#حضن_زوجي 👰
الجزء 13
مممم
راكان لعد اني حروح انام بالهول واذا كالولي
اكلهم اتفاهموو ويه بنتكم ضحكت وكفت الحيلي
اريد اطلع..
ميار.. لحظة وين رايح..
راكان.. غير انتي متقبلين ابقى هنا كلت انام بالهول وانتي اخذي راحتج..
ميار.. لا عفية تعال الكيلي حل..
راكان.. ولج اي حل انتي مادتقبلين الحل بيدج
يلة اني حروح للهول اذا تريدين تروحين للحمام
هذاك الحمام بالممرر واذا حتاجيتي شي تعالي للهول اني موجود ماانام بسرعه
ميار.. زين وين اغير ملابسي..
راكان،. تحبين اساعدج..؟
ميار.. هااا شنو..! !!
راكان.. هههه لا اشاقيج بدلي هنا ولباب سدي واذا تحبين هاي بي مفتاح قفلي خاف. تخافين مني ضحكت ومشيت..
ميار.. خرب شلون سوالفه تخبل قفلت الباب وكمزت عالجربايه مالتة تمددت عطره يجنن بالغرفة.. باوعت على ملابسه بالكنتور واغراضه ساعتة نزعها خلاها عالجربايه. شلتها لبستها غركت بأيدي جبيرة كلش نزعته ورجعته بمكانه اووف وينج استبرق الحكيلي شكد ينحب ياربي نيال الي راح تتزوجك صدك.. فتحت الباب على كيفي طلعت شفته يكلب بالجهاز مطفي الضوة ومتمدد بالبجامه والفانيله دنكت ورحت للحمام ورجعت واني مدنكة طبيت وسديت الباب ورايه
راكان حسيتها طلعت ورجعت ماباوعت عليها بقيت اكلب بالمبايل
ميار طبيت للغرفة ذبيت ملابسي وطلعت من العلاگة دشداشتي القصيره
ماعرف انام اذا موهي.. لبستها وًفتحت شعري وتمددت
راكان طلعت منها واني ولا اريد اطلع كوه صبرت نفسي.. ماكدرت اقاومها صدقة وهي تباوعلي وخجلانه شلون برأة تجنن هذا زوجها شكد غبي ضيعها منه.. حقه اذا سوة المستحيل حتى يرجعها لو اني اتخبل بقيت متمدد على القنفة اكلب بالجهاز لحد ماطفى الشحن
والشاحنة يمها شلون هسة اكيد نامت واذا اروحلها راح تخاف مني بقيت متمدد واتذكرت من كالت اوووف حسيتها مجبوره ترجع لطليقها
ميار.. هسه لو جايبه ويايه المبايل جان عالقليل
التهيت بي..
بقيت صافنه بسوالفه ورايحة بغير عالم.. وماحسيت الا صار ضلام كلشي مااشوف
راكان.. انطفت الكهرباء وكفت اريد اروح
اشوف ليش طفت.. اكيد هاي البنية راح تخاف وحدها..
ميار يمة شنو هاي كلشي ماشووف بقيت اهمس عالحيطان فتحت الباب وطلعت واني ارجف اريد بس ضوة امشي واتخايل احد يمشي ورايه.. وجسمي يرجف..
راكان سمعت الباب انفتح مشيت اني اندل الطريق رحت اشوفها وادليها الطريق
ميار كحيت اريد اسوي صوت..
راكان هياني هنا لتخافين...
ميار ليش ماكو ضوة..
راكان هي ماتطفى هالوقت هاي اول مرة
ميار يبووه على حضي.. شلون هسه
داحجي وياه ورجعت الكهرباء
انتبهت اني بالدشداشة القصيرة وبدون حجاب
بقيت بصدمة
يتبع .....
