القبلة الأخيرة ( كاملة)

بارت 3

كاتبة : Samira rd

كان غضب عامي عينيه وزادو حتى شراب.. هز يدو صرفقها بشوية ومع شراب دغيا طاحت الارض بقوة ..

مهدي [ شنق على حمزة بغضب] قلت لك ماتقربش ليها الكلب ..

هز قبضة يدو نازل عليه لخدو بقوة ودفعو التافت كيقلب على صابرين حتى كتبان ليه غادة اتجاه لحافة ديال سطح مشا كيجري اتجاهها جارها بقوة حتى تخطبت مع صدرو .. رجع لبلاصتو هز فيست ديالها وسبرديلتها

مهدي [ شاف في حمزة مخنزر فيه ] انت ماشي راجل .. عارفني كنبغيها ودرتي فعايل شمايت

جرها نازلين من دروج .. كيشوف فيها كيف كيطيحو دموعها بصمت عرف راسو كان قاصح معاها ولكن كان خايف عليها ماشي لخاطرو.. خايف تفيق غدا وتعقل على كولشي وتندم راسها وتمرض.. هو عارفها قداش كتبغيه وغير شراب لي لعب عليها

كانت جوج ديال ليل شوارع لمعاريف كانو ساقلين من غير سكايرية لي كيضورو وهوما بجوج .. طول طريق وهي كتبكي وهو كيصالح فيها ويطلب منها سماحة وهي دفعو من عليها ..حتى وقفها امامو

مهدي [ شاد خدودها من يديه نطق سكران ] صابرين ..سمحيليا .. انا.. انا كنت خايف عليك .. [ نطق من اعماق قلبو بحب] انا كنبغيك ..

صابرين [ دفعاتو ببطء من صدرو قالبة شفايفها] بعد .. بعد مني .. انت كداب ..

....[ بصوت خشن ] شنو كديرو نتوما هنا ؟

التافتو بجوج كانو جوج بوليس راكبين على ماطرهم شافو في بعضياتهم وسرطو ريقهم..

بوليسي [ كيشوف في صابرين] مالها كتبكي؟؟

عاود ليهم على شنو طرا بيناتهم من عيطت ليه حتى خرجو من عند حمزة ..

بوليسي [ رفع حاجبو موجه كلامو لصابرين] دري باين نقي وكيبغيك .. سيري معاه قبل ما نهزوك حنا ..ونتي ماشي ديال تكرفيص..

مشاو وخلاوهم بجوج وهي بدات تبكي .. تنهد مابقاش عندو لخاطر يدي ويجيب فالهضرة وهوما فهاد ليل .. دازو ساعتين وهو غير يعنق فيها وهي تنتر منو دوز ساعتين فالجـ حيم .. جوج مرات وهو كيجرها من كتبغي تلقا لشي طموبيل دايزة من شانطي ...

وقفو جنب وهي جلست فوق طروطوار عيانة وملامحها كيبان عليهم تعب .. جلس قفازي امامها كيشوف فيها ..

مهدي [ شد يدها بين يدو ونطق ] دبا قولي ليا عندك شي فلوس..باش نرجعو.. ؟

صابرين [ حطت صبعها على شفايفها كتفكر ] اممم اه .. عـ عندي 35 درهم ..

مهدي [ خشا يدو فجيبو وخرجها] انا عندي 15 درهم [ مد ليها يدو ] اري ديك 35 درهم نشدو طاكسي ..

وقف كيقلب على طاكسي.. ضن انه ماايكون حتى طاكسي دقائق وكان جاي طاكسي خاوي شير ليه ووقف .. توجه ناحيتو