بسم الله الرحمن الرحيم
"لا تنسون التصويت"
"متابعه لحسابي"
"تعليق بين الفقرات"
حسابي الانستا "qamar.alamry"
الكاتبه: قمر العامري
~•~•~•~•~•~•~•~•~•~•~•~•
- ضلينة ننتظر الدكتور حتى يطلع ويطمنة وخالتي ايمان عيونهة ما شالتهة من القطرس استغربت بس ما چان الي نفس اسأل
- لحد ما طلع الدكتور اجة گال
:- المريض حيل متضرر والضرر صاير براسة منا ٤٨ ساعة اذا ما گعد راح يدخل غيبوبة .
- احس حيلي خلص اجة راكان جايب ويا ماي انطا لامة باوعتلة دار وجهه عني تنهدت رجع لنفس ما چان
- شوية واجة القطرس انطاني بطل
القطرس: شربي عنقاء .
- باوعتلة وابتسمت و خالة ايمان تباوعلة عيونهة ما شالتهة من عندة
- انحرج من نظراتهة حسيتة متوتر عافهة وراح وگف بعيد عنة
ايمان:- راجع وراح ياخذ حقة .
- عگدت حواجبي ما فاهمة؟!
شهربانو: شنو خالة حق منو؟! .
- جرت حسرة وباوعتلي
ايمان:- لا يخالة ماكو شي .
- گالتهة وجرت راسي لحضنهة خالتي ايمان رغم تكره امي بس ما خلت الكره يعميهة تحبني وتگول انتِ مالچ ذنب بالسوتة امچ
- امي رغم ما سوت شي بس خالتي ايمان تعتبرهة سبب ترك بابا الهة وتگول خربت بيتي
- ضلينة ننتظر الـ48 ساعة شوية و دخلو واحد ميت واهلة ورا يبچون ونسوان تدگ على راسهة حسيت روحي اختنگت وضاگ النفس علية اجة القطرس وگف يمي
القطرس:- گومي نطلع للحديقة وجهچ اصفر .
- باوعتلة وفعًلا چنت محتاجة اطلع جو المستشفيات ما يوالمني
- طلعت برا هو اخذ الجگارة وبدة يدخن بشراهة حسيتة متضايق و اكو حسبة براسة
- باوعتلة يسحگ بالجگاير وحدة ورة الثانية اخر شي گام وگف يفتر على روحة
- همست
شهربانو:- شبيك القطرس؟! .
- باوعيلي وجر حسرة من نص گلبة
القطرس: طبي لازم اروح انا .
شهربانو:- شكو وين رايح؟! .
القطرس: صارت عندي شغلة طبي لجوة .
شهربانو:- بديت اخاف .
القطرس: افاا تخافين و احنة موجودين طبي بوية ماكو شي .
- ضليت واگفة اباوعلة هو يريد بس يروح حسيتة متضايق كلش يريد بس يشرد
