القبلة الأخيرة ( كاملة)

بارت 2

كاتبة : Samira rd

جرت لبنت حتى طاحت الارض .. ومهدي وقف بسرعة جارها من كرشها مبعدها على لبنت لي بدات تبكي بألم .. وناس كيشوفو فيهم

صابرين [ كتنتر من لمهدي ] طلق مني ..

مهدي [ عاقد حواجبو بغضب ] رصاي براكة من لحماق..

نترت منو وطلقت من لبنت .. ضن انها صافي اتزگا ولكن كان لعكس .. بعدت وبدات تدفع فالكراسة برجليها ومهدي حشمان وناس كيشوفو

شد يدها بقوة جارها معاه وهي زامة شفايفها بغضب .. حتى خرجو من لقهوة موقفها امامو ..

مهدي [ تأفاف بغضب] شنو درتي لداخل ؟ واش بغيتي يتجبد لينا صداع .. [ نطق بقلة حيلة] عيت معاك وتقادا جهدي اتبقاي حتى تجبدي لك شي مونتيف

صابرين[ عطاتو بضهر مربعة يديها كتمشا نطقت بعدم المبالاة ] خـ خليني ندير لي.. ليبغيت ..

تأفاف كيحاول يرجع ليها عقلها ويهدنها حتى كيبانو ليه تلاتة دراري جايين اتجاهها كيديرو اصوات ويضحكو وصابرين حتى هي بدات دير نفس لاصوات وضحك معاهم ..

توقف مهدي بعيد شوية عليها كيشوف شنو غادة دير.. استغرب واش كتعرفهم ولا لا توقفو داك تلاتة دراري امامها هي لي كانت كتشوف فيهم ماواعياش براسها كضحك ضحكة عريضة ..

دري [ زعم وتوجه ناحيتها بايس خدها] وتيتيزة مع راسك ..

عض مهدي داخل فمو كارز على يديه توجه ناحيتو بسرعة دافعو من صدرو بقوة حتى كان غايطيح.. شاف في صابرين لي كانت مزال كضحك .. هز يدو وصرفقها بشوية على خدها .. مخنزر فيها عطاها بضهر غادي لقهوة وهي تابعاه..

صابرين[ بغضب بصوت مرتفع] علاش ضـ ربتيني ماتبقاش تقرب ليا ..

التافت ناحيتها كانو كايبانو ليه دوك دراري تابعينها وكيشوفو فيها بشوفات شهوانية.. عض على شفايفو بغضب وتوجه ناحية واحد فيهم دافعو من صدرو هاز قبضة يدو نازل عليه لخدو بقوة..

صحاب مهدي كانو واقفين امام لباب لقهوة غير شافو دراري باغين يتحاماو على مهدي بسرعة توجهو ناحيتهم مضـ اربين حتى هربو دراري ..

شكرهم مهدي شبك يدو مع صابرين جارها وهي كتنتر منو وتعاير فيه هو مامسوقش ليها .. وقف اول طاكسي طلعو وطلب منو يديهم بلاكة طوبيس..

كانت صابرين عيونها كيتغمضو قالبة شفايفها.. ملامحها كانو بريئين وماكيبانش عليها بلي هي مولات هاد لفعايل.. اما مهدي كان قالب وجهو لجهة تانية ..

حطت راسها على كتفو ودفعها من عليه .. عيونها لمعو بدموع وشفتها سفلية بدات ترجف حاسة بلي غادة تفشل وغاتنفاجر بالبكا فأي لحضة .. مارضاتش يدير ليها هكا وهي محتاجاه..

اما هو كان شاد راسو باش مايضورش عندها ويشوفها كتبكي .. دازو دقائق طويلة شوية وهوما على ديك لحالة اميمة تبكي وتمسح دموعها بي كمايمها مابغاش ضسرو مرة أخرى ..