ما وراء الستار (قلبُ الجَحيم)

البارت _ السادس

هلو حبايبي شونكم عمري انتو اليوم ان شاءالله
اعوضكم ببارت طويل بس ممكن تصويت ومتابعه
للحساب + يورز حساب الانستا بل البايو

خلونه نبلش 🌹✨

_________________________________

عسل :- راح حسن نزل جوا اسمع صوت خطواته

واني كاعده صحت بعلو صوتي اله اواريكم نجوم
الضهر ولكم اني عسل مو ياهو الچان اني اعلمكم
نزلن دموعي ومسحتهن بحركه سريعه وهزيت براسي بمعنى لا وكلت ماريد تنزليهن مو همه الي بدو وياج انتِ انهيهم كلهم وخلي طشارهم ماله والي
كمت رحت للحمام بدلت ملابسي وغسلت وجهي وطلعت تمددت وكمت افكر شراح اسوي وكلت اول واحد ابلش بي هوه حسن وبعدين ذاك الضابط وراه ابوية الي اليوم باعني بسهوله وعلمود كلمه تافه

_ خليت راسي ونمت وماكعدت اله على ايد تمسد
على راسي واسمع صوت بجي فتحت عيوني وماما كاعده فوك راسي وتبجي كعدت وعدلت نفسي وابتسمت بتصنع ليش الحلو مالتي يبجي وهيه تمسح بدموعها وكالت ليش هيج يمه ليش سويتي بنفسج هيج ونزلتي من مقام ابوج كدام العالم باجر عكبه شراح يحجون عنه

عسل :- ماما انتِ كل عقلج صدكتي بحجي حسن
اي صح اني كسرت جامه السيارة بس جان اكو اسباب وهاذه الضابط هوه الي زعجني واني كسرت جامه سيارته ردت وكالت اعرف ماتسوين شي اله لمه شخص يزعجج احجيلي يبعد امج شسوالج

_ جريت حسره وكلت باعي ماما والله رح احجيلج كلشي وبدون جذب وانتِ تدرين بيه مااحب الجذب
كالت اي يمه احجي يرويحتي انتِ وكمت احجيلي عن كلشي صار وياي وصدكتني وكامت تبجي وتحجي على حسن اخويه بس اني بقيت ساكته وحتى مانزلت دموعي شوي بقيت بحضنها ماتحملت اشوفها تبجي مسحت دموعها بديه وحضنتها وكلت
ماما كافي لخاطري ومدام صدكتي بيه خلص كلشي الج فدوة لا تبجين باست راسي وكامت وكالت بحسره الله يعينج ع الايام الجايج بس اريدج قويه

عسل :- غمضت عيوني ببتسامه حتى لا تنتبه لحزني وكلت مو مشكله بنتج قويه وتتحمل ماما لزمت ايدها بطرف اصابعي وكلت ماما المهم انتِ يمي والباقي كله يهون لعيونج ضحكت وعافتني وراحت
باوعت لساعه بــ ( 4 ) الفجر كمت رحت غسلت وتوضيت وجيت صليت اجذب اذا كلت مابجيت بجيت ودعيت ربي يصبرني على الايام التجي ويخلني دائما قويه واوجه كلشي بنفسي

_ كملت كمت شلت السجاده ورحت تمددت اباوع لساعه صارت 4:30 مسحت دموعي ونمت ماحسيت اله على شخص يدفر بيه كعدت بعصاب فتحت عيوني حسن يمي واكف متكتف باوعلي

حسن :- الخاتون كومي ماكو بعد راحه يلا روحي للحوش مالت الحلال ونضفي وها الحصان لا تتقربين يمه بنوب وبعد كم يوم يجي صاحبه وياخذه لأن بعته

عسل :- من كال هيج حسيت ضربني سچين بصدري انهضمت كلش وكلت بصوت مبحوح وقهر دير بالك انتَ تتقرب لدلهمي وعلي ذيحك يصير على ايدي فهمت لو اكرر الك رد بضحك لا مافهمت وحسج لا يطلع لو الطج براجدي اخليج ماتندلين دربج منين