الكاتبة: 𝑵𝒆𝒚𝒎𝒂𝒓𝒆𝒆𝒏
بلسان فارس:
مشيت جبت كل حاجه طلبتها مني امي
وروحت للحوش لقيت مرت خوي محمد
فارس: السلام عليكم
نجاة وكريمه: وعليكم السلام
فارس: خير كريمه كيف حالك
كريمه: الحمدلله كويسه
فارس: اليا وين حبيبة عمها
كريمه: في الصاله تلعب
خشيت لصاله لقيت زينه بنت خوي
زينه: عمووو
حضناتها
فارس: خير ي عموو
زينه: عمو العب معاي
فارس: حاضر هي تعالي
•
•
•
•
•
•
•
•
•
•
بلسان ايمان:
بعد ساعه وصلت الكاميرا والسماعه وفتحت ع اليوتيوب وعرفت كيف نستخدمها بعدها جاا بابا ومعين وتغدينا
بعدها غسلت العوايز وماما وتت الشاهي وقعمزت احذا بابا ع الاخبار
زينب: قتلك ي فرج
فرج: نعم
زينب: شرايك بعدين تشيلنا عند عيت عمي
فرج: حاضر
جتني ماما لدار
زينب: باتك قال باهي
ايمان:تمام انا نمشي ندير شي حاجه
عديت درت بسبوسه بعدها جت الساعه 5 وتينا روحنا وطلعنا طول لعيت جدو🚗
بعد وصلنا سلمنا عليهم والحمدلله ما كنش في حد جاي لعيت جدو درنا انا وعمتي القهوه وحطينا من البسبوسه الي درتها وقعمزنا برا قعدنا نهدرزو ومعانا عمي احميده ومعين
في الليل الساعه 9
بعد تعشينا خشت حني لدار وانا لحقتها
ايمان: كيف حالك ي جديده
سعيده: الحمدلله ي يام
ايمان: قتلك توا السلسله الي لابستيها في رقبتك ذهب
سعيده: اها ذهب
ايمان: من امتا شاريتها
سعيده: لها زمان بكل من انا بصحيحتي
ايمان: عادي نجربها
سعيده: راك تخربيها
ايمان: لالا
لبستها ع رقبتي
ايمان: مشاءالله ذهب ثقيل
سعيده: اهاا
ايمان: حس جدو ينادي فيك
سعيده صبت: ينعلي ي بوي ااه اكيده يبي الشاهي وطلعت
مشيت طلعت السماعه وحطيتها في السلسله طبعاً هي صغيره بكل ما تبانش
وجبت الكرسي الي في دارها وركبت الكاميرا صغيره بكل ما تبانش حطيتها في زاوية الدولاب من فوق وشغلتهن وطلعت (طبعاً ربطت السمعات ع تلفوني هن والكاميرا)
•
•
•
•
•
•
•
•
•
•
بلسان فارس:
جن خالاتي وحني سلمت عليهن بعدها طلعت شور الكافي مع صاحبي
مرر الوقت وروحت للحوش الساعه 12 ركبت لدار فتحت التلفون اذكرت المحدثات الي بيني وبين ساره حذفتهن كلهن ودرتلها حظر في البرامج كلهن وحذفت رقمها
فارس: توا حذفتك من التلفون ي ساره وحذفتك من قلبي وح نحذفك من بالي بكل
ورقدت
صباح جديد ع ابطالنا 🌅
عند فارس:
نضت دوشت وغيرت بعدها فتحت خزانه الي فيها فلوس لقيتهن مش قاعدات
فارس: بسم الله الفلوس وين
نزلت لمي
فارس: يمي
نجاة: نعم
فارس: في حد ركب لداري امس
نجاة: لا عليش
فارس: فلوسي مش قاعدات
نجاة: بسم الله وين يريحن دور بلكي تلقاهن في شي مكان
فارس: دورت ما لقيتش
نجاة: مرات محطيهن في شي مكان وناسي
فارس: تي لا انا عندي مكان واحد الي هوا داري يمي
نجاة: خلاص عدي انت لخدمتك توا ندور عليهن انا
فارس: تمام تمام
طلعت لخدمتي وكنت شاك في واحد
الساعه 2 مشيت لحوش خالتي سلمت عليها وقعدت نهدرز انا وولد خالتي بعدها خشيت عليها في الكوجينه
فارس: قتلك
سعاد: نعم
(للعلم خالتي هذي ما تقبلنش🙂)
فارس: فلوسي وين
سعاد ارتبكت: ااء شن دخلني بيهن انا تسأل فيا عليهن
فارس: انا عارف انك انتي الي واخذتهن
سعاد: من قالك ااء مش انا كنك انت
فارس علا صوته: طلعي فلوسي عليش تسرقي تبي فلوس تعالي قوليلي نعطيك مش تسرقي
سعاد: خلاص وطي صوتك توا نعطيهن لك
مشت جابتله الفلوس
خذيت فلوسي وطلعت طول للحوش
تغديت بعدها قعدت مكسد ع النت لقيت صفحه فيها قائمة السحره واسمي كان قاعد
فارس: يعني انا كنت مسحور
مشيت لبست وعديت لشيخ وحكيتله
الشيخ: هوا انت مديورلك سحر بس ما دارش نتيجه لانك تصلي في الصلوات الخمس ومحصن نفسك صح
فارس: صح ونصلي حتى في قيام الليل وبعد نصلي في الفجر نقرا في سورة البقره وبعد نطلع نقرا آية الكرسي
الشيخ: خلاص الحمدلله انت محصن نفسك وواضح انه في اشخاص من اقاربك حسدينك
فارس: باهي ي شيخ ما عرفتش من الي ساحرني
الشيخ: الي ساحرتك هي وحده من خالاتك
فارس اذكرت خالتي سعاد: تمام ي شيخ بارك الله فيك
طلعت بالسياره طول لحوش خالتي
دقيت فتحت هي كريتها من ايدها وخشيتها جوا
فارس: ليش
سعاد: شن ليش
فارس: عليش سحرتيني
سعاد بحقد وحسد: حسدتك اها حسدتك لانك ديما بفلوسك معروف بسمعتك في المدينه حسدتك لانك عندك فلوس ما يكملن وح نقعد نكرهك نين نموت... درتلك سحر مرض السرطان بيش تموت ونفتك منك
فارس: ماعندي ما نقول الا حسبي الله ونعم الوكيل فيك وللحوش معش تجي تسمعي ولا لااا الحووشش تجي نلزك اقسم بالله نلزك ونلقاك جايه شوري ولا شور امي اقسم بالله وجلالت الرحمن تشوفي شي عمرك ما شفتيه نخليك تتمني الموت وانا فارس وانتي عارفه من فارس وشن يدير
طلعت
•
•
•
•
•
•
•
•
•
بلسان ايمان:
روحنا للحوش غيرت دبشي كسدت ع النت شفت التاريخ لقيته 24/6
ايمان: سبحان الله خالتي توفت لها شهر بس. توا.... ااه الله يرحمك ي خالتي ويجعل مثواك الجنه يارب
#يتبع
أنت تقرأ
عوض الله اعظم
Teen Fictionتحكي ح شاب وبنت حبو بعض رغم فرق السن الي بينهم والمشاكل والظروف الا انهم قعدو مع بعض وتمسكو بعض عشان حبهم ❤✨
