الكاتبة: 𝑵𝒆𝒚𝒎𝒂𝒓𝒆𝒆𝒏
عندي انا
خشت علينا جنان
جنان: بنات نوضن هيا عشيه الدنيا كلها جت تعالن سعدنا هيااا
ايمان: هي هي
صبيت انا ولاران دوشنا ولبسنا طلعنا خشينا الكوجينا قعدنا نساعدو ونمدن والصبايا كانن واجد بكل
ميرال: ي بنات الصبايا واجد معش في مكان جوا تعالن نطلعن كراسي برا عشان يقعمزن فيهن
مشينا جبنا الكراسي وحطيناهن برا في الجنان والصبايا قعدن يقعمزن برا
وجا المغرب كنت انا في الكوجينا ونسمع في صوت وحده تعيط وتنادي
عديت نجري برا لقيت تقوى ماسكه ايدها وشعرها مشفش وتعرج وتبكي حالتها حاله
ايمان: كنك بسم الله من دار فيك هكي
عدت وما عدلتش عليا جت لاران
لاران: الكلبه هذ
ايمان: كنك بسم الله شن في
لاران: توا نحكيلك......
نردو شوي
كانت تقوى في الحاجر تهدرز مع مؤيد وتلصق عاد شفتها لاران جتها
لاران: مشاءالله قالبتها ضحك
تقوى: كنك بسم الله
لاران: شن تبي تهدرزي مع مؤيد
مؤيد: الله يربحك فكيني منها اللصقه هذ
تقوى: انا لصقه ي مؤيد
مؤيد: اها لصقه وعدا
جا عبدالله: ترا ي لاران جيبيلنا استيكت اميه للرجاله
لاران: حاضر
تقوى: هي هي شن حاضر هذي
عبدالله: كنك انتي🤨
تقوى: عليش تطلب منها هي قولي انا
عبدالله: شن فرقت يعني
تقوى: انا اختك عادي اما هي
لاران: اما انا شن قولي
تقوى: خليها ساكتها وجت تبي تخش وتمسكها لاران من ايدها
لاران: تعالي هن شن قصدك ي كلبه
تقوى: قصدي واضح يعني خوتي خطنهم
لاران: انتي الي خاطي خوتنا احسلك
تقوى: شن ح اديري يعني
عبدالله: تقوى!
لاران: تبي تعرفي شن ندير مش ح تمشي في خاطرك توا نوريك شن ح ندير
وتمسكها لاران من شعرها وتقعد تضرب فيها وتخبش في ايدها وتعض فيها وتقوى تعيط وعبدالله يحز ويخش صهيب يمسك لاران من ايدها
لاران: حووولللل وتعض صهيب في ايده وتضرب ع كراعه ويطيح صهيب ع الوطا🤣 وتقوى تعيط بعدها عدت تجري والباقي شفتوه
ايمان: درتيها يعني
لاران: اها وهذا كله مزلت ما كملت عليها الكلبه
ايمان: كان كلمتيني
لاران: المره الجايه ان شاءلله 😂
ايمان: في دور ثاني قصدك 😂
لاران: في في
سدين من بعيد: ي بنااات تعالن
عدينا لقينا الرجاله جابو العشا قعدن الصبايا يحطن
خالتي نجلاء: ايمان امشي قوليلهم وين طنجرت اللحم
ايمان: حاضر هي
عديت طلعت لقيت قدامي محمد خو مصطفى
ايمان: طنجرت اللحم وين
محمد: نسيتها في السياره توا نجيبها راني تعبان من امبدري وانا نبرم بالسيارة ونجيب في الدبش وتعبان بكل
ايمان: ما قتلكش احكيلي قصة حياتك انا
محمد: ما هاا الواحد تتأمرو عليه تحسابوه فاضي
ايمان: وانت كنك بسم الله ولعت تقول راكبك جن شن تحساب روحك ي المنحط
محمد: الله غالب سامحني تعبان بكل
ايمان: جيب اللحم باه 😒
محمد: تمام
ايمان: بسرعه هاا
محمد: باهي
