واقف قدام مراية الغرفه وهو يسكر بنطلونه الرسمي ،
ووقف يشوف شكله كان لابس بنطلون اسود رسمي وقميص باللون الابيض وربطة عنق سوداء وجاكيت رسمي بنفس لون البنطلون وشعره مرجعه لوراء مد ايده واخذ العطر تعطر منه ومشى اتجاه الباب متجهة لغرفة عياله ..
كانوا ثلاثتهم قاعدين يرتبون شكلهم بغرفة هتان لـ حفل اليوم خاطر كان قاعد على السرير ويلبس ساعته وآسر قاعد قدام التسريحه وهتان يرتب شعر آسر الي لف وجه عليهم : الحين ليش الحفل هذا مافهمت ؟ مُهيب دم ضروسه فهد والحين يدمج شركته معاه؟ ويتحالف ما تشوفون هل شي غريب
هتان مد ايده يلف وجه آسر ورجع يعدل بشعره وخاطر رجع ادينا على السرير من وراء يستند عليهم وهو يرجع جسمه : مُهيب له وجهة نظر بـ هل موضوع وأكيد ما دمج الشركتين وماقبل بالتحالف الا في سبب يحده على هل شي
هتان لف على خاطر : وشنو هل شي الي بيحده ؟ مالقى الا فهد يعني
خاطر رفع اكتافه بمعنى مادري وقف آسر واستند على التسريحه وهو يطالع هتان : تلفونك شنو صار عليه ؟ عرفت منو الي مبدل تلفونك معاه ؟
هتان وهو يلبس ربطة العنق ويطالع بالمرايه : اي عرفت
خاطر : منو ليش ما كلمته يرجع تلفونك وتعطيه تلفونه
هتان تنهد ولف على آسر وهو يأشر على الربطه بمعنى ساعدني قرب آسر يعدلها : ما يحتاج اليوم بشوفه واخذ تلفوني منه واعطيه حقه
آسر وهو يعدلها رفع حواجبه : اليوم تشوفه ؟ منو
هتان قلب عيونه : يعني منو نادر
خاطر بستغراب : نادر ؟ شنو جابه لك
هتان لف وجهه على خاطر : قبل يومين بالملهى مو قلت لكم شفته صدمني بكتفي وطاحت تلفوناتنا
همهم خاطر وسمعوا صوت الغرفه ينفتح ويدخل مُهيب الي شافهم لابسين بدلات رسميه بنفس لون بدلته الا هتان كانت بدلته باللون الرمادي الغامق ،تكلم بصوته الأجش : ما خلصتوا ؟
خاطر وقف وهو ينفض بإيده : الا خلصنا
طلع مُهيب وطلعوا وراه نزل من الدرج وكانوا وراه وبنفس الوقت دخل غيهب ببدلته الرسميه باللون الكحلي وقميصه الابيض الي فاتح اول ازرارته موضح عضلات صدره ولونه وشعره الي رافعه مرتبه على جهه وحده وقف قدام الدرج
ووقف مُهيب قدامه ووقفوا وراه وتكلم غيهب بصوته الخشن : كل شي تمام نمشي ؟
