يا ليتني ما احببت!!!

الفصل الثالث

     _الفصل الثالث_
   
وئام🌼🌼🌼🌼

عمري ما كنت اتخيل ان القلب الوحيد الا حبيته

وكنت عايشه معاه في خيالي وبروي حبه بي دموعي وفرحي واحساسي

وكنت بخاف عليه من الدمعه يامه بكي وانا واسيته  يامه كان مخنوق

ومضايق وكنت انا الملاذ الا بيلجئ ليه وكنت بخفف عنه وبسيبه وهو بيضحك

معقول الشخص الا كان بشاركني كل لحظه من يومه لمده سنه كامله ينخدع بي المظهر طيب

والروح الا كانت بتكلمه حتي لو كنت بكلمه وانا مغيري صوتي الي صوت

شيبه لي اختي بتول يااااه يا فارس خسارة كل لحظه كنت بدوب فيها في حبك

بس من اللحظه دي حبك همحيه من قلبي وعقلي صحيح هيكون صعب بس لازم هقدر  ااااه يا ريتني ما حبيتك ولا عرفتك جففتي

دموعي بعد ما فوقت من تواهني وحزني واعاده لي كل اللحظات الا كانت بينا

وطلعت علي البيت وانا جواي قوه غريبه

واتجاهلت نظرات الجيران وهمسهم عليه طبعا الجراح الظالم زي العاده ما انا معروفه وسط الحي بتاعنا

اني شيطان واختي الملاك رغم ان الفرق الا بينا في

العمر هو عشر شهور اصل ماما حملت فيها بعد ما ولدتني علي طول وعشان بتول اتولدت اجمل مني بمراحل شبه الملاك فعلا بي

عيونها العسليه وبشرتها الخمريه وخدودها الا

مشبعه بي الحمره الطبيعي وشعرها البني الناعم هو صحيح قصير اوي يدوب واصل لي اول كتفها

وملامحها البريئه وجسمها المنحوت وطبعا هي استاذه في فن الخداع والتمثيل والكل بيحبها من قبل حتي ما تتكلم

وشخصيتها القويه والجريئه طبعا الا محدش يعرفها غيري عكسي انا في كل حاجه شخصيه هاديه منطويه نادره الكلام بخاف

حتي اني اعيط فسكت لما كنت بقع وانا  صغيره كنت بخاف من العقاب ما انا

عيوني سوده وبشرتي قمحاويه وشعري اسود زي الليل وطويل اوي بس مش

ناعم زي اختي ونحيفه اوي وطولي معقول يعني اقل من اي بنت في الجمال

وغير اني مهمله في لبسي وشكلي اوي وده ناتج عن عدم ثقتي في نفسي  بعد ما طلعت السلم وانا بفكر

في الفرق بيني وبين اختي في الشكل وكل حاجه وقفت ادام باب شقتنا طبعا كان مقفول محدش كلف

خاطره انه يسيبه مفتوح الكل نساني ومحدش دور عليه اكيد الكل متجمع حولين ملاكهم المزيف يلا كل عند ربنا مبيضعش  كنت لسه هاخبط عشان حد يفتحلي بس سمعت صوت اختي العزيزه وهي ببتكلم بعياط  ووجع تمثلي انا شخصيا صدقته وكانت بتقول....