سميتيني ضياع و سميتك غرام و يا غرامي ما وراك إلا الضياع

١٨

ناصر وقف جنب اسماء وهي ما انتبهت له ، ناصر نزل من طوله و قبل خدها بجراءه ومسك خدودها وهو ذايب :  كيوووتتتت
اسمـاء تجمدت من الصدمه مسكت خدها ورفعت رأسها تناظره مصدومه منها وهو يقول : يويسي ويساه يزينك يزين خدودك
اسمـاء طالعته بابتسامه شر : عادي أعطيك كف ؟
ناصر بعد عنها بضحك وهو يرفع يده باستسلام : لا لا
اسمـاء مسحت خدها وهي متقرفه و شوي و تنفجر عليه وهو ما غير يبتسم وواقف جنها يطلب له و لـ اخته الي قاعده بـ السياره و مسويه فلم هندي وانه اخوها معصب و الأفكار لاعبه فيها لعب
-

-
بالطياره عنـد غاليه اشرت على واحد بكل جراءه وهي تكلم زينب : شفت الي شفته
انفال وهي تقرصها قرصة الأمهات : لا تأشرين فضحتينا
غاليه بنهيار : طيب ما شاف يخي اجنبي ذا يجننن يهبللل
زينب مسكت تلفونها وصورته بدون ما يحس انفال بصدمه منهم : هدووو
غاليه بضحك : زينب ارسلي لي الصوره
طقتها انفال : بلا قلة أدب
غاليه بضحك : شفيك اكحل أعيوني بس
زينب وهي تصور وهو يضحك مع خويه وواقف غاليه وهي تشوف الصوره و ذايبه : تكفين ارسليها لي ههههه باخذه محتوى عند اختي بخليها تتوحم عليه عشان ابي اكون عمة ذا المز
زينب بضحك : ابشري
-

-
غـرام وهي بالسياره دق عليها اخوها ! فارس غرام يدها رجفت وطاح التلفون من يدها غرام مسكت رأسها وهي تفكر بكذبه جديده : قفطني ليكون قالو له شي مني مناك
غـرام الأفكار لعبت فيها لعب مسكت تلفونها وهي تأخذ نفس طويل و تطلّقه للعلن اجمعت شتات نفسها وردت عليه و نعمت صوتها : هلا بالغالي
فارس ابتسم : ارحبي لك وحشه متى ترجعين الكويت ما خلصت الدراسه عندكم ؟
غـرام بتوتر بس تحاول تخفيه بكذب : راح ارجع بعد أسبوع كم يوم كذا تخلص المدرسه و اجي و اقعد على قلبك
فارس بتفهم : حلو و تدرين عناد ما غير يهاوش الرايح و الجاي أخذني تهزيء من قبل شوي كبيت الشاهي بالغلط
غـرام : يوووو الله يعينك
فارس بضحك : تخيلي من قبل شوي يقول يبي يجب لك هديه و حركات شكله شتاق لك بس من خلف الكواليس
غـرام بضحك : ياي كيوووت هههههه
فارس بتفكير : شرايك اجي عندكم مدام انفال و غاليه رايحين عندكم اي بسالك وصلو ولا ما وصلو
غـرام بصدمه : شنوو ؟
فارس بعدم اهتمام : انفال و غاليه و زينب يبون يقعدون عندكم و أنا راح اجي بعد أسبوع
غـرام بترقيع : ليه ماله داعي تجي شفيك هني حر موت شتبي خلك بالكويت
فارس قبل لا يسكر بوجها : اقول ترا جايك بس بخلص كم شغله و شكله عناد حجز طياره و خلص
وسكر بوجها .

