اللهم صل وسلم وبارك على سيدنا محمد ♥️
ياريت اللى بيقروا يكتبولى تعليق يقولولى رأيهم هيفرق معايا و يشجعنى و يعملوا ڤوت (علامه النجمه) على البارت❤️
يلا نبدأ🌷
البارت السادس من روايه { نصيبى الاجمل ❤️}
فى جامعه الإعلام
نيرمين : و بكده كل اتنين هيعملوا مشروع مع بعض و المشروع هيكون عن تجميع عده مناطق اثريه بزياده نسبه ربح الدوله منها و موقعها و كم عدد نسبه زياده سياح أجانب و ما أثره على الدوله المصريه و ازاى نقدر نقدمها بطريقه إعلاميه سليمه
تامر و هو يمسك حسام من كتفه : ماشي يا دكتور انا هبقي مع حسام
نيرمين برفع حاجب و ضحكه سخريه : لا يا استاذ منك ليه مش بمزاجكم المره دى انا اللى هختار مين مع مين و هختار عشوائي و مش انت و حسام يا تامر هاااا ماشاء الله عليكم اخر مشروع كان زى الزفت و كأنكم كاتبين موضوع تعبير لطفل فى ابتدائى
قالت هذا ليضحك الجميع عليهم
نيرمين و هى تخبط بيدها على الطاوله امامها : بس سكووت.......المهم هبدأ اختار فارس و منى... زينب و حسن....محمد و حسين ....تامر و سحر
سحر : يوووه بقي كنت عاوزه ابقي مع حد منكم
نيللى بغمزه و هى اضربها بخفه بذراعها : مش مشكله يا قمر ده انتى مع تامر هااا واخده بالك
ساره بضحك : يا بت متضيقهاش بقي مش عشان خاطر معجبه بيه من زمان تعملى كده
سحر بغيظ : حيلك حيلك يا حلوه انتى و هى مين دى اللى معجبه بيه انا....مستحيل
نيرمين و هى تكمل لبقيه الطلاب : نيللى و رانيا ...و ساره و حسام و.........
لينظر حسام و ساره إلى بعضهم بقرف
ساره بزفير : استغفر الله العظيم يعنى من بين الدفعه دى كلها ميطلعليش غير المهمل ده يارب
حسام بضحكه خبيثه : حلو اوى جه فى نصيبي المجتهده الدحيحه خليها تعمل المشروع بقي و الواحد يرتاح الاسبوع ده من وجع الدماغ
تامر : ايوه ياعم ما انت هتقضيها بقي ...طب انا هعمل ايه سحر ....دى سحر ممله قليله الكلام و مش عارف غريبه كده
حسام بغمزه : بس معجبه بيك
تامر : نعم !
حسام : اهااا لا متاخدش فى بالك المهم شوف هتعمل ايه بقي
نيرمين : تقدروا تتفضلوا المحاضرات النهارده خلصت و ياريت نهتم بالمشروع لان ده المشروع اللى قبل الأخير للامتحانات تمام ...يلا سلام
ليخرج الجميع
كان حسام يمشي ليخرج خارج الجامعه كانت تجرى ورائه ساره لتلحق به لأنها كانت تنادى عليه و لم يرد بسبب السماعات التى يضعها فى أذنه
أنت تقرأ
" نصيبى الاجمل "
Romanceروايه بالعاميه المصريه يراها صدفه فى يوم و منذ هذا اليوم لم ينساها ظلت تأتى فى أحلامه و لكن حلمه به غموض لا يفهمه و لكنه لم يهتم فهو احبها و بشده دون أن يعرف من هى و يتمنى من كل قلبه أن يجمعهم القدر ببعضهم البعض هل ستتحقق أمنيته و يلتقى بها ؟ و م...
