صلوا على النبي ❤️❤️
البارت الثانى من روايه {نصيبى الاجمل ❤️}
فى النادى
وصلت سماح و سليم و قابلت صديقتها و ابنتها و بعد سلام
سماح بابتسامه : بخير بخير يا حبيبتى...ايه ده متقوليش بنتك رنا دى صح
صفاء بضحكه بسيطه : اه صح رنا سلمى على طنط
رنا بخجل شديد و هى تقف من على المقعد و تضع عينيها فى الارض خجلا : ازيك يا طنط
سماح بابتسامه : اهلا ازيك يا حبيبتى ماشاء الله بنوته زى القمر يا حظه اللى هياخدها
... قالت و هى تنظر إلى سليم الواقف بجانبها ليزفر بضيق
سماح : اعرفك يا صفصف سليم ابنى الكبير
صفاء : اهلا و سهلا يا حبيبي بسم الله ماشاء الله شاب زى القمر يا سماح
سماح بابتسامه : حبيبتى ربنا يخليكى
صفاء : سلمى على سليم يا رنا
رنا بنفس الوضعيه التى سلمت بها على سماح : اهلا يا سليم
سليم باستغراب هل يوجد شخص خجول لهذه الدرجه : اه اهلا
سماح و هى تغمز لصفاء دون أن يراها الباقى : طب بقولك ايه يا صفصف ما تيجى نجيب عصير من الكافيتريا ها
صفاء بفهم ما تريده سماح : اه اه طبعا تعالى استنونا هنا يا ولاد
ليجلس سليم على المقعد أمام رنا كانت تضع رأسها فى الارض خجلا
سليم : احم اه اسمك رنا صح ...خريجه ايه بقي
رنا بخجل و صوت رقيق : صح .....خريجه..ااااا....ليتغير نبره صوتها تماما و هى تقول.... هما مشيوا
ليتفاجئ سليم من هذه النبره الجامده بعض شيئ عكس الرقه التى كانت تتحدث بها : هااا....اه مشيوا
رنا و هى تعدل من جلستها و تضع رجل فوق الأخرى و تمسك سجاره اخرجتها من حقيبتها و تشعلها : على فكره مامتى و مامