هاي قايز.،
يسعد مساكم وين ماكنتوا بهذا العالم احبتي .،
احبتي اذا تبون تحديث سريع يعتمد على تفاعلكم .،
مافي تفاعل بيطول التحديث ..،
فوتات & كومنتات وتفاعل مُثير .،
علقوا بين الفقرات احبتي وزي ماقلت لكم تحديث السريع يعتمد على تفاعلكم.،
أعظم مأساة تحل على المرء، أن يفقد قدرتهُ على مواساة نفسهِ...،
ماحس بنفسه الا لما وقف بسيارته قدام بيته ، فتح باب سيارته بثقل عارم يحس الثقل بقلبه ، نزل منها وهو يطالع السياره اللي خرجت من البيت الكبير بتوقيت جيته ،
تقدم اللي كانت خطواته ثقيله كأنها مُكبله بحديد ، السياره وقفت ماكملت خروجها نزل اللي كان داخلها وهو عاقد حواجبه ومستنكر وجود الشخص قدام بيته وجاااي ناحيته بعد ...!
حرك خطواته لناحيته لحد مالتقوا بنص الطريق وصار كل واحد فيهم يطالع الثاني ..!
، نظراتهم لبعض خلتهم يرجعون بذكرياتهم قبل سنيين اللي كانت فيها خوي ! خوي دربي محزمي وزنادي ..!
بدون سابق انذار طاح على ركبه عند رجلينه ،..!
ماقدر يكتم بداخله اكثر ، الثقل اللي كان شايله هد حيله اضعاف ، نطق بنبره مكسوره :
والله ضاق فيني الحال ومن وضعي ومالقيت حالي الا عند باب بيتك ياخويي .
اول مره او بحياته كلها ماقد شافه بهالوضع نطق بجمود مو معبر انه طايح عند رجليه:
والله وجا اليوم اللي اشوفك فيه مكسور ومذلول يااصيل "
رد اصيل بقهر وهو يضرب على صدره بيده :
خلص والله معاد بي حيل كل شي عديته وتركتها للايام وسنين بس انها توصل لعيالي لا ! لا هذا اللي مقدر اتحمله ، كل شي اتخطاه ، بس لهنا والله انها هدت حيلي يالكاسسسر ....!
رد الكاسر بحيره :
حربنا انا وياك راس لراس ، وعيالك انا مالي فيهم ولا لي عداوه معاهم ..!
رد اصيل بحرقه :
انا ماجيتك احطك بشي لاني اعرفك اكثر ماعرف نفسي والله انه من ضيقة الدنيا بي جيتك ابي اكت اللي بصدري لك ابي اشكي همي لك وادري انك لي سموع "
جثى على ركبتيه قدام اصيل اللي صارات ركبههم موازيه لبعض نطق الكاسر :
حقد ونار شابه بصدري وانت اسبابه من سنين جيتك ياخوي دربي بنفس المكان وسألتك عن الخطأ اللي سويته بحقي وبحق هالبيت ، بس انت ماعطيتني جواب يبرد خاطري او ابريك من الذنب اللي اقترفته ادور لك عذر ، ماشفت منك غير سكوتك و صمتك ولي زاد حقدي وغلي عليك وللحين اثاريها شابه بداخلي .
أنت تقرأ
تَراتِيل القهّر
Mystery / Thrillerشُل يا صوتي يالي ...، داخل القلب شله اشرح الي جرالي للمخاليق كله وكيف عيني تشوف ..الواقع بشكل ثاني .."
