العريـن والمكـاس

🦅bart2.

ما دامتلي فرحه ولا دمعتي تروح
مدري شعنده وڪتي وياي متعاند
صرت حتى من انام احلامي مو حلوات
لو مڪتول افز لو ڪاتل وشارد .

بـِقلم الکـاتبـة:-زهراء آل يوسف.

بـِسم اللّْه الرحـمـٰن الرحـيم.

رِوايـة:- العـرين والمـكاس

-----------------------------------------------------.

واني ارجع لوراا خايفه أبچي،وهي توگع وجها صار كله دم.

طلعن بناتها واگفات مصدومات وعمي اجه يركض شالها،ابنها ابراهيم اجه جاب حديده وضل يضربني بيها واني بالگاع اصيح،كسرني تكسر اجن اخواته دفعنه وخلصني،أخذني لغرفتهن،وقفلن الباب.

حور:-شهددد جيبي شي أشد أيدها ،بسرررعه.

راحت شهد تركض جابت لفاف ومُعقم،وأني أون من الالم،تمنيت أمووت وأخلص،مريانا تضمد براسي،وشهد لازمه أيدي وحور تلف بيها وأني اكثر شي توجعني أيدي احسها أنكسرت.

مريانا:-كسر بأيده والله على هاي العمله گبر لفه.

شهد:-عود مسوي نفسه رجال.

كملت أيدي ،وراسي،ونمت بالفراش،متكسرة ما أگدر اتحرك.

قمراء:-و...وين راحت أمچ؟.

حور:-يمعوده ما بيهم شي،هسه يجون ارتاحي.

نمت ما أدري شوكت,گعدت لگيت ولا وحده يمي نزلت من الچربايه گوه رجليه مكسرة،وأديه كلها مزورگه ورجليه،طلعت باوع للصاله شفتهم گاعدين يتغدون،كلهم راجعين وجليله لافين وجهَ،درت وجهي أريد ادخل للغرفه،صااح أبراهيم بيه.

ابراهيم:-هيووووو،،تعاااي لهنا.

غمضت عيوني ودرت وجهي علي،واگفه اريد اشوفه شيريد.

أبراهيم:-ممنوع تنزلين لهنا،يالله أمشي ولي لغرفتچ،اذا شفتچ هنا رجليچ أدور صدگ اكسرهن.

درت وجهي وصعدت أبچي،،رجعت درت وجهي شفت البنات يباوعلي ومقهورات،رحت صعدت دخلت للغرفه وقفلت الباب ،گعدت ورا الباب أبچي من الالم روحي طلعت.

قمراء:-ليش هيچ يربيييي،وين أرووح بعد.

رحت مدتت عَ الچربايه،نمت،ما گعدت لـ9:00
نزلت من الچربايه رحت للباب فتحته،أباوع بلكي تجي وحده،بس ماكو.
رجعت گعدت ضاايجه،سمعت صوت واحد يصيحلي بصوت نااصي كلش.

طلعت لگيتها شهد جايبتلي اكل.

شهد:-هاچ هذا اكل،اكلي لأن من اجيتي لسه ما أكلتي.

أخذته منها ونزلت تركض,دخلت وقفلت الباب،گعدت أباوع للأكل حتى نفسي مسدوده،أخذت الطاوله خليتها يم الشباك وجبت الكرسي وخليته هم وگعدت أكل گبال الشباك اباوع للأطفال يلعبون طوبه وأراقب بيهم واضحك وياهم وأني اكل،حسيت خسرت طفولتي وكُلشي،انحرمت حتى من شوفه الشارع.