العريـن والمكـاس

🦅bart25.

عشگتك بالخيال منين اجيب شهود
غير الله بمحبتك مالي شــاهد

بقلم الكاتبة::-زهراء الـ يوسف 🤎.

تصويت لطفاً⭐

«العرين والمكاس»

سمعت صوت المجد اجه يصيح بأسمي قمرااااء طفرت خايفه اركض عالدرج والبنات وراي يركضن. نزلت بخطوات مت متوازنه ارجف من نبرة صوته الحاده

بطئت حركتي امشي طبيعي بس زاد توتري من شفت ملامحه الشرار واشوف اعمامي واگفين بهتت ملامحي وانصدمو من شافوني

نزلت وگفت يم خاله وسن افرك بأصابعي گعد المجد يدخن ويحچي صاك اسنانه

المجد::-شمدري هذا الشيخ الزعطوط انتِ بت عمي عباس؟؟!

جاوبت بصوت اتعتعت
قمراء::-مـ ما ادري والقرأن

المجد::-شلووووووووووون مااااااااا تدرين وهو يگوووووووول بنت عمك عباااااااااااس !!!

فزيت وغمضت عيوني خايفه منه فتحتهن لگيته واگف گبالي وخازرني

قمراء::-لا تصيح فهمت! مو غلطي ليش تصيح بوجهي؟!

دمعت عيوني بس احاول ما ابچي باوع لعيوني وتنهد بنفاذ صبر وگال بصوت هادئ مبحوح

المجد::-ما أصيح بس اريد اعرف انه الغلطان ادري اسف اسف والله اسف

درت وجهي ما جاوبته متنرفزه من عصبيته عليَّ گعدو اعمامي وگعدت يم خاله وسن متوتره كلش

علاء::-شلونچ عمي

رفعت راسي وجاوبت ببرود وهدوئ
قمراء::-زينه الحمدلله

هيثم::-عمي ادري انتِ هسه ضايجه منه

قمراء::-على شنو اضوج؟اذا اعمامي ما يردون يسألون علي عادي بس ما گلتو بنت اخونه يتيمه وعمار عم ظالم

هيثم::-عمي عمار يهدد بينه بيچ

علاء::-كل ما نريد نجي يهدد يكتلچ وهذا مو بعيده علي يسويها بناته شافن الضيم من وراه لا طلعه ولا شي الباب ما يشوفنه

هيثم::-حاولنه هواي نجي نشوفچ بس چان يهدد بينه يرفع السلاح بوجوهنه عمي ويهدد يروح يكتلچ اذا ما نروح

گعدو يحچولي كلشي وعمي عمار شلون ما يخليهم يشوفوني واني دمعتي بطرف عيني اول ما شفتهم ما اهتميت الهم بس كلامهم والدفو والحنان الي بصوتهم خلاني احتار شگول وشأحچي

علاء::-والله يا عمي حالچ حال بنيتي الله شاهد

قمراء::-زين ليش من چنت عند اخوالي ما تجون؟

هيثم::-خالچ محمد هم نفس عمچ عمار ما يقبل يگول انتم ما تردونها ممنوع تجون بعد ومن هالسوالف

سكتت ما حچيت شي غارگه بأفكاري احس دخت وألم بصدري اختنگت وصرت اگح عرفت هنا بعد ما اسيطر على نفسي ركضت اصعد لفوگ واگح بقوه احس بلاعمي يبسن