#حضن_زوجي 👰
الجزء 31
تعبان..
ميار نضفت المطبخ ورجعت كعدت يمة
ميار.. راكان توصلني لو اخابرهم بجون
ياخذوني..
راكان اني اوديج بس بعدها حارة
ليش تريدين تروحين ممرتاحة يمي
تاخفين مني؟
ميار لا والله بس علمود علي شفتة شسوة
بيك..
راكان والله اكدر اروح اشحطة بالشارع
واكدر اشتكي عليه بس المشكله
السالفه راح تفتر عليه اني انطيت
كلام كدام السيد ليله واطلك
هيج مراح احصل شي بس عوفي
متحمل عليه لازم يوكع بأيدي
ميار لا طلگ احسن انت شنو ذبنك
تتحمل هالشي كله
راكان.. سهلة اني اطلگ من يگطع بعقلي
اتحضري فد شوية نطلع
ميار.. ماشي ارتاح انت اني رايحة للغرفة
شوية واكعدك..
راكان جنت اتمنى تبقى يمي كاعده بس
ماردت اكولها واسمع منها رد قاسي
راح تروح اليوم ماعرف شلون راح اتحمل
غيابه اني تعودت عليها ماكدر بعد
ميار لميت الملابس خليتهم بالعلاكة
نضفت الغرفه لبست الفستان والحجاب حيل حلو طلع عليه بس الحذاء جبير يله
المهم يوصلني بيت خالتي
راكان داغسل شفتها ورايه بالمرايه
لابسة الفستان وطالعه ملكةةة
سويت نفسي ماانتبهت..
انداريت دانشف وجهي..!
ميار،. اني جاهزة نطلع ..
راكان اي نطلع هسه خلي اللبس القميص
ميار ولا انتبه عليه ولا باوع بوجهي
جنت متوقعه راح ينتبه للفستان لان هو جابه
طلعت بالطرمة انتضرته يطلع بيدي العلاكة
راكان قفلت الباب وطلعت صعدنا بالسيارة
ميار انطيته العنوان مالت بيت خالتي
راكان اي اندليته
ميار شو منا رحت ليش؟
راكان مارديت عليها سويت نفسي ضايج
ميار شبي ميتحاجة خاف اسأله النوب
ويعيط بيه.. بقيت ساكتة
راكان وصلت كتلها انزلي..!
ميار شنو هاي وين انزل..
راكان انزلي هسه واني اكولج..
ميار شلت العلاكة ونزلت..
راكان رجعيها بالسيارة العلاگة
ميار رجعت العلاكة وفتت ببيت كلش
حلو ماعرف مالمن..
حسن فتحت الباب.. هلا هلا بالعرسان
تفضلوو..!
ميار بقيت بصدمة منو هذول الناس شنو
يبارك النه شديسوي راكان كلشي مدافهم
حسن.. تعالي عبير ،.؟
عبير زوجة حسن..
اهلا وسهلا عيني مبارك الزواج
راكان اشكرج ام حمودي الله يبارك بيج
حسن شو تأخرت
راكان والله نمت شويه جنت تعبان..
حسن عبير روحو جوه انريد نسولف يمعودة
عبير اووف ابو حمودي متخلص سوالفه تعالي حبيبتي ويايه..
ميار كل هاي واني بصدمة ماعرف شنو ديصير
راكان حجيت الحسن الصار
حسن ابقو يمي بين ماتحلها
راكان هي تريد تروح البيت خالتها
حسن اي وانت ماتقبل مو والله شكلك بعد ماتكدر تعوفها ..
راكان لا بس مادري اكول خاف ارجعها وياذيها
هذا وهي يتيمة ماعدها احد..
حسن مشكله والله مادري شلون
ميار صدقة منو هذا الحلووو
ام حسن هذا حمودي حبيبي شوفي صاير
رجال راح نسويله حفلة طهور
روح سلم على خاله حبيبي.
ميار فدووة شكد محبوب الله يحفظة
ام حسن الله يسلمج ان شاءالله ربي يرزقكم مثل حمودي..
ميار.. صفنت وكتلها ان شاءالله ماتدري
اني عروسة الساعات
راكان طلعت اني وحسن وعفتها
يم مرت حسن.. ميار بقيت كاعده بمكاني ماتحركت اتتضر راكان يرجع حى افهم منة شنو
الموضوع
راكان اتسوكنه ورجعنه .. اكول حسن
مرتك تدري بالسالفه مالت الزواج
حسن لا ماحجيتلها .،
راكان ماشي نزلنه الغراض وكعدت بالاستقبال
اريد اشوفها وينها
ميار كالو اجوي .. عدلت حجابي وباوعت من الباب
راكان شفتها مدت راسه ورجعت تعالي ميار
ميار.. دخلت راكان وحده وصديقه دينزل
بالمسواك وكفت يمه سألته راكان
شنو الموضوع غير افهم شنو ديصير
راكان كعدي .. ذوله بيت صديقي
وعزمني عالعشى ومرته ماتدري بالموضوع
خلي نفسج طبيعية ..
ميار وبعدين شلون
ام حمودي.. هاي شنو راكان شنو هالعروسة
الحلوة فدوة شكد محبوبه ربي يسعدكم
راكان اشكرج ام حمودي اي محبوبة
وخجوله ابتسمت الها
ميار ارتبكت ماعرف بعد اجاوبهم
ام حمودي كعدي ليش واكفه حبيبتي
يتبع .....
