طق طقق طقق فتحت ايمان: سوني😍 ياسين: نان( ايمان) 😍 حضنته عمي مفتاح: ما يسلمش علينا نحنا ولا كيف🙂 ايمان: خير عمي كيف حالك 🙂 حنين: خيرات مَني ايمان: اهلين حنونه خشو تفضلو مفتاح: وين باتك وامك ايمان: حكيتلهم القصه حنين مفتاح: الحمدلله ع سلامتهم ايمان: الله يسلمك مفتاح: انا ماشي توا نروح بيك في الليل حنين: تمام وين سميه ايمان: في الدار ماده وجها ع التلفزيون تبيش تطلع حنين: احسن🙂 ايمان: باهي ي حنه دابينه اجديده مش قاعده تعالي نحوسو في المطبخ نديرو شي حاجه نشربو عليها القهوه حنين: هي
نعرفكم ع حنين: عمرها 26 طيبه تهبل جوها نفس جوي لكن مستحيل تكون كيفي لاني مافيش كيفي حدد😌😂 ( راكم تقولو مغروره لا بس مكبده في روحي تكبيده شينه🤣)
قعدت ندير في الكيكه ياسين: نان شد ديلي ( ايمان شن اديري) ايمان: ندير في كيكه سمحه لسوني توا العب نين اطيب الكيكه ياسين: به حنين: تعرفي هذا شن دار امس ايمان: شن دار المجرم هذا😂 حنين: ي حنه امس عمك مفتاح ماشي للعمل ع مهم انا كنت ندير في الغدا بعدها خشيت للحمام نغسل في ايدي وسيبت الباب مفتوح والمفتاح برا ويجي عمك ياسين يقفل عليا الباب ايمان:😂😂 حنين: ونقوله افتح وهوا معش عرف يفتح وقعد يبكي نين جا عمك مفتاح بيش حل الباب🥲 ايمان: ريت الغضيب يدير عملته ويبكي😂😂 درت كيكه مثلجه حطيتها في الثلاجه انا: عليما سقعت الكيكه نمشي ندوش ونغير حنين: تمام وانا توا نوتي القهوه
دوشت ولبست هك 👇🏻
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
بعدها نزلت و قسيت الكيكه وطلعنا في الجنان وهدرزنا وياسين يلعب حذانا • • • اذن المغرب خشينا بعدها درنا العشاء وعمتكم سميه ما طلعت بكل لانها تكره حنين 🤣😭
ع مهم درنا العشا بيتزا 🍕 ورز 🍚 و شربة عدس 🥣
جا عمي مفتاح وعمي احميده ومعين وتعشينا بعدها قعدنا نهدرزو
عمي مفتاح: بهار ايمان: عمي مفتاح: بهااارر🙃 ايمان: عمي مفتاح: انتي ي حيوانه نكلم فيك 😒 ايمان: بعد تقول اسمي نرد عليك🙃 مفتاح: ما قلته اسمك🙃، ياسين ياسين: نعم مفتاح: قول لي ايمان بهار ياسين: بهار ايمان: تي لااا تعلمش 😭 مفتاح: 😂😂 ايمان: سوني معش تقول بهار لانه تجيك البعه بعدها ياسين: لاالا مافيش بعه🌚 ايمان: نعنبوك ي فرخ🙂 عمي احميده: لا هذي موني بشدوق🙂 ايمان: لا احميده: لا موني ايمان: لا موني لا بلا اسمي ايمان ولا يكون احسن ما تناديني بكل 😒 ( طبعاً اكيد قاعدين كيف الاطرش في الزفه🤣 نحكيلكم زمان ماما كان عندها طالبه اسمها بهار شوي رنت ع ماما وحنين كانت قاعده شوي انا قلت لماما ليش ما سميتيني بهار ع مهم بنت الكلب حنين قالت والله نقولها لمفتاح 🤣 ومن هنا قعد