اول شي حبايبي قبل لانبدا ماوصيكم بالتفاعل
التعليقات والردود تفتح نفسي على الكتابة وكل مابغيتوا بارت اسرع ؟ اعرفوا كاتبكم شنو وده ، عسى ان كلامي واصلكم ، حاولوا انكم ترضوني عشان اقدر ارضي نفسي وارضيكم ❤️
نزل من السياره ونزل معاه فهد قرب يبي يمسك مُهيب لكن مُهيب لكمه على فكه بقوه خلت توازنه يختل كمل مُهيب يلكمه وفهد مستسلم له طاح فهد على الارض ومُهيب فوقه مكمل ضربه لـ فهد وتكلم: تحسب اذا جبتني هني بحن لك؟ بـ يبرد قلبي ؟
خفت لكماته يوم شاف فهد ما صده وتكلم بغضب وهو يرفع خصلاته من على جبينه : ليش مستسلم جذي ؟ لـ هل درجه جبان ؟ ماتقدر تمد ايدك
قلب فهد وضعيتهم وصار مُهيب تحته قرب وجهه لـ اذن مُهيب الي يحاول يبعده من فوقه : ما اأذي روحي
مُهيب دزه عنه بقوه وقال بغضب وهو يوقف: لا تشبهني بـ روحك الرخيصه
فهد تنهد بيأس : مُهيب انت بس اسمعني
قاطعه مُهيب وهو يعلي صوته : فهد هذا الموضوع تسكر من واحد وعشرين سنه لا تجيب طاريه مُهيب وفهد انتهوا استوعب هل شي من اليوم الي تخليت فيه عني وتزوجة اختي وانا انهيتك من حياتي
قرب فهد وهو ينفي براسه : ما انتهى شيء انا أحبك وانت تحبني
قرب من فهد اكثر ونطق بضحكه خافته وهمس : أحبك ؟ انت متوقع اني بحب شخص مثلك بعد ؟ فهد استوعب انت ميت بالنسبه لي
فهد كان يشوف نظرات مُهيب البارده اتجاهه وكانها تأكد له صحت كلامه ،نطق بأسمه بهمس: مُهيب ؟
مُهيب تراجع بخطواته : شنو الموضوع الي يخص عيالي ؟
فهد بقى يطالعه لـ دقايق بـ ضياع تنهد و أشر بيده اتجاه الكوخ : خل ندخل داخل
مهُيب مشى متخطيه وفك باب الكوخ كان قلبه ينبض بسرعه من الذكريات الي عاشها بـ هذا الكوخ قرب وهو يقعد على الكنب الاسود الطويل حط رجل على رجل دخل وراه فهد ووقف قدام مُهيب ومد اصابعه يمسح الدم الي على شفايفه: تشرب شيء ؟
مُهيب وهو يحاول يطول باله : لا شنو الموضوع اخلص علي
قعد فهد وحط ايده على الكنب : حاسم الحين مستهدفك ومستهدفنا معاك و انت عارف حاسم ما ينقدر عليه بسهوله والحين ما بيسكت الا اذا خذه راس واحد منكم
قاطعه مُهيب : يعقب يمسّ واحد منهم ..عطني زبدة الموضوع شنو الي تبي توصل له