غـرام حذفت التلفون بصدمه على دخلت اسماء لسياره غرام بنهيار وشوي و تبكي : عنااادد ! و فارس جاين و زينب و غاليه و انفال جاينااا !
اسمـاء بعدم استيعاب : دقيقه دقيقه وش تقولين ؟؟
غـرام بنهيار وهي تمسك القهوى الي مدتها لها اسمـاء و تفكها و تشرب : شفتي عناد ! و خوي فارس راح يجونا بعد أسبوع ! و زينب و انفال و غاليه اختي الحيوانه جايه معاهم !
اسمـاء وهي تسوي نفسها مجنونه و تاكل ايسكريم : ماصدق لا ماصدق
غـرام مسكت تلفونها و حطتها بوجه : شوفي ما كذب دق !
اسمـاء بصدمه : وش نسوي
غـرام بسخريه : اكيد نتبرا الحين من كل الأشكال الي عرفنها و نروح نشتري عبايات و ملابس بنات و نزين و نضف البيت و ندخل مدرسه بنات !
اسمـاء وهي تحط رأسها على يدها : هو متى يجي ؟
غـرام : على كلامه بعد أسبوع
اسمـاء : اجل شوفي راح نضبط امورنا بهل فتره إذا جو راح نستقبلهم بابتسامه
غـرام بنهيار : انتي ما تعرفين عناد ! والله راح يقفطنا ذا يقفط الي ما ينقفط
اسمـاء وهي تحاول تهدي الوضع : شوفي حنا راح نسوي نفسنا طبعين و خلاص واذا شاف شعرنا بوي راح نقول لهم انه قصينا شعرنا و بكيفنا باروكه وذي الحركات راح يقفطنا
غـرام وهي تسوي نفسها شجاعه : وانا بنت ابوي ما بقى إلا اخاف اقول خلي الأمور علي و ترا غاليه اختي و انفال و زينب ترا بالطياره الحقيرات
اسمـاء بابتسامه : اي ادري
غـرام بققت اعيونها : ليه ما قلتي لي؟
اسمـاء وهي تشرب قهوتها و تحرك على البيت : كيفي
غـرام مسكت تلفونها و قامت تشوف السناب و اخير استوريات رفيجاتها و فعلاً اغبياء هم منزلين عن سفرتهم ، غـرام تنهدت بهوقه وهي حاسه انه في مصايب جايا بالطريق ، وصلو البيت ، قعدو بالصاله
و اسمـاء فكت باقي الحلا وقامو تذوقون

بالكويت عند عايلة غـرامـ .. بمجلس الرجال
فارس ناظر فيصل : والله شتقت لايامنا بالسعوديه
عناد وهو يصب قهوى لنفسه : قصدك الأيام يوم طيح انت و السلوق بمصيبه وانا ادفع وكم رشوه و تطلعون منها
فيصل بضحك : خلاص كبرنا على ذي الأشياء
عناد بنص عين : مبين !
فارس : كلمت غرام اليوم
عناد بهتمام : وش قالت ؟ ما شتاقت لاخوها الكبير ولا طقت له خبر صح ؟
فارس بضحك : شفيك هد هد لا بالعكس تقول ياليتني ما سافرت و وانه ودها اربع و عشرين ساعه تقابل وجهك ههههههههه
عناد بسخريه : صدقت مرررههه صدقت
فارس : المهم أنا بسافر لها يخي مبين انها ما تحس بمان حنا كيف خلينا ورعه نفسها تسافر بروحها
عناد : اي والله تلقها الحين تتعرض لتنمر ولا شي مني مناك وساكته
فارس بدراما : اي قلبي منفطر عليها
فيصل بسخريه : أبك أنا كنت شافيها اول طارحه أولاد خالتها و ضاربتهم
عناد بتفاجاء : صدق ؟ مستحيل ذي حتا قارورة مويه ما تشيلها تبيني اصدق انها ضاربتهم !
فارس : صدق صدق يحليلك ما تعرفها زين
عناد بتفكير : تدرين قبل أسبوع طلبت مني مبلغ ١٩ الف دينار
فارس بصدمه : ليه ! أح ذي انت ما عطيتني انت ١٠٠ دينار تذلني عليها عطيتها ١٩ الف مو صاحي انت !
عناد بعدم اهتمام : يمكن تبي شي ناقصها شي تحتاج شي و ذولي لها هي و اسمـاء و هي شرت سياره من الوكاله
فارس : مالت عليك يوم أنا اجي لك و اقول ابي بس دينار واحد تقول هش ما عندي يوم هي تجي تعطيها ولا ١٩ الف الله لا يوفقك العدو
فارس قام وطلع بره الدوانيه يعننا زعلت فيصل طالع عناد : ذا قلبها دراما
عناد بعدم اهتمام : خله شعليك منه الحين بحجز لي وله للكويت بس بعد خمس ايام على ما اضبط أموري بالكويت و خلص أشغالي و روح
فيصل وهو يشرب قهوه : يقوتها غرام صدق شكلك تحبها اكثر منا
عناد ضحك وقام يصب قهوه مره ثانيه لـ نفسه

-٠٠-٠٠-
عناد عمره ٢٩ ، اخو غرام ولا يداني عليها شي
فارس ٢٨ ، مهايط يحب يستعبط و غيره بس عصبي ما يحب يبين عصبيته للي يحبهم
فيصل ٢٥ ، حاله حال نفسه بارد و مع نفسه و هادي جداً
-٠٠-٠٠-
حسابي الانستا : corwt1