جاب اللحم وشلنا السفر للرجاله وتعشينا نحنا ولمينا كل حاجه
الساعه 3 الليل سيقنا الحوش كله ومعانا خالتي يسرى وخالتي نجلاء
بعد كملنا تسييق خشينا جوا
و الشباب مزالو ماخشو
خشيت انا للمربوعه نلقى عبدالله
ايمان: خاطرهاا عليش امبدري طلقت فيا الشيشه
عبدالله: هك مزاج
ايمان: مزاج في عينك
ونضربه ع كراعه
عبدالله: بطلي ي حيونه
ايمان: لااا
صبا عبدالله: تعالي هي ونشوفو من يطيح الثاني
ايمان: هي
ونقعد نبي نطيحه ونجي انا الي نطيح🥲
عبدالله: تستاهلي ما قلك حد نابشي
ايمان: بارد انت الي بديت
عبدالله: صبي باه
وتجي اخت حني الصينيه السوسه الي ديما عقلها معدي بعيد🙄
صالحه: فيش ادير انت وياها
عبدالله ارتبك: ااء اه شي شي
ايمان: ااء عبدالله تبيك تقوى وعديت
صالحه: فيش كنت ادير قوللل
عبدالله: تي كنك ي عمتي فكينا من النقص متاعك وعدا
صالحه: ريت الفرخ ريت خزي قليل الرباوه عيال آخر جيل عليك تربيه خزي ما يعرفن يربن
ثاني يوم نضنا من الساعه 7
نكتنا الحوش كله وسيقنا الحمامات وبدن الصبايا يجن وقعدنا نمدو في الميه والحليب و تمر
تسرريعععع الااحدددداااااثث
في الليل الساعه 10
جتني تقوى
تقوى: ايمان ايمان
ايمان: نعم
تقوى: ماما تبي تروح وقلتلي روحي معاي
ايمان: باه؟
تقوى: نبيك تكلمي ماما تخليني نبات
ايمان: توا كان قعدتي تقعدي عرايك انتي ولاران
تقوى: لالا
ايمان: باه وين امك
تقوى: اهي
ايمان: قتلك ي خالتي
ناديه: نعم امونه
ايمان: عادي تخلي تقوى تبات
ناديه: باهي لكن مصطفى مش ح يخليها
تقوى: لالا توا يخليني
وعدت ناديه
تقوى: امشي لمصطفى قوليله خلي تقوى تبات
ايمان: لالا فكيني
تقوى: هياا الله يربحك
ايمان: لااا
تقوى: مايبيش ياكلك عاد هوا
ايمان: حبيبتي مش خايفه منه انا لكن نبيش نكثر معاه مواضيع
تقوى: باهي انتي قوليله خلي تقوى تبات بس
ايمان: اووف عليك سكنان ازح قدامي هي🙄
تقوى: هي
خشينا للمربوعه لقيت مصطفى قاعد يتعشا شكله ما كنش قاعد
مصطفى اول ما شافني ابتسم ابتسامه المغوليه: اهلا اهلا
تقوى: خشي قعمزي ي بت
ايمان: لاكلا نقعمز شاربه معاه شاهي انا
تقوى: باهي هي قوليله
ايمان: خلي تقوى تبات
مصطفى: لالا
ايمان: باه وجيت نبي نعدي تمسكني تقوى: هياا ايمان
ايمان: هوا قال لا تبيني نبوس كراعه بيش يوافق ولا كيف هذي
تقوى: ع خاطري
ايمان: ات ي مغولي
مصطفى: ها! 🤨
ايمان: غلطت معلش لانك تشبه لواحد مغولي🙂
مصطفى: اهاا
ايمان: ع مهم خليها تبات اليوم تقوى وبكرا كان تبي تروح بيها عادي
مصطفى: تمام ، لكن ليوم بس
ايمان: تم
وعديت
#يتبع
رايكم وصوتو واذا مش عرفين مكان التصويت هي النجمه الي ع اليمين🙂👍🏿
أنت تقرأ
عوض الله اعظم
Teen Fictionتحكي ح شاب وبنت حبو بعض رغم فرق السن الي بينهم والمشاكل والظروف الا انهم قعدو مع بعض وتمسكو بعض عشان حبهم ❤✨
