رد لي محمود قال لي لقينا البقر تاني محلوب قلت ليهم دي تاني مره مش معتز قال دي تالت مره المره الفاتت لقيت بقرتين بس محلوبات قلت ليهم دي مشكله والله كدي انا اقوم على الفرن ونشوف الموضوع دا بعدين قالو لي تمام
قمت اتسوكت وصليت الصبح صبحت على امي وابوي جو باقي اخواني شربنا الشاي سواه وتكلمنا في موضوع البقر شويه تاني كل زول فات لي اشغالو
وصلت الفرن سلمت على الشباب قام واحد من المعاي اسمو محمد قال لي انت يا ايمن بقركم دا بمشي وين بليل كدا قلت والله ما عارف قلت ليهو تصدق دي المره التالته يجي محلوب قال ياخي دا كلام شنو دا
قلت ليهو الله اعلم قال يمكن حرامي قلت ليهو أن بعد الظن إثم ما معروف قال تعال بعدين المسا نتلبد نشوف البقر بمشي وين قلت تمام.
المهم لي المسا كدا التقينا انا و محمد مشينا وبقينا واقفين ورا الزريبه راقبنا البقر بعد شويه البقر طلع بقينا ماشين وارهو لحدي ما حصلنا الخلا بيقنا مراقبين قريب الساعه 11ونص تاني محمد قال لي ارح نرجع البقر دا قاعد يرعه ارح طوالي رجعنا بيوتنا
لقيت اخواني واقفين لي برا قال لي يا مالك اتاخرت كدا قلت ليهم كنت مع محمد ود الشيخ قلت ليهم ارح جوه دخلنا كل زول على سريرو
بقيت افكر في موضوع البقر لحدي ما نمت.
الصباح ونحنا بنشرب في الشاي معتز بدأ يتكلم في موضوع البقر وما البقر قلت ليهم نراقبو ونمشي وارهو معتز قال لي تمام لي بعدين تعالو انت وائل ومحمود قلنا تمام.