يقولي بهار 😭🥲) عمي مفتاح: هي حنين ايمان: خليكم مزال بدري🌚 مفتاح: لا خلاص ايمان: باهي انت روح وخليها تبات مفتاح: لالا 🙂 ايمان: تتحملش 😂 مفتاح: تحشمي 😂 عدو عيت عمي بعدها ع طول خشيت لداري طقق طق طق ايمان: خش معين: قتلك تجي تلعبي كوره ايمان: تمام طلعت لمربوعه لقيت عمي احميده احميده: تلعبي ايمان: تمام لعبنا كورة ايمان: تي هذا كنه يمشي هكي احميده: ي غبيه انتي الي تمشي فيه هكي 🤣 ايمان: شن دراني انا واجد منضرهم كيف النمل احميده: قووووووووللللللل ايمان: حيي درت قووووللل😍 احميده: انا الي درت مش انتي😂 ايمان: خزي فرصه عاد لقيني نعرفش نلعب 🥲 احميده: انتي ماده وجك تعرفش ايمان: باهي خلاص سكر فمك😒 احميده: عادي سؤال ايمان: قول كنك شن تبي🦦 احميده: كنهن شدوقك ريحات كبار🙂 ايمان: عادي توا ندير رياضه وينقصن☺️ احميده: ووووهههه ههههههههههه معين: هههههههههههههههه ووووههه بطنيي ههههههه ايمان: عليش تضحكو ي فصاخي😒 احميده: كيف تبي تنقصيهن نبي نفهم انا 🤣 هههههه ايمان: تضحك ع خيبتك هذك😒💦 معين: خلاص هي نكملو 🤣 ايمان: شن نكملو خلاص مش فايزه انا احميده: بلكي حليمه🤣 ايمان: لالا سعديه🤣 معين: ننقني نبي نرقد ايمان: حتى انا احميده: والكورة شن يصير فيها ايمان: مافيها ما يصير وعديت خشيت لداري ورقدت • • • • • • • • • • ثاني يوم الساعه 11 نضت فطرت بعدها طلعت في الجنان نلقى معين مع عمي احميده
ايمان: معين معين: نعم ايمان: تعال شوي جاني معين: كنك احميده: ي معين انا طالع قول لعمتك راني مروح في الليل وطلع ايمان: طريق جدي هذك🦦 معين: كنك شن تبي ايمان: نبي نروح🙂 معين: والله حتى انا لكن اهو باتي قريب يجي ونروحو ايمان: كساد ازح معين: شن قلتي ي سمحه🙂 ايمان: نجكلي انت السمح 🌚 معين: معش تقولي ازح خيرلك😒 ايمان: لالا نقولها ازح وعديت نجري ومعين يلحق فيا معين: تعالي هن ي حيوااانننننهههه😡 ايمان: وووه لالااا🤣😭😭 ونجري وهوا وراي معين: والله نوريك عليها ي بنت الكلب ايمان: هييي تقول ع باتك كلب خزي عليك ربايه سوده🤣🤣😭😭😭 معين: والله ماسكك ايمان: وووه 🤣😭 ويمسكني من شعري ايمان: ووووه عليااا خطانيي😭😭🤣🤣 ي جدووووو ي عميمهههه جدي: ات ي ليدد خطا اختك😡 معين: ي جدي هي.. جدي: قتلك خطاها😡 طلقني وجيت نجري ورا جدي جدي: معش تضربها تسمع فيا😡 معين: حاضر انا من ورا جدي: 😝😝😝 جدي: عيب ي باتي اختك هذي معش تضربها باهي سلم وليدي معين: حاضر ي جدي
طقق طق طقق فتح معين البااب معين: اوو الحاج ايمان: بابا ماما 😍عديت نجري حضنتهم ايمان: رايفتلكككم استحشتكم ماما وبابا: حتى نحنا
خشينا وهدرزنا بعدها روحنا • • • • • • • • • مر اسبوع
