بسم الله الرحمن الرحيم
"لا تنسون التصويت"
"متابعه لحسابي"
"تعليق بين الفقرات"
حسابي الانستا "qamar.alamry"
الكاتبه: قمر العامري
~•~•~•~•~•~•~•~•~•~•~•~•
- مر اليوم عادي بقيت بغرفتي ماطلعت منة ابد اليسع ضل بغرفتة اول يوم يجي تعبان ويگضيهة بس نوم، البيت هدوء لليل اني نايمة وفزيت على صوت صريخ يقشعر البدن
- فزيت مخروعة فتحت الباب وگمت انصدمت بالمنظر الموجود مقابيلي!!!!!!!
- چان محمود معلگ من رجلة بمكان البنكة راسة على گاع واليسع گاعد على كرويتات وفاتح أدي ويمة سالم خانس مثل الجريذي
- وامي ومرتة زمن يتوسلون بـ اليسع حتى ينزلة اما محمود چان ديبچي مثل الاطفال ويگول
محمود:- والله العظيم بعد ماالزمهة ولا امد ايدي عليهة وعد زلمة .
اليسع: هم حاسب نفسك على زلم ياذكر؟ .
نجاح:- عمة دخيل بختك راح يموت وجهة صار ازرگ الدم صعد لراسة .
- جاوبهة بكل برود
اليسع: خلي يموت چلب وفطس هسة انتِ شمستفادة منة .
- گالهة ودنگ يلعب بالجهاز مالتة اجتني زمن مرتة تبچي وتصرخ تتوسل لزمت ايدي وبنظرة مليانة كسرة گالت
زمن:- الله عليچ اخوچ هذا مايرف گلبچ عليَّ احچي وي اليسع خل ينزلة مو راح يموت .
اليسع: جعيوط من شوكت انـا اخذ حچاية من راس زعطوطة؟ .
ايلين:- هاي اني الزعطوطة؟ .
اليسع: اي انتِ، لو مو زعطوطة ماخليتيهم يشخبطون على خلقتچ .
ايلين:- شخبط شخابيط لخمط لخاميط، مسك الالوان محمود العار رسم على وجهي .
- گلتهة وباوعت لزمن
ايلين: لا مايرف گلبي چان رف گلبة وهو يشوفني اتعذب وصايرة ملطشة من ايد لأيد .
- ضلت امي تصرخ وتتوسل بـ ابوي الي ماخذ وضع المتفرج وجامد بمكانة حتى ينزلة بس كلنة نعرف نفس مايگدرون يتنفسون اذا اليسع موجود، باوعلي وگال
اليسع:- تعاي ولچ .
ايلين: أمرك سيدي .
اليسع:- صعدي لفوگ جيبيلي مكينة الحلاقة ونزلي خمس دقايق اذا اتأخرتي طلقة براس اخوچ واخلص منة .
- ابتسمت
ايلين: عشر دقايق واني يمك .
- ضحك بصوت حتى يستفزهم تركتهم بهوستهم وصعدت لفوگ جبت المكينة ونزلت انطيتهة الة اخذهة واتقدم على محمود بس فتحهة محمود صار يبچي مثل النسوان وامي گامت تلطم فقدت زمن گاعدة وتباوع منهارة اما اني اجتاحني كمية من البرود مو طبيعية
