رد لي محمود قال لي لقينا البقر تاني محلوب قلت ليهم دي تاني مره مش معتز قال دي تالت مره المره الفاتت لقيت بقرتين بس محلوبات قلت ليهم دي مشكله والله كدي انا اقوم على الفرن ونشوف الموضوع دا بعدين قالو لي تمام مشيت سلمت على الشباب قام واحد من المعاي اسمو محمد ولد عمي قال لي انت يا ايمن بقركم دا بمشي وين بليل كدا قلت والله ما عارف قبيل كنت بتكلم مع محمود ومعتز بقينا دائما نلقى البقر محلوب استغرب قال تعال بعدين نراقب البقر دا قلت ليهو تمام لي بعدين.
في النهايه اليوم طلعنا انا ومحمد بقينا مراقبين البقر لحدي الساعة 11 ونص لمن البقر طلع مشينا وراهو لحدي الخلا قال البقر دا قاعد يرعه ارح يا زول قلت تمام ارح كل واحد فينا رجع على بيتو انا لمن رجعت لقيت اخواني منتظرني برا قالو يا زول كنت وين قلت ليهم مع محمد ود عمي طلعنا مشوار سواه قالو تمام.
دخلنا وكل زول فات على سريرو انا بقيت افكر في موضوع الكلب دا لحدي الان ما مرتاح من ناحيتو ما عارف ليه.
تاني يوم قاعدين نشرب في الشاي والسماء غيم قام معتز قال الليله عازمنا واحد فطور في الجبال ماشين؟
كلهم قالو اي ماشين انا قلت ليهو امشي الفرن واجي إن شاء الله ما بتأخر عليكم وبعدو طوالي طلعت على الفرن اشتغلت شويه كدا وطلعنا انا ومحمد علي البيت لقيت اولاد أعمامي واعمامي كلهم جو من البيت طلعنا كلنا على الجبال اول ما وصلنا لقينا كل شي جاهز ما شاء الله سلمنا على الراجل وأولادو اسم الراجل عبد العزيز عندو تلاته اولاد باسل ويوسف وطه اللهم الجماعه ضابحين عتود وجايبين شربوت وسفن اب بقينا نتونس في الشغل والرحلات زي دي وكدا جابو الفطور فطرنا وبعد قمنا انا وائل وهشام (ولد عمي) قولنا ماشين على الجبل نتصور فوق قام عم عبد العزيز قال ما تمشو فوق الجبل دا مسكون تقوم تحصل ليكم حاجه طوالي رجعنا غايتو انا كلام زي دا ما بنفع معاي قعدنا وبقينا نسأل في عم عبد العزيز عرفتو الجبل مسكون كيف؟ قال لينا تعالو احكي ليكم القصه دي
::::::::::::::::://§§§§§§§§§§§\\\\§§§§§§§§§§§§
