تَراتِيل القهّر

القهر _3_

هااي قايز"

فوتات £ كومنتات وتفاعل مثير يااحبتي"

كومنتاتكم وتفاعلكم يسعدني "

تجاهلوا الأخطاء "

استمتعوا"

‏" أشياء لا تعود
‏الثقه ، الميت ، أول شعور ."

ا

تكتف وهو يطالعه بنص عين :
خير شايف وجهي طفاية !

عناد طالعه مده وبعدها رد عليه وهو يطيح سقارته بلارض ويدعس عليها برجله :
اجل فارق ماني فاضي للبزران مثلك "

رد ايهم بنرفزه:
بزر بعينك وبشكلك"

رفع حاجبه وهو يرد عليه:
الا بزر ونص وفوق كذا توك طالع من الحفاظه "

ايهم عصب كان بيرد عليه بس اليأس قاطعه وهو يجره لوراء عشان ماتصير هوشه بينهم :
خلص ايهم تعال معي "

قبل لا يبعدون عنه تكلم بسخرية له:
ايه ماقلت لي وش كبر الحفاظ الي تلبسه !

ايهم هنا حمق بقوه تقدم له بس اليأس شده له بقوه وهو يتكلم له شبه همس :
خله عنك ماحنا فاضين له ترا مواعدين هاجس نطلع سوا "

عض خده من داخل بقهر وظل يطالعه شوي وبعدها تحرك وهو إلياس من عنده "

تكلم إلياس وهو يخزه بنص عين :
انننن مسوي فيها ماني بقايل ناسي ورانا مشوار يلمهبول "

ايهم رد بقهر :
تلايط بعد انت ماني فايق لك "

إلياس رد بسخريه :
ايه بس فايق تحارش الناس انت وجهك وفوق كذا منت بقدها الله يلعنك ويلعن المهايطه حقتك "

رد عليه ايهم بعد مااطلق تنهيده قويه:
سد فمك وقلي الحين شلون نهج من القوم بدون محد يلاحظ !"

رد إلياس وهو يحرك راْسه يلتفت يمين ويسار :
أظن محد بيفقدنا بزحمه هاذي وفوق كذا متعب موجود يعني جدي وعمامي بيتكلمون بشغل "

رد ايهم :
ايه والله انك صادق اجل يله الهجه بتلقى هاجس قدام البيت ينتظر "

إلياس تحرك بس وقف فجأة وهو يلتف على ايهم :
الا عمي بلبيت !

رد ايهم وهو يتخطاه :
ايه فلبيت اجل وين بيروح !

رد إلياس بنبره قلق:
اجل شلون هاجس بيطلع !

رد ايهم :
ماعليه مخططين على كل شي وبعدين ينقالك كنها اول مره نطلع كذا !