ما وراء الستار (قلبُ الجَحيم)

البارت _ الثاني

يوزر الانستا بل البايو متابعه فضلا 🌹

وخلونه نبلش بل القصه

_________________________

عسل :- كمت غسلت وجهي نزلت جوا اشوف
ماما جاي تحضر عشه كلت بصوت هادئ هلاو
ردت عليه هلا ببنيتي شونج ماما رديت الحمدلله يمه زينه انتِ شونج اليوم كالت تحت رحمه الله كلت شتحضرين للعشه خل اساعدج بشي كالت تعاي نضفي الشجر واني خل اسوي التمن رحت كمت انضف شجر وادندن بل الاغاني جنت اغني اغنيه
علمودك انتَ وبس البس واتئنقك مال كاضم الساهر

_ اجه مناك حسنين اخويه كال ها جايبين القصير هينه واحنه مانعرف غمزتله شعبالك ابو السوس عرف قصدي وضربني بكلاص نايلون كلي انجبي كلت دسكت حتى ننجب كملت التنضيف وغسلتهن وسويت مرك ويه ماما وهيه تضحك تباوعلنه اني وحسنين نتناكر ومره تكول كافي مو جهال

رحت يم امي كلت ماما حبيبتو قلبي

حسنين :- ها بلشنه بدت رحمه الله كامت تتنعوص

عسل :- انتَ انجب الحبيب ابو السوس خزرني ضحكت بصوت امي كالت انجبي صوتج عالي واكفه يمها وحضنتها كلت الاكل وخليناهم ع النار وهسه عندي طلب صغير اذا ماكو مانع وكمت اسوي بصابيعي ضحكت كالت اعرف طلبج بس شوفي الدنيا اضلم مو وكته باجر عاد برطمت كلت ماما يعني باجر عندي كوم دروس فدوة خل اروح اشوف

_ حبيبتي والله مشتاقتلها صار هواي مرايحتلها من روا الدروس كالت حسنين ابقه يم الاكل لا يحترك نص ساعه ونجي ع البيت مانطول يمه

حسنين :- أي مو ميري كدامكم ابقه اخدم والله وكت علمود بنت نصير خدامه

عسل :- لك لك ابو السوس تسكت لو نلبش غمزت شال الچفچير وكام يركض وراي معصب ركضت وختلت ورا امي وهيه تشاكفلي وتضحك وهوه هاد عليه يريد يضرب وامي تكول شكد رح تكصين لسانج وتصيرين عاقله طلعت لساني وكلت هاج اذا ينكص كصي ترا والله مبزعني اني بعد كلهم يكلولي جبار

_ كامو يضحكون ماما وحسنين كلت يلا ماما فدوة خل نروح كالت يلا امشي وانتَ خلي عينك ع الاكل علما نجي خوش وذاك يهز براسه بنزعاج طلعنه من البيت وتوجهنه للحوش مالت الحيوانات وصلت يم غرفته دمعن عيوني بس كلت وينها الحلوة كبل طلعت بركض يمي ورحت عليها ركض وحضنتها يمه كمت اشم بيها واكول شكد اشتاقيتلج يروحي دلعن ابو الدرس الي يمعني شوفتج ولج انتِ النفس والريه

_ وخليت راسي على راسها وامسد بيدي عليها واحس هيه فرحانه مثلي من شافتني كلت بصوت مبحوح ولج دلهمي يبعدي شكد احبج ونزلن دموعي انداريت على ماما وكلت هيج مااشبع لازم اشوي افر بيها كالت يمه هسه مو وكته وخطيه الفرس تعبانه عوفيها كلت والله ما اله هسه افرفر بيها شوي وانداريت عليها كلت تعبانه لو نفرفر شوي كبل دنكت كدامي وصعدتلها وكامت تركض بيه واني اضحك فرحانه واصيح شوفي ماما شوفي حبيبه گلبي متعبانه ودنكت عليها وحضنت راسها وهيه مستمره

_ تركض ونوب تسوي حركات براسها وكامت ادور حوالين امي وماما تضحكلنه واني ابوس بيها ولازمته قوي لنص ساعه وكفتها ونزلت حضنتها كلت كافي دلهماتي عود باجر يصحلي مجال اجيج لزمت الرسن واخذتها للحصن مالتها وخليت كدامها الاكل الخاص بيها وبستها وطلعت اجينه اني وماما ع البيت وصلنه باب الحوش اجه حسن وصل يمنه سلم

