ظلال الحب

البارت الثامن

سافرُ معًا بينَ أمواجِ الحياةِ
تُهدينا في بحرِ الهمومِ النجاةَ
وإن تعثرتَ يومًا، كنتُ لكَ اليدَ
وإن سقطتُ، كنتَ لي نورَ الحياةِ

رفيقَ الدربِ، بوجودك تزهرُ الأيامُ
وتهونُ كلُّ الصعابِ والآلامُ
فأنتَ السندُ حين يميلُ الزمانُ
وأنتَ الأمانُ في كلِّ مكانٍ وزمانٍ

********

من عبرنا البوابة، لكينة نفسنا بوادي جبير مليان بالضباب الثكيل. جان كل شي هادء بشكل مو طبيعي، وماكو صوت غير صوت انفاسنا السريعة. الأرض جوة رجلينا باردة، وكأن ما زايرها من قبل بشري.

بينما جنت اني وشَذر نكمل مشي بالوادي المظلم، بدأت احس بضغط زايد. الجو دايرنا مليان بالخطر، والخوف من المجهول . بس بدأت احس بشي ثاني غير الخوف—وتحدي.

جانت نظرات شَذر حادة وتراقب، وكأنه يدور عن أي نقطة ضعف بية. مجانت نظرات مريحة،وانما حسيت نظراتة استفزازية. حسيت وكأن شَذر يتعمد اختبار قوتي، يحاول يدفعني اتخطى حدودي.

"شَذر، شنو خطتك هسة؟" سألتة بصوت حاد، واني اراقب تحركاتة الحذرة.

التفت شَذر الي، وابتسم ابتسامة خفيفة بس جانت مليانة تحدي: "خطتي؟ اطلع من هذا المكان عايش. وأنتِ؟ راح تتحملين الاشياء الجاية؟"

حسيت بالاستفزاز من لهجتة، بس ما اسمح الة يشوف ضعفي. رديت ببرود: "أتحمل أكثر مما تتوقع."

جان الجو بيناتنة مليان بالاستفزاز. ما جانت اكو مساحة للمجاملات أو العواطف . بدل من هالشي، جان كل واحد يدفع الثاني لحافة طاقتة، من دون ما نعترف بالحقيقة. ثنينا جنا نعرف أن مهم وجودنا يم بعض، بس ما جان اكو وقت للمشاعر الرقيقة.

بالحظة هجوم الظلال، جان التنسيق بيناتنا دقيق وعنيف. من رفعت ايدي محاولة اصد الظلال باستخدام قوتي الي اكتشفتها هالايام، جان شَذر يمي، يقاتل بلا استراحة. ما كال كلمات مشجعة أو عاطفية، وانما جانت افعالة هي الي تشجع.

بعد المعركة، كعدنا ناخذ استراحة بكهف صغير مهزومين من الظلال، كعدت واني اجر أنفاسي. شَذر كعد كدامي، وعيونة تتفحص المكان بحذر.

"أنتِ سبعة." كالها بنبرة هادئة، بس جانت بيها نوع من الاحترام المفاجئ.

"وأنتَ هم." رديت واني احاول إخفي ابتسامتي. ما جنت بحاجة لكلمات تقديرية، بس حسيت بأن شي تغير.

بدأ التوتر بينا يتحول لشي أكثر تعقيد. مو حب بالمعنى التقليدي، وانما نوع من الشراكة المليانة بالتحدي، بحيث ثنينا نعرف أهميتنا سوة بهايالرحلة، بس منكدر نعترف بشكل مباشر.

بذيج اللحظة، وبينما جان الضباب يغطي الوادي من جديد، بدأت ادرك أن شَذر مو مجرد شريك بهاي المغامرة. جان يمثل الي تحدي، اختبار لقوتي وتحملها. وجان التحدي متبادل—كل واحد من عدنا يدفع الثاني حتى يصير أقوى، وكل واحد من عدنا يدرك أن الثاني لا يمكن الاستغناء عنه.