متابعه وتصويت وتعليق
وخلونه نكمل ورداتي 🌹
_________________________________
عسل :- بقيت امشي وصلت للمدرسه ودخلت لصف
اول دخولي اله سئلني الاستاذ عن سبب تأخير
بقيت ابرر شكله ماصدكني بس كلي تعاي لمكانج رحت كعدت والبنات كلمن تباوعلي مااهتميت الهن كمل الدرس وكمل الدروس كلهن خلصنه وطلعنه من المدرسه بس ضايجه من الصبح لحد هسه من ورا هاذه الضابط كلش ضجت منا بقيت امشي بعصبيه
فاطمه :- ولج هيو هيو عسول عسلات عسعوسه
وج اكفي شنو تركضين
عسل :- حجيت بعصبيه واني كازه على سنوني كله بسببج انتِ لو ماكايله كدامه اسمي مجان اليوم هيج يجي وبكل راحبه صدر يحجي وياي عبالك يعرفني اكثر من ميت سنه منو كلج كليله اسمي ها صيحت براسها
فاطمه :- امم شبيج منو كارصج اليوم وهيج معصبه
غمزت الها
عسل :- تنفكص عيونج كون شنو هل الحركات لزمت اذانها وهيه تكول اخ هدي ايدج كلت اشش وامشي كدامي واخذتها ورا المدرسه مكان مابي احد وكلت تدرين اليوم الصبح شصار وهيه تلوي حلكها بمعنى لا
فاطمه :- بس هدي اذني والله انشلخ وكليلي شصاير وياج وهيج جايه بركان عليه تفورين
عسل :- حضره الضابط الي اجه يفتش الصفوف اليوم واني جاي امشي حتى اجي للمدرسه شافني بطريق ويكلي تعاي صعدي بسيارتي اوديج لمدرستج
وصار حجي مني وحجي منه عصبني وكسرت جامه سيارته
فاطمه :- عزا العزاج وج شسويتي هسه رح يعصب منج ويذب اهلج بسجن بسبب عمايلج وج انتِ شوكت تعوفين خبالاتج وعصبيتج هاي وتصيرين عاقله ولطمت على صدري شلون كسرتي جامه السيارة شلون فهميني
عسل :- هوووو شبيج كالبته خوف وسجن ومدري شنو ترا هل الوكت اذا مادوس على هيج نماذج ياكلوج اني اعرف هيج شخصيات عباله رح اخاف واصعد وياه وليش مااعرف غايته شنو وتقربت منها وشلت ايدي وضربت براسها بخفه وكلت كبري عقلج شوي وشيلي هل الجبن منج لشوكت انتِ الي رح تبقين جبانه وتسوين شغلات غيرج يطلبه منج
فاطمه :- ها يعني هيج ماابقه اخاف وج بس هاذه ضابط ضابط تدرين شنو ضابط يعني بحركه وحده يشيلج انتِ وعائلتج كلكم
عسل :- ابتسمت تك خد وكلت ضابط على روحه يروحي انتِ مو عليه اني ماتدرين عسل منو اني عسل حُسام مابيوم خفت من شي ولا خوفت نفسي بفكار سلبيه مثلج مدري انتِ شلون متحمله عقلج هاذه بي خروف مو عقل والصوف مالته مثخنه الج ومجاي تفكرين زين وضحكت
فاطمه :- كافي خل نروح للبيت طولنه اله اكلج سؤال ......عسل :- جواب عمري كولي
فاطمه :- امممم مااعرف شلون ابدي
عسل :- شفت فاطمه صارت طماطه وخجلانه عرفت شنو قصدها كلت والله صدك انتِ غبيه لأن اكو وحده عقلها كامل وسليم وتحب واحد ارعن مثل اخويه ضربت كتفي تكلي انجبي اصلا وين اكو احلا من اخوج ولج ماخذ عقلي وگلبي وكياني كله رديت بضحكه دمشي امشي يا رومنسيه هسه لا تجين تفضين مشاعرج يمي من اشوفينه فضيهن اله
أنت تقرأ
ما وراء الستار (قلبُ الجَحيم)
Mistério / Suspenseاليوم طالعه كلش حلوة عن باقي الايام وعيونج حلوات كلش شنو من سحر عندج هزيتله خصري بتفتن وكلت بيبي دائما اني حلوة هيج ويلا زيح من وجهي لا يجيك كف ماتندل دربك ضحك وهز راسه ومشه
