ما وراء الستار (قلبُ الجَحيم)

البارت _ الاول

طبعا اكثر الاشخاص كلولي هاذه البارت ماكو 
حذفته
ورديت كتبته

متابعه وتصويت وتعليق ورداتي 🌹

________________________________

اليوم الاحد الساعه 7:00 صباحا

الموافق 2017/10/10

كعدت على ايد تمسد على خدي بهدو فتحت عيوني ماما ابتسمت بوجهي رديت الابتسامه الها
ولزمت ايدها وبست بطن ايدها كعدت كامت من يمي
وباست راسي وراحت نزلت جوا

كمت رحت غسلت طلعت بدلت لبست ملابس المدرسه وسويت شعري ضفيره هنديه على يساري
ونزلت جوا صبحت عليهم ماما وبابا واخواني ردو الصباح بابا هل بل العسل هلا بعسولات بابا تعاي انطيني بوسه

حسن :- احمممممم نحن هنا ترا محتازين حنان

رديتله بضحك وطلعت لساني ذاك اخوك روح بوسه

وخل ينطيك حنان تحسدني على هاي بعد عصب

وكال احنه بريف ماعدنه بنت تدرس يابه منطيها مجال هواي خل تبطل كافي عاد هاي وصلت سادس اعدادي مو جنت تكول بصف ثالث ثانوي تخليها تبطل ردله ابوية وكال ان شاءالله بس تكمل السادس

كملت ريوك بعد عركات طويله شلت كتبي ورحت
للمدرسه مدرستي قريبه مني رحت مشي وياي صديقاتي وصلنه للمدرسه بضحك وشقه واكتمل
الدرس وطلعنه مر اسبوع على الدراسه بيوم جنه
كاعدين ندرس وصار هوسه بل المدرسه خفنه كلش

واني كاعده يم الشباك اباوع جيش لابسين اسود كلهم واكفين باب الأداره طلعلهم المدير حتى الدرس نسينا والمعلم طلع يعرف شكو واحنه التمينه ع الشباك نباوع حتى نعرف شصاير شوي وكل خمس اشخاص من الفرقه اتجه على الصف مالت الطلاب خفنه كلش واجه ضابط ويه اربعه من حمايته وياه دخلو ع الصف مالتنه واني احجي بگلبي يربي شكو شصاير اجه المعلم وكال لاتخافون بنات ماكو شي

بس رح يفتشون جنطكم ويطلعون كمت وكفت وصرت عصبيه كلت شنو يتفشون جنطنه قابل مسويات جريمه رد المعلم لا بنتي بس اكو اشتابه شخص يجيب كرستال يوزع بل المدارس رمشت بهدوء وكلت كرستال شنو استاذ كال بنتي هاي ماده مخدر وممنوع بل العراق رديت كتله بس احنه مانسوي هاي الشغلات نخاف على سمعتنه واهلنه

كال ميخالف بابا خل يفتشوكم كمت التفت ع البنت واصيح والله انتن بكيفجن تردن يفتشوكم او لا اني مااقبل وخليت جنطتي بحضني وسمعت صوت خشن وراي كال منو انتِ حتى ماتقبلين كتله وانتَ
شكو تحجي وياي درت وجهي علي واشوف عامود كدامي مو بشر رفعت راسي فوك ومايله ركبتي

دنك عليه وصل حدي وكال شسمج انتِ كلت المطلوب شنو كال المطلوب اسمج كلت مااكول اسمي شو مااحس غير صديقتي كالت حضره الضابط اسمها عسل حُسام التفتلها وخزرتها وكزيت ع سنوني واني حاضنه جنطتي بعصبيه احجي
المن تكولين اسمي هاذه الضابط ردلي امشي كدامي

عسل:- وذا ماجيت شراح اسوي ضحك وكال بنتي امشي كدامي عندت واكفه شو مااحس غير احد جرني من ايدي باوعتله بعصاب فك ايدك عني شال تك حاجب ونكت ايدي وكال بخشونه وعصبيه امشي يلا مشيت بضوجه واهف راح وكف يم السبورة رحت وكفت بعيد عنه شوي وفتح جنطتي واباوعله بطرف عين شو ماطلع كتبي بس هيج باوع
بيهن وسد الجنطه وانطاها الي اخذته منه بنزعاج

وماباوعتله مشيت وكعدت بمكاني كملو طلعو
وصار استراحه طلعنه برا واني بعدني على ضوجتي
اكتمل اليوم واني ضايجه رحت للبيت بس وصلت كبل بدون كلام صعدت لغرفتي ونمت ماكعدت الى على شخص ينده بسمي كعدت شفت بابا كال ها بابا عسوله شبيج كلت بنعاس لا ماكو شي كلي متأكده بابا كلت اي بابا وابتسمتله كال تمام بوية اني رايح يلا كومي غسلي وانزلي جوا الساعه صارت بل 6 العصر راح بابا طلع وكعدت بسرعه حيل شكد نايمه