انا أيمن واحد من اولاد الزاكي اصلا نحنا سبعه اولاد اول واحد اسمو معتزبعدو انا حتى واسل و وائل توأم حتى مصطفى وبعدو محمود واخر العنقود مؤمن ساكنين شندي المتمه في ريف يلا زي ما عارفين حياة ناس الريف كيف عندنا الماشية من بقر وغنم وكدا المهم انا فاتح فرن كل وقتي في الفرن بطلع الصباح بدري وبرجع المساء 🌃 قبل المغرب بي شويه المهم في يوم رجعت البيت بدري لقيت ابوي قاعد سألتو يا حاج الليله ما مشيت على الحواشات ولا شنو قال لي ما مشيت والله حبوبتك دي الليله ما هي كويسه قلت ليهو طيب ارح نمشي بيها على الدكتور قال لي تمام اتصل لي محمود يجي قلت ليهو تمام المهم اتصلت لي محمود قلت ليهو يا زول تعال البيت قال لي ليه شنو قلت ليهو والله حبوبه دي عيانه ارح جيب العربيه دي وتعال قال لي تمام رجعت لي ابوي قال لي اها قال ليك شنو قلت ليهو هن دا جاي في الطريق المهم مشيت شوفت حبوبه قلت سلامتك يا الغاليه الحصل عليك شنو ردت لي امي قالت تشكي من بطنها وكدا قلت لي امي خليها تكون جاهزه مسافه محمود يصل بعدو طلعت برا لقيت محمود وابوي يتكلمو عن البقر وقال انو وائل جاب كلب يحرس البقر تاني قلت بعد دا نمشي قالو لي تمام المهم طلعنا على المركز وحبوبه فحصت لقينا عندها ملاريا والتهاب في دم الأبيض طلعت جبت الادويه من الصيدليه ورجعنا البيت.
بعد رجعنا طلعت الشارع بقيت واقف جنب الزريبه انتبهت لي الكلب القالو محمود قبيل وقتها حسيت انو فيهو حاجه غريبه ما بعرف شنو لكن خوفت منو
في النهايه قلت بسم الله بعدو نادوني لي الغدا دخلت اتغديت وشربت الشاي مع ابوي ووائل ومحمود ومعتز قلت لي وائل انت يا وائل الكلب دا جبتو من وين قال دا الكلب ال في دكان عمك الفاضل قلت اجيبو ونستفيد منو قلت ليهم والله الكلب دا فيهو حاجه غريبه قالو لي ما غريب الا الشيطان المهم اتونسنا عن أمور الشغل وكدا وبعدو صليت المغرب َو طلعت على الفرن اشتغلت فيهو لحدي العشاء رجعت البيت ونمت طوالي.
.............:::::::::::://::::::::::::::://::::::::::::::::::://:::::::::::........
ومن البارت الجاي تبدأ قصتنا
تفاعلكم مهم❤️
