رواية أحن الأماكن لقلبي
Jawhara
الرابع
ـــــــــــــــــــــــــــ
عائلة حجي درع العاصي
زوجته حجية نسايم
أولادهم / ضرغام ( متوفي ) زوجته نيران أولادهم جاسر فقط
غزوان زوجته هيام اولاده / جاد / سهم/ عبير
حذام زوجته سهر بنت عمته أولاده / رعد / سنان/ بنان / نسايم
حسام زوجته راية بنت عمته أولاده / درع / يسر / قمر /
كرامة زوجها صالح اولادها / تقى / بارق/ عمار / حذيفة
ـــــــــــــــ
دحام ابن اخت حجي درع أمه متوفية الله يرحمها
إخوته / سالم / سهر / حرب / راية
ـــــــــــــ
نيران
إخوتها فهد / راشد / تمام / صلاح
ــــــــــــــــــــــــــــــــ
ليث /
جنت قريب كولش من أبوية اسمع المكالمة طار عقلي من كلام قهار سحبت الموبايل من ايد أبويه اللي بقى مصدوم ويردد لا حول ولا قوه الا بالله
ليث بغضب وصراخ / والله والله احركك وانت حي واخليك تتعذب واني اتفرج عليك
قهار بضحكة استفزاز قوية بدون ما يتكلم اي شي بقى يضحك وزاد من عصبية وغضب ليث اللي ماخلى مفردة من الغلط ما غلطها عليه ،
حجي حمدان وجهه احمر من القهر أخذ الموبايل وأشر إلى ليث يهدى
حجي حمدان وبداخله قهر كولش جبير / ما جنت اتوقع تغدر باخيك ليش يابة قهار هيج تسوي ليث دمك ولحمك
قهار ابتلع ضحكته اول ما سمع صوت أبوه ورجع رد / ليث غدر بية من وكت زرع روحه بنص شغلي وفهمني انو انطرد من وظيفته واجى حتى ينتقم منهم ، بس وربي جنت مامرتاح وحاولت بكل الطرق اصيده وبكل مرة يثبت انو وياية ومن اكتشفته حسيت بخنجر غدره ينغرس بروحي وتريدني أعفي عنه !!! لا مستحيل الا اخلي يضوك قهر الرجال شلون يصير
حجي حمدان بصرخة / وتقهره بمرته ولك هذه شرررفك شلووون تتعدى عليهاااا
سكت قهار وعيونه على راما وبتفكير سريع
رد على أبوه / خل يطلكها
حجي حمدان/ مخبل أنته !!! ولك شنو هالتفكير هذا ، رجع المرة وصير رجال برأسه حظ وخليني افتخر بيك فد يوم
عاط قهار / سيد الرجال اني وما ريدك تفتخر بية
حجي حمدان / تااالي شلون بيك راح تموتني بسوالفك هذه
قهار / انطيني ليث احجي وياه
ليث رد بسرعه اول ما انطاه أبوه الموبايل/ شتريد قهار احجي ترى باقي على شعره وانفجر وربي ما ارحمك
قهار / ساعة وتجي لمنطقه ال ... هناك زوجتك تكون موجودة يم عمارة ال...
ليث بعدما أخذ الموقع سده. بسرعه وطلع من البيت بعدما كال لابوه الصار ، الحجي كاله اروح وياك ماقبل ليث اللي طلع يركض من البيت صعد سيارته بعدما تأكد من سلاحه موجود بسيارته اللي شغلها وانطلق بيها بسرعة لزوم سلاحه وياه لأن يتوقع قهار يغدره
أنت تقرأ
أحنٌ ألاماكن لقَلبي
Romanceكل المدن تتساوى إذا دخلناها بتأشيرة حزن ، وكل آلمك يتفجر إذا شكوته لميت وأخبرته ما فعله الاحياء بك ، لذا اتمنى ان لا اتعلق بأحد سوى ألمي .
