احن الاماكن لقلبي
الكاتبة Jawhara
الثاني
ـــــــــــــــــ
عائلة حجي درع العاصي
زوجته حجية نسايم
أولادهم / ضرغام ( متوفي ) زوجته نيران أولادهم جاسر فقط
غزوان زوجته هيام اولاده / جاد / سهم/ عبير
حذام زوجته سهر بنت عمته أولاده / رعد / سنان/ بنان / نسايم
حسام زوجته راية بنت عمته أولاده / درع / يسر / قمر /
كرامة زوجها صالح اولادها / تقى / بارق/ عمار / حذيفة
ـــــــــــــــ
دحام ابن اخت حجي درع أمه متوفية الله يرحمها
إخوته / سالم / سهر / حرب / راية
ـــــــــــــ
نيران
إخوتها فهد / راشد / تمام / صلاح
ــــــــــــــــــــــ
عائلة حجي حمدان
ليث / هيثم / نصير / ريم / لمار واخ ثالث منفصل عن العائلة من زمان وقليل يجيبون اسمه
ــــــــــــــــــــــــــــــــ
بيت اهل دحام .....
كاعدين إخوته سالم وسهر وراية يتناقشون بيناتهم بسالفة تخص اخوهم حرب
سالم بقلق يأشر لراية / انتي أكثر وحدة تفهمينه وعلاقتكم قوية اكيد مراح يضم عليج هيج سالفة
راية/ صدكني ما اعرف شي هو هالفترة ميحجي ولا يمر لبيتي
سهر / خلص ابو محمد كالتلك متعرف خوما تريد تضم علينا مو هيج راية
هزت راسها بتأييد/ طبعا
دخل دحام سلم وتلكنه خواته بالسلام والمحاضن وكعد بيناتهن
سهر بحب / مشتاقينلك عيني صار شكد مشايفتك اني و راية
ابتسم وحظن جتفها / حقجن يابة بس والله شغل الشركة وارتباطات عندي
رد سالم وعينه على اخوه الجبير / هو اني نفس البيت عايش وياه يادوب بيناتنا السلام عليكم
ابتسم دحام ورفع تك حاجب / ها ابو محمد اشوفك ضايج
سالم / لا يخوي بس حرب سالفته محيرتني
دحام يتذكر / صحيح نسيت انطيك خبر حرب دزلي رساله البارحة كال مسافر للشمال
راية تلتفت لاخوها سالم / شوف الحيال واحنا كاعدين ناكل بروحنا عليه حتى ما يفتح موبايله يطمنا
سالم / هاي بعد صار عدنا خبر بس والله من يرجع إلي تصرف وياه
سهر ( اكبر من اخوتها سالم وراية وحرب وتسلسلها الثانية بعد اخوها دحام ) متزوجة ابن خالها
سهر / هسة معلينا مادام عرفنا بحرب ، اريد احجي وياك يا دحوم بسالفة زواجك ترى طولت هواية شوف سالم صلوات ابنه بطوله
وهاي اني وراية متزوجات ومستقرات الحمدلله
أنت تقرأ
أحنٌ ألاماكن لقَلبي
Romanceكل المدن تتساوى إذا دخلناها بتأشيرة حزن ، وكل آلمك يتفجر إذا شكوته لميت وأخبرته ما فعله الاحياء بك ، لذا اتمنى ان لا اتعلق بأحد سوى ألمي .
