الكاتبه: 𝑵𝒆𝒚𝒎𝒂𝒓𝒆𝒆𝒏
ثاني يوم نضت طبعاً عارفين الروتين
في العشيه
زينب: انا ماشيه
ايمان: مربوحه
عدت ماما وانا كسدت ع التلفون
في الليل الساعه 8 جا بابا
فرج: ايمااان
ايمان: اوو فروجه جيت
فرج: ننقني جيعان
ايمان: خسا الجوع تو تو نديرلك احلا عشاء حتى ماما ما دراته
فرج: عارفك شاطره
ايمان: نمشي نوتي العشا
خشيت الكوجينا طلعت الطماطم والفلفل والبصل والزيت والثوم والدجاج وقعدت نمرطز قصدي نسوي 😌💔
جهزت السفره وحطيتها
بابا: مشااء.... صحيح حتى امك ماداراته تي شنو هذا
ايمان: عشاا😕
بابا: هذا عشا دحي مايسد حتى واحد ولا الجبنه تقول شحتتها😡
ايمان: ما نعرفش ندير غير هذين
بابا: صدقت فيك امك تقولك بايره تي انتي شن ح ديري بعد تجوزي تي يطلقك الراجل من اول يوم😡
ايمان: ما..
بابا: امشي من حذا وجي😡
عديت لدار
ايمان: اووفف يعني بعد التعب هذا كله هكي يقول اصلا انا حماره هذا مش عشاء بكل لكن توا نرضيه نديرله كيكه 😌
قعدت ع النت وحكيت لسدين ع الفالطه الي درتها
سكرت النت وطلعت من الدار شفت بابا لقيته مقعمز ع التلفزيون خشيت لكوجينا لقيته ماسح السفره
ايمان: اوهو مشاءالله ماسح السفره مسح طلعت المكونيات وبديت ندير في الكيكه بعد جهزتها خشيت ع بابا
ايمان: احمم احم
بابا: كنك😒
ايمان: درتلك الكيكه
بابا: باه
ايمان: خلاص كنك زعول ي بابا معش نعاودها
بابا: 😒
ايمان: هيا ي بو عيون خضر انت 😉
بابا: 😂😂 عرفتي تراضيني
ايمان: ما سر الرجال بطونهم🙂
بابا: من قالها لك هذي
ايمان: عرفتها بروحي 😌
بابا ياكل في الكيكه وانا نبحت فيه
بابا: كنك
ايمان: والله محظوظه فيك ماما 😉
بابا: 😂
ايمان: واخذه واحد سمح عيونه خضر اخرا
ايمان: تعرف ي بابا
بابا: شن
ايمان: ماما هذي مش حاسه بالنعمه
بابا: كيف يعني
ايمان: يعني واخذه واحد كيفك وديما مسيبتك بروحك هكي
بابا: الله غالب
ايمان: عليش الله غالب عادي نزوزك
نقعد ام زكي 🦦
بابا: عليش تزوزيني
ايمان: كساد نبي فرح ونرقص وبعدين نزوزك وحده بيوتيه
بابا: لالا 😂
ايمان: تحبها 😉
بابا: امشي ي فرخه
عديت نجري ونضحك
تسريع الاحداث اكيد مليتو
مر شهر وخليل مزال في مصر ومعش كلمنا خالي معتصم كل ما نكلومه يقول كويس وبس ولما نبو نكلموه فيديو مايبيش
في الليل كنت ع التيك توك ونسمع صوت تليفون ماما يرن طلعت لصاله لقيت ماما مقعمزه وماسكه التلفون
ايمان: بسم الله من الي يرن في الوقت هذا
زينب: خالتك عزيزه
ايمان: باهي ردي
ردت
زينب: الوو
عزيزه: ايوا
زينب: كنك شن في خليل فيه حاجه!؟
عزيزه: لالا مغير نسرين اغمى عليها وتوا قاعده في العنايه
زينب: كيف😨، باهي سكري اني جايه
سكرت
ايمان: كنها خالتي
زينب: قالت نسرين اغمى عليها وقاعده في العنايه
ايمان: بسم الله كنها شن فيها
زينب: نعرفش ي ربي نبي نمشي انا توا اكيد امي ياما صاير فيها
ايمان: الساعه 6 توا
زينب: نمشي نوض باتك
لبست عباياتها وبابا يولع في السياره
ماما: ارقدي حبيبتي باهي ونوضي بدري بيش تفطري انتي وخوك ويجيبكم باتك عندنا
عدت ماما وانا مارقدتش بكل خشيت لدار معين لقيته راقد
رديت لداري ومارقدش الا الساعه 7
في الصبح الساعه 9
نضت دوشت ولبست ونزلت نوتي في الفطور بعدها خشيت ع معين
ايمان: معين معين
معين: هاا😴
ايمان: نوض بسرعه
معين: كنك😴
ايمان: نبي نقولك حاجة نووضض
معين: هاا
ايمان: نسرين ف العنايه
معين: شنوو😨
ايمان: كيف مانحكيلك امس خالتي رنت ع ماما وقالت نسرين اغمى عليها وقاعده في العنايه وماما عدت من الساعه 6
معين: لاحول ولاقوة الابالله
ترن ترن
ايمان: الوو بابا
بابا: وتي روحك انتي وخوك بسرعه انا في الطريق
ايمان: حاضر
سكرت
ايمان: هيا بسرعه نوض بابا قريب يجي بيش ياخذنا
معين: هي هي
فطرنا ولسبنا بعدها جا بابا
بابا: قتلكم
معين ايمان: كيفففف😨😨😨
#يتبع
أنت تقرأ
عوض الله اعظم
Fiksi Remajaتحكي ح شاب وبنت حبو بعض رغم فرق السن الي بينهم والمشاكل والظروف الا انهم قعدو مع بعض وتمسكو بعض عشان حبهم ❤✨
