වීනස්( ONGOING) YIZHAN VERSION

🖤අවසන් රැළිය 🖤

Akenya pov

උදෙන්ම නැගිටලා මන් අද කරන්න තියෙන වැඩ ටික ගානට ඕගණයිස් කරගත්තේ අද දවසේ මගේ උපරිමය කරන්න ඕනේ නිසා.කතා කරන්න ඕනේ ටිකත් හදාගෙන මන් එලියට බැස්සේ ජනාධිපති ලේකම් කාර්යාලය ගිහිල්ලා එතුමා එක්කම අද රැලියට යන්න.
තේජාන්‍ය ට අද රෑ ට කට උත්තර නැති වෙන්න කතාවක් කරන්න ඕනේ. නැත්තං එයා රෑ ට එකදිගටම අපිව විවේචනය කරන්න ගත්තොත් ඒක අපිට ප්‍රශ්නයක් වෙනවා.

කල්පනා කර කරම ජනාදිපති කාර්යාලයට ඇවිත් තිබුනා.

"සර් එහෙනම් අපි යන්ද උදේ නවය වෙද්දී වත් අපි එතන ඉන්න තරමට හොඳයි තේජාන්‍ය ට අද රෑ ට අපිව විවේචනය කරන්න බැරි වෙන විදිහට අපි කතා කරන්න ඕනේ..."

"අනිවාර්යෙන් ආකෙන්‍ය. දැන් මට තේරෙනවා ඔයාව අගමැති කරන්න මන් ගත්තු තීරණේ පොඩ්ඩක් වත් වැරදි නැහැ කියලා. ඒ ගැන මන් පසුතැවෙන්නෙත් නැහැ.

"මන් සර් ට පසුතැවෙන්න වැඩ කරන්නෙත් නැහැ.සර් අපිට මේකෙන් පස්සේ දීපු පොරොන්දු ඉටු කරන්න ඕනේ.මොකද මිනිස්සු ගොඩක් මේ පාර අපිව විශ්වාස කරනවා.අපි මේ විශ්වාසය බින්දොත් ආයෙත් අපිට බලය හම්බෙන එකක් නැහැ.."

"ආකෙන්‍ය ආකෙන්‍ය මගේ මේ දේශපාලන ජීවිතේ මන් දීපු පොරොන්දු ඉටු කරලා තියෙන්නේ සීයට එකක් තරම් ප්‍රමාණයක්.ඒත් ඔය තාමත් මිනිස්සු මාව විශ්වාස කරන්නේ. ඔය අපි කියන හැමදේම කරන්න පුළුවන් නම් කොච්චර දෙයක් ද...."

"ඒත්..."

"මන් කලිනුත් කිව්වා නේ තේජාන්‍ය ඇමති කෙනෙක් වෙලා ඉන්නවට වඩා හාත්පසින්ම වෙනස් දෙයක් රටේ මුල් පුටු දෙකට එනවා කියන එක.ඔයා මේක ටික ටික ඉගෙනගනී..."

එතනින් පස්සේ මැද කොළඹට යනකම් ම මන් නිශ්ශබ්දව ගියේ මට තව දේශපාලන ජීවිතේ ඉගෙන ගන්න දේවල් ගොඩක් තියෙනවා කියන එක මට තේරුම් යද්දී.
මොන දේ උනත් මන් මේ ගමන යන්න ඕනේ.
තේජාන්‍ය ඡන්දෙ ඉල්ලන්නෙත් කොළඹ දිස්ත්‍රික්කයෙන් . මන් ඉල්ලන්නෙත් මේ කොළඹින්. ඒක නිසා මගේ අන්තිම රැළිය හොඳටම කරන්න ඕනේ