بسم الله الرحمن الرحيم
"لا تنسون التصويت"
"متابعه لحسابي"
"تعليق بين الفقرات"
حسابي الانستا "qamar.alamry"
الكاتبه: قمر العامري
~•~•~•~•~•~•~•~•~•~•~•~•
- بعدني مامستوعبة الصار انفتحت الباب انصعقت من شفت اليسع
- سحبت السحاب بتوتر وايدي ترجف گلت بدموع
ايلين:- اليسع لا تفهمني غلط والله الصار .
- قاطعني عمار
عمار: لا تخافين حبيبتي السوينا مو غلط بعدين اني طلبتچ من اهلچ يعني نعتبر مخطوبين .
اليسع:- من يا گرن طلبتهة؟ .
- مااحس الا اليسع دفعني انضرب راسي بحافة الچرباية حسيت بحرارة تنزل على وجهي مااهتميت وگمت مفزوعة لان ادري عمار ماراح يعيش اذا وگع بيد اليسع وهوَ منتظر اليوم من الله، على صياحي اجو الكل طفر محمود حتى يفازع بس اليسع طبگهم ثنينهم سوة يردون ابوي وسالم يسيطرون عليّ ماگدرو
- بألف ياعلي رفعو او هوَ اليسع ابتعد عنة من شافة جثة مابي نفس التفتت الي خزرني وطلع من الغرفة بعصبية، وزمن هرجتنة بالصياح والغلط والدواعي وامي بيدهة موبايل تفزع بـ اخوانهة وولدهم
ماجد: شيلو لا يفطس عدنة .
- بعدني مصدومة من الصار ومامستوعبة هجمت علية زمن مردتني مرد بالضرب ملخت شعري راسي احسة يروح ويجي دخت كلش وامي تضرب وياهة
- صريخنة ترس المكان صاح بينة سالم
سالم:- بنات الكلب انعل ابوچن لابو الخلفچن وكت عه*ور وحدة منچن تجي ويانة للمستشفى .
- ركضت زمن مفرفحة روحهة وتخرط بخدودهة على اخوهة وتصيح
زمن: اني الچ يمة اخوي مات اخوي مات كتلة هذاك المجرم الله يكسر ايدة وياخذة ربي بجاهك تاخذة وتريحنة من شرة .
- گرصتني امي فاتحة عيونهة مصدومة
:- ولچ تلبس براسچ عمار هاي هي بس يطلع عايش تزوجي وان فطس ناخذ حگة من هل خبل .
- عافتني وطلعت قبل لا اجاوبهة فرحانة بالحالتين هي المستفادة كل هذا الصار واني واگفة مصدومة حسيت بدوار براسي قطرات الدم تنزل من راسي على ملابسي
- طلعت من الغرفة للمطبخ غسلت وجهي وطلعت علبة الاسعافات وعلبة گطن وخليتة على جرح كلما اخلي ينترس دم واذبة لحدما نهاريت وشمرت الگطن وبچيت من كل گلبي، حسيت بتعب الايام الفاتت كلهة وهضماتي طلعتهن بهاي البچية
- دخل اليسع للمطبخ شافني بهل حالة خجلت منة وگمت ردت اطلع من المطبخ سحبني لحضنة چلبت بقميصة ابچي
