رواية أحن الأماكن لقلبي
Jawhara
السادس عشر
ـــــــــــــــــــــــــــ
بسم الله الذي لا يضر مع اسمه شيء في الأرض ولا في السماء وهو السميع العليم
ـــــــــــــــــــــــــــ
جاسر /
طلعت من عند جدي مريت عليه بخصوص سالفة ردت رأيه ،، وألمح بنان واكفه بالكراج تسولف هي وجاد ابن عمي غزوان واخوها رعد وياهم ، كلت بنفسي اخيرا لكفتج ، صحت بيها هي بسرعة وكفت ورى رعد احتمت بظهره
جاسر / تعاااالي هنا عندي حساب وياج
جاد ورعد ميدرون شنو السالفة ، وهي ردت من ورى ظهر اخوها ردت
بنان / غلطان ترى اني بنان مو سمسمة
جاسر وية نفسه
ام لسان شلون حيالة بسيطة الا اخليج تسوين اللي اريده
حجيت وية رعد اريد احرجها / تعرفه لنقيب ليث الماضي
رعد / شلون ما اعرفه اجى بيوم خطوبتك ، شبي ؟!
جاسر خزر بنان وكال / حجى وياي يريد. يخطب اختك واني وافقت وجدي عنده علم ومرحب بالموضوع
شهكة بنان خلتهم يركزون بيها وكرصت ذراع اخوها رعد اللي ابتعد وهو مضيك حواجبه / شبيج ولج ؟!!
عافتهم وطلعت تركض لبيتهم وهي محرجة منهم وگلبها يدك سريع معقولة اول رجال تنعحب بي يخطبها ، وينج مامااا الحكي بنتج راح تموووت !!!!!
رعد بصوت واثق / أبوية و بيت أبوية موجودين واللي يريد يتزوج يجي يدك بابنا مو هيج الكلام والا يا جاسر
جاسر حك أذنه وبداخله صدك اللي كال ثلثين الولد عالخال سبحان الله نفس طبع وعنطزة خواله
رد جاسر بثقة / عالراس عمي حذام واني اجيت انطي خبر لجدي لأن هو هنا الكل بالكل
جاد ابتسم يلطف الجو / اكيد جدي هو جبيرنا ، يلا شباب اترخص اني
عافهم وطلع صار أبوه بوجهه سأله
غزوان ابو جاد / شبيكم ، بينكم سالفة انت وولد عمامك ؟!
جاد / جاي عريس لبنت عمي حذام تعرفه ليث صديق جاسر
خزر ابنه وأيديه مربعهن على صدره / بالله !!! وانت بكد الثور فرحان ماتكول اريد البنت لو عادي عندك تروح للغريب ؟!!
جاد مبتسم على كلام أبوه وخزرته / لا يابة خطية اذا تريد تتزوج خلها الله يوفقها اني شدخلني
غزوان ماعجبه كلام ابنه نتر بي / وقز القرط والله ولا بيكم فيد انت واخوك ذاك ملتهي بحجية وراه دراسه وتحضير الدكتوراه وانت سربوت يوم اتداوم بهالوظيفة واسبوع كاعد
جاد / يابة شبيك علينا هسة اني شنو حجيت طحت بية
تنهد غزوان وراح للمضيف يم أبوه الحجي / روح من وجهي لا تعصبني
أنت تقرأ
أحنٌ ألاماكن لقَلبي
Romanceكل المدن تتساوى إذا دخلناها بتأشيرة حزن ، وكل آلمك يتفجر إذا شكوته لميت وأخبرته ما فعله الاحياء بك ، لذا اتمنى ان لا اتعلق بأحد سوى ألمي .
