مقتطف من رواية أحن الأماكن لقلبي
Jawhara
ـــــــــــــــــ
حجية نسايم تدفع بابنها غزوان اللي وصلها لبيت ام جاسر نيران ودخل وياها على أساس بس تحجي وياها ، بقى صافن على أمه وهي تهجم وعرتت ( مسكت) بحجاب نيران و وبدت تضرب بيها وام جاسر تحاول تتلافاها متكدر تمد أيدها على الحجية عمتها
حاول يبعد أمه بس دفعته وضربته على جتفه بغضب وهي تسب بنيران
حجية نسايم / اليوم اموتج واطم عارج ولج فلفلتي ادورين رجال ولج نسيتي زينة شباب العايلة وذبيتي روحج بحظن دحام ولج شلون نفس عليج شلون تقبلين تاخذين ابن عمة رجلج يا الجلبة يا الك....بة
نيران عاطت بيها بعدما انضربت بخدها بقوة ، راشدي من الحجية
نيران / كااافي لاتبقين تغلطين ترى ساكتة لأن مرة جبيرة ماريد اهينج ، كااافي مذلة اخذتوني لابنكم وعمري اربعطعش سنة وترملت وعمري ثمنطعش حرام عليج تطعنين بية شفتيني اركض ورى الرياجيل حتى هيج تحجين الله ينتقم منكم طول عمري واني مثل المسجونة بسببكم لا تأخذون ابني من حظني
غزوان سحب أمه من شاف حجاب نيران طاح ووجهها احمر من الضرب وشفتها انجرحت
غزوان / يمة تعوذي من الشيطان يمة لاهيج ، والله لو ادري تتصرفين هالشكل ولا اجيبج هنا
ابتعدت نيران وهي تبجي وبداخلها تسب الحجية وعيالها وعشيرتهم واليوم اللي شافتهم بي
التفتو لصوت جاسر دخل وبغضب واضح من شاف أمه بوضع لاتحسد عليه
جاسر / ليش امي هذا حالها
الحجية / تعال يا ابني تعال يالربيتك ذخر تعال شوف امك وسوايتها ترضى عليها
جاسر وعينه على أمه وتقرب حاوطها بين أيديه وعيونه على وجهها المتاذي / يمه شبيح ليش تبجين وليش وجهج متاذي
نيران ماكدرت تحجي كامت تبجي وتشاهك بقوة حست روحها راح تنهار وفعلا أغمى عليها بحظن ابنها اللي تخبل من شاف هذا حالها
التفت لعمه وبعصبية
جاسر / قسم بالله لو صار بيها شي احرك كل بيت درع العاصي
الحجية بنترة / انجب صخم الله وجه امك على الحجاية هذه
غزوان يلحك جاسر اللي شال أمه بين أيديه بعدما عدل حجابها
غزوان / انتظر خل اخذكم بسيارتي
الحجية / بزونه بسبع ارواح موتت ضرغام وبقت عايشة
ـــــــــــــــ
بنات سجلو متابعة ودوسو النجمة ⭐
أنت تقرأ
أحنٌ ألاماكن لقَلبي
Romanceكل المدن تتساوى إذا دخلناها بتأشيرة حزن ، وكل آلمك يتفجر إذا شكوته لميت وأخبرته ما فعله الاحياء بك ، لذا اتمنى ان لا اتعلق بأحد سوى ألمي .
