكان تعالي كعدي... مومشكله عادي بارد جيبي
ميار.. كعدت بالكاع على الفراش بقيت ساكته
راكان.. يعني ماعرف من وين ابدي بس
انتي تعرفين هالشي راح يصير مو بأدارتنه
ميار.. اني يحجي وگلبي يدك الف ومااجاوب بس مدنكة راسي بالكاع..
راكان اعرف انتي خجلانه مني واني مراح
اتقرب منج اذا مو انتي موافقه بس المشكله
همه حددو وقت.. يعني لا بيدي ولا بيدج
ميار.. وجهي يطلع نار ماحجيت شي
راكان.. هاي غرفتي وتعرفين اني مامتزوج
هاي جرباية نفر واحد...
ميار.. رفعت راسي يعني شنوو!!
راكان ههههه لا تفزين اقصد عادي نامي على الجربايه واني اذا هاي انام بالهول او هنا بالكاع بكيفج..
ميار ممكن تنطيني وقت اني كلش خجلانه منك
راكان الج كل الوقت والله بس اذا همه انطونا وقت يعني شلون..!
ميار ممكن تنطيني وقت اني كلش خجلانه منك
راكان الج كل الوقت والله بس اذا همه انطونا وقت يعني شلون..!
ميار.. اووووف💔
راكان ليش اوووف موراح ترجعين. الزوجج ولو يمكن ادخلت بأمورج
ميار.. لا بس والله ولا اريد اشوفه بس هاي هي حكم القوي على الضعيف..
راكان تربعت وكعدت بصفها.. حسيتها مهمومة
ميار.. كعدت قريب مني وبقى صافن بوجهي
راكان هي تحجي واني صافن على تفاصيلهاً
حتى نسيت أسألها شبيج وليش متريدين ترجعين اتذكرت حسن من كلي جكمة وتشبه جبار ابو المولد.. اوووف هذا هالحسن وجگمة غير لو يجي ويشوف الجمال
ميار..ماكدر احجي حسيته اكلني بنضراته
سكتت ودنكت . واني ارجف رجف كل مايتقرب عليه
راكان.. راح تبقين هالشكل خجلانه شويه شيلي حاجز الخجل
ميار..موبيدي صعبة كلش.. والله
راكان.. حقج طبعا متعرفيني بس حاولي تشيلين شوي هالشي لمصلحتج وللعلم اني تعجبني البنية الخجوله.. بس هاليله شيلي الخجل
ميار.. باوعتله وخدودي طماطيه ابتسمت ابتسامة خفيفة بقيت اباوع بوجهه حيل حلو
والاحلى شي طبعه يخبل حسسني اني اعرفه من سنين
راكان ،، الساعه صارت ١١ حيل الوقت شبساع مشة ولا حسيت عبالي بـ٩
ميار،، اي الوقت يركض ركض..
راكان.. والحل.. هسه اني بين نارين يعني
الصبح لازم اوديج واحنا كلشي؟؟؟
ميار.. 🙈 مممم
يتبع .....
