جنت اتصور نسيتَك
وانتهه كُلشي بغيابَك
وفتحت صفحَه جديدة
وكابرت حَتى بعذابك
وبـ لحضه وحدة اتذكرك
عشره راحت مِن زمان
ورجعت القُصه القَديمه
صدفَه وبنفس المَكان
بقلمي:: -زهراء آلـ يوسف
روايه::-العرين والمكاس
تصويت لطفاً ⭐🥹.
هيثم::-حور لـ تقي الدين واكيد بنيتي تقبل جمال واخلاق ماكو منچ بنيتي وابني خوش ولد
باوعتلي وجهه صار اصفر هزت راسها ما مفهوم احس خجلت ترفض وماتدري شتگول وكلنه ساكتين ننتظر جواب
حچيت قبل لا تحچي لأن خطيه توترت كلش
قمراء::-عمو باچر ان شاء الله نشوفها شتگول اكيد هسه بعدها لازم تفكر صح؟
ابراهيم::-احم..اي عمي لازم نشوفها اول
هز راسه بمعنى اي ومبتسم فرحان حور راحت لفوگ ومريانا وراها تقي الدين احسه ما قابل بهالفكره ونظراته تشرح كلشي وأول ما گال عمو هيثم انو تقي الدين يتزوج حور انگلبت ملامحه ومبين ما موافق
ضلينه گاعدين نسولف وعمو هيثم يقنع بتقي الدين بس قافل مايريد ويگول فرق عمر ومددري شنو ويطلع اعذار من جوه الگاع...
"حور"
گلبـي صار يدگ بسرعه مو طبيعيه توتر على خوف اخوي چان گاعد خجلت خحل يشهد الله اول مره بحياتي اخجل هيچ اريد اگوم ما اگدر بس قمراء ابوس راسها نقذتني لأن لساني نربط ما اگدر احچي واصلاً تقي الدين مبين ما موافق
من صعدت اركض والهث صعدت وراي مريانا تضحك ضربتها براسها وگعدت شريت مي وتنهدت براحه
مريانا::-توافقين بالضابط؟
حچتها وغمزت وعاضه شفتها ،هزيت راسي بـ لا ،وألف لاا مُستحيل اوافق بشخص ميحبني ما مقتنع بيه وهو أصلاً يحب وحده غيري من چان يخابرها
حور::-لا ما اوافق مستحيل مريانا لا اني احبه ولا هو يحبني!
وگفت اعدل بشعري ارجف،هزت راسها مريانا متفهمه ابتمست و عافتني ونزلت ،اخواتي يعرفني أذا اريد ابقى وحدي اروح للمرايه واعدل بشعري هاي معناتها عوفوني
طلعت للصاله گعدت مرخيه اكتافي بلعت ريگ وزفرت نفس تعبانه فزيت من الشباك انضرب بطابوگه رجت اشوف منو لگيت تقي الدين جوه شافني وأشرلي أنزل فتحت الشباك وأشرت بأيدي شكو؟
ضل يأشر انزل نزلت ورحت من باب المطبخ استخي اباوع بوجهه شيطلعني طلعت گوه اطگ بأصابعي وگفت گباله ونزلت راسي خجلانه تحمحم وگال ببرود
تقي الدين::-شوفي اني ما اريدچ و
رفعت راسي أله بسرعه خازرته
حور::-شنوو؟؟ يعني اني ألي اريدك!!
أنت تقرأ
العريـن والمكـاس
De Todo﴿رِوايه حقيقيه ،عراقـية﴾. أملك وجهًا آخر وجهًا قاسيًا بعيدًا عمّا تراه الآن عندما تغلق أبوابك آمامي أملكُ وجهًا آخر وجهًا باردًا بعيدًا عن الدفء الذي يحيطك دائمًا مني
