في دروبِ الغموضِ نمشي سويا
حيثُ الأسرارُ تخفي ما وراءَ العيونِ
كلُ حرفٍ ينطقُ بالحيرةِ جليّا
والصمتُ يصبحُ لحنَ المكنونِ
نرى العتمةَ نورًا بينَ السطورِ
نبحثُ عن معنى، بينَ الحروفِ
في الأعماقِ يُخفي سرورًا وسرورِ
لكن الحقيقةَ تظلُّ خلفَ الرفوفِ
كالبحرِ العميقِ يختبئُ السرابُ
في كلِ موجةٍ سرٌ لا يُبوح
نعيشُ في ظلالِ السكونِ والاغترابِ
والغموضُ ينسجُ لنا ألفَ جرحٍ وجروح
********
كعدت من النوم واني اتنفس بصعوبة، حسيت بالخوف يسيطر عليه. قررت انسى الموضوع واحاول انام من جديد، لكن الفكرة عن الكتاب ما غادرت عقلي.
طلع الفجر واني بعدني كاعدة، جنت احس بالتوتر. وحسيت أن اليوم ما راح يكون عادي مثل باقي الأيام. تعوذت شيطان وكمت غسلت وصليت ورحت للمطبخ احضر الريوك بينما اهلي يكعدون ، دخلت عليه امي فجأة
" صباح الخير، صبحت عليه امي وهيه مستغربه
" صباح النور ماما ، جاوبتها ببتسامه
" شو كاعدة من وقت اليوم؟ حجت بستغراب
" اي ماكدرت انام ف قررت اسويلكم الريوك بيدي اليوم ، جاوبتها ببتسامه تخفي الرعب الي عشته البارحه
" هزت راسها امي وراحت تكعد ابويه واختي.
بعد ما خلصت ريوك ويا أهلي، رجعت لغرفتي وقررت اواجه خوفي. أخذت الكتاب من جديد وكعدت على المكتب.
بهذا الوقت، قررت افتح الكتاب واعرف سرّه. من فتحت الغلاف القديم، جانت الصفحات مكتوبة بلغة غريبة، بس كدرت افهم بعض الكلمات. جانالكتاب يحجي عن أسرار غامضة، وعن أحداث صارت قبل قرون طويلة.
وأثناء ما كاعدة اقرأ، حسيت بشيء يتحرك بالغرفة. رفعت رأسي، وشفت ظل سريع يمر من كدامي. وكفت بسرعة، كلبي كام يدك بسرعة، بس ما لكيت شيء واعتقدت هذا تخيل مني. رجعت للكتاب وقررت استمر بالقراءة. كلما قرأت أكثر، حسيت بأن الكتاب يكشف الي حقائق غريبة، وكأنها مرتبطة بطريقة ما بماضيي.
قررت اليوم ابقى بالبيت وما اروح للمكتبة ، بقيت كاعدة
طول النهار بالغرفه قرأت جزء جبير من الكتاب الى ان صار الليل، قررت اطلع اتمشى شويه خارج البيت احاول تهدأ أفكاري. بقيت امشي بالشارع القريب الى ان، حسيت بأن أحد ديتبعني. سمعت خطوات ورايه، لكن لما التفتت، ما لكيت أحد.
استمريت بالمشي حتى وصلت إلى زاوية شارع ظلمه، وهناك، شفت شخص غريب واكف كدامي. لابس ملابس سوداء وما ظاهرة ملامحه بوضوح بالظلام.
"أنتِ ليانور، صحيح؟" كال الرجل بصوت هادئ بس مرعب.
وكفت على بعد خطوات منه، وحسيت بالخوف يجتاحني من جديد. "اي... منو أنت؟" سألت بارتباك.
أنت تقرأ
ظلال الحب
Mystery / Thrillerكانت السماء مظلمة، ونجوم بغداد المتناثرة مثل حبات لؤلؤ في بحر من السواد، تعكس غموض المدينة وحكاياتها المدفونة. تسير بين الأزقة الضيقة، خطواتها تعكس هدوءاً غير مألوف، لكنه كان يخبئ وراءه عاصفة من المشاعر. في يدها، ورقة صغيرة مغلقة بإحكام، لا تدري كيف...
