صحيت من الصباح من غير العاده متأخر قمت اتسوكت وصليت الصبح مشيت صبحت على امي وحبوبه وسألت حبوبه عن صحتها بقت كيف اتونست مع امي شويه ومشيت على الديوان صبحت على اخواني وابوي سألني مصطفي قال لي مالك الليله يا ايمن صاحي متأخر قام ابوي قال لي برضو أمس جيت بدري الحاصل عليك شنو يا ولدي قلت ليهم والله فتر بس ما اكتر جا داخل معتز قال لينا انتو يا جماعه الكلب ال في دكان الفاضل دا الجابو منو قام وائل قال ليهو انا ردو ليهو معتز ومصطفى قالو ليهو احسن ما عملت المهم طلعنا انا ومؤمن على الفرن سلمت على الشباب قالو لي الليله مالك متأخر خير ان شاء الله قلت تمام ماف حاجه الحمد لله فتر بس عشان كدا اتاخرت قلت لي مؤمن أدى ناس البيت العيش.
عديت يومي دا في الفرن ورجعت البيت وانا راجع البيت لحظت لي البقر ماف وحتى ما اكل القش حقو استغربت لكن تاني ما شتغلت بي الموضوع كتير دخلت على البيت جوه لقيتهم كلهم نايمين طوالي دخلت نمت.
تاني يوم صحيت الصباح بدري صليت الصبح وطلعت لمن طلعت لقيت البقر يادوب جا و راهو الكلب بقيت ماشي وبفكر في الشي دا دايما بحسو غريب المهم وصلت الفرن وبديت اشتغل لحدي المغرب رجعت البيت سامع معتز ومصطفى ومحمود في نقاش قلت ليهم في شنو يا جماعة قالو لي لقينا البقر محلوب قلت ليهم كيف الكلام دا ما عرفتو دا منو محمود قال المشكله انو اول مره تحصل حاجه زي دي قام واسل قال والله انا الصباح لقيت البقر دا يادوب قاعد يأكل يلا هنا طوالي اتذكرت الكلب وانو امبارح البقر اصلا كان مافيش
طوالي شكيت وقررت من الليله اشوف القصه دي شنو.
:::::::::::::::///:::::::::::::::////::::::::::::::///::::::::////::::::::::::::
ما تنسو التصويت