حسن :- ها وين جنتو بهل المغربيه

عسل :- والله يخوي اشتاقيت للفرس مالتي ورحتله

_ كالي بلشنه عود طلعي مثل ذاك اليوم

_ ضجت منه ونفخت بوجهه وكلت يعني شكو بيها ترا مامسويه جريمه وحقي هاي لو تمنعني من حقي بعد بابا جابه الي وترا مجاي الحيوان علمود احبسه جاي علمود اطلعه واتونس وياه دراسه تريد تحرمني منه انوب فرسي هم كلشي ولا دلهم وعلي اذبحك

_ عاط بيه انجبي حقيره شوفي لسانج مثل السيف الي يكص بدون لفت انتباه كتله واني مكتفه لا تتقرب لسيف حتى لايجرحك وشلت تك حاجب شال ايده يريد يضربني امي شاكفت بينه كتله واني ورا امي متعصبه انتَ شكو تحشر روحك كتلك الف مره وارجع اعيد بابا جابلياها هديه وكلي وين تاخذيها روحي بيها ماعليه بيج وكدامك صار هل الكلام لو اني غلطانه استاذ حسن حجه بعصبيه والله لخلي يبيعها دشوف شراح سوين

_ كتله برهاوه الي مايجي بيدك سوي برجلك وشلت حواجبي فوك بحركه تستفزه هاذه عصب بعد يكول الامي عوفيني اربيها انتو ماربيتوها زين كتله لا بالله هيه تايهتلك مو تربيني روح ابني روح الله يهديك بس مااكدر اكول غير شي لانك اخويه

_ ردت امي كافي عسل انجبي وفوتي جوا وانتَ الثاني جاينه مثل الثور الهايج مجاي اشوف اني وياها فوك ماحابسينها لاتطلع مثل بنات الناس لا تجي لا تروح تحرمها من شي هيه تحبها

حسن :- يمه ترا احنه بريف والناس هينه تعرفين عقليتهم شلون يعني اخاف من حجي الناس عليها

عسل :- كمت اعددله بيدي والله الناس خل يلزمون خواتهم بناتهم زوجاتهم امهاتهم لايجون عليه
يحجون وهاذه هاج من العصبيه يكول دشوفي شتحجي بس هديني يمه خل اضربه واريح گلبي شوي ترا مورم من وراها عمي مامربين بنت مربيلنه رجال بس لازمها شوارب كلت بصوت جبار اي عيني
وهاي حتى صوتي غيرته بعد شتريد بعد عركه دامت ساعه بل الحوش اجه بابا كال لحسن عيب عليك

_ رجال شكبرك شعرضك تتعارك ويه بنيه وهيه اختك ولك شبيك تخبلت علينه ردله حسن وكال بابا مجاي شوفها لسانه اطول من حذائي وجاي تتناكر
كله بابا احترم نفسك الي مقابيلك ابوك مو غير واحد وهاي اخر مره تحجي هيج عن اختك وترا سمعت كل حجيك وياها واني جايب الفرس وابن ابو الي يبيعه فهمت لو لا ويلا ولي من وجهي

عسل :- انقهرت على حسن بس بگلبي كلت يستاهل
حتى لا يعيده وياي مشه يم ابوية وكال محد كبر راسها غيرك كلما نكول شي تكول وحيدتكم وحيدتكم
دنكت راسي يعني يحسدني اخويه علمود بابا يحبني ويدللني مشيت للمطبخ واني كميه وجع بگلبي من كلامه بس مابينت هل الشي صبينه العشه تعشينه كملنه كمت بدون مااساعد ماما رحت صعدت بياتين

_ الدرج كال بابا شبيج بابا عسوله واني دايرة ضهري علي كتله ماكو شي وبعيوني بحر من الدمع كال تعاي اشربي چاي كلت مااريد عندي دروس خل اروح ادرس

الى هنا واني القصه بقلم (سيرين محمد)

تصبحون على خير ورداتي 🌹