العريـن والمكـاس

🦅bart37.

أچذب روحِي أگولن واللّٰه مامجروح
وآني جروحي حايّر ويّن أوديها

بقلمي الكاتبه::- زهـراء آلـ يـوسف .

روايـه::-الـعرين والمكـاس .

المجد::-طبعاً اليوم يمكن تفرحولي،انه اليوم اريد انطيكم خبر راخ اخطب بنت عمي قمراء

كلهه وجهت الانضار الي مصدومين وفاتحين عيونهم من گد ما متوتره حسيت لازم ارفض يمكن احس ارفض

قمراء::-بس أني..

قاطعني بسرعه يأشر بأيده اسكت لأن عرفني من توتري ردت ارفض وسكتت والكل يباوعون اله مصدومين

المجد::-اكمل كلامي،اليوم انطيتكم خبر باچر اعمامي تحضرون نخطب عگبه نكمل عقد قرأن عقد سيد تصير مرتي

كمل كلامه بأبتسامه واسعه كلهم ابتسمو وامه گام تهلهل فرحانه دنگت راسي خجلانه كلش غمضت عيوني وعاضه شفايفي رفعت راسي كلهم يباوعولي مبتسمين

بسام::-اهلهل؟

المجد::-هلهل بعد اخوك اطربنه بصوت المنعش

گام بسام يهلهل بس والله خوش يهلهل كلهم ضحكو علي فرحانين كلش ما توقعت هيچ يفرحون

شهد::-اني ادري بيهم من ذاك الاسبوع

باوعنالها اني والمجد مصدومين هاي بسيطه بالليل اني اعلمها

شهد::-اقصد الاحساس...أي أي حسيت بيهم يحبون بعض من شفتهم واگفين بالمطبخ سوه تذكرت والله حلوين

عمتها العوووبه عمتهاا مووتتني وين انطي وجهي المشكلة كلها مركزه وياهااا،ضليت لا اخذ ولا انطي وجهي صار اصفر ما اگدر ارفع راسي
بس رفعت راسي من المجد گال بصوت عالي وكلها سمعت والتفتت أله

المجد::-أي احبها من زمان

بسام::-گلللولووووللوووووش

هلهل بسام للمره الثانيه وكلها تضحك ،گعدنه وسولفنه وضحكنه وشربنه واكلنه، چان يوم حلو وي أعمامي كلها فرحت النه وكلها وافقت

صار الليل مددت تعبانه فرحانه متوتره وارجف اجن البنات يرگصن يمي

شهد::-الفففف مبروووك

مريانا::-گلوولوولولولووش

شهد::-فرحاااانه لچ؟؟

حور::-اي عيني شمدرينه بهاي الصدمه والخبر الحلو

گعدت متربعه وهنه گعدن يمي وجرني يخربن بشعري ويضحكن

قمراء::-هههههههه‍ه لااااا شعريي الجميلللل

شهد::-ختيبي وينه

وخرن عني وكفشتي شكبرها صارت لميته لوره وگعدت اضحك

قمراء::-تره بس عقد حتى ما نتزوج لا تفرحن

حور::-شنوو؟!!

قمراء::-اي والله العظيم بس عقد