اللهم صل وسلم وبارك على سيدنا محمد ❤️
البارت الرابع من روايه {نصيبى الاجمل❤️}
فى شركه حلمى
كان يسلم حلمى على خالد و يهنؤا بعضهم بتنفيذ الصفقه
خالد : الف مبروك يا استاذ حلمى الصفقه هتتنفذ بإذن الله فى اسرع وقت و اول ما العدد اللى احنا طالبينه من العمال يكتمل هنبدأ شغل مع فريقكم
حلمى : الله يبارك فيك يا استاذ خالد شرف لينا و اكيد فى اى وقت حضرتك تطلب الفريق بتاعنا احنا جاهزين
خالد بابتسامه : تمام سلام عليكم ...مع السلامه يا استاذه هدى اتشرفت بمعرفتك
هدى بابتسامه : انا اللى ليا الشرف نورتنا ... و انتظرت هدى إلى أن يذهب حلمى ثم اردفت ...هو ممكن اطلب من حضرتك طلب ....ممكن ابعت صحبتى تقدم للوظيفه هى كفائه عاليه و شغلها هيعجب حضرتك جدا
خالد بابتسامه : تمام يا انسه هدى و متأكد انها كويسه من معرفتك هنستناها اول ما تبدأ المقابلات للعمل إن شاء الله
هدى بابتسامه : متشكره جدا
**************
فى منزل وفاء
اسماء بصدمه : على !!
لتستغرب وفاء من صدمتها
وفاء : مين ده يا اسماء
اسماء بتوتر تحاول تخفيه : ده ...ده مديرى يا فوفا اقصد يا خالتو
وفاء بابتسامه : اه اهلا و سهلا
علي : انسه اسماء ممكن اتكلم معاكى كلمتين
وفاء : طب انا هروح اعمل شاى خد راحتك يا ابنى البيت بيتك ....لتذهب
اسماء و هى تجلس بجانبه على الكنبه و تتكلم بهدوء حتى لا تسمعهم وفاء : انت ايه اللى جابك هنا
علي بيسمه مستفزه ؛ دى مقابله بردو تقابلى بيها مديرك يا استاذه اسماء
اسماء بتوتر و عصبيه : علي اخلص قوم بسرعه امشى من هنا
علي : مش همشى غير لما ترجعى الشغل و اتصل و تردى
اسماء بعناد : مستحيل
علي : طب مستحيل مستحيل بقى انا هقول طنط على كل حاجه وهتقدملك
اسماء بصدمه : انت اتجننت صح دى ممكن تروح فيها ....طيب هعمل اللى قولت عليه بس امشى يلااا
و تخرج اسماء علي... ليذهب
وفاء : الشاى جاهز يا....ايه ده هو راح فين يا بنتى
اسماء : مشي كان مستعجل
وفاء بتعجب : مش حاجه غريبه يا اسماء ..هو فيه مدير يجى للموظف بيته لمجرد أنه غاب من الشغل ..الراجل ده مش مظبوط
اسماء بتوتر : لا لا يا فوفا انتى فاهمه غلط ده كان جاى ياخد ملف بس مش اكتر عشان كده جه لحد هنا
أنت تقرأ
" نصيبى الاجمل "
Romanceروايه بالعاميه المصريه يراها صدفه فى يوم و منذ هذا اليوم لم ينساها ظلت تأتى فى أحلامه و لكن حلمه به غموض لا يفهمه و لكنه لم يهتم فهو احبها و بشده دون أن يعرف من هى و يتمنى من كل قلبه أن يجمعهم القدر ببعضهم البعض هل ستتحقق أمنيته و يلتقى بها ؟ و م...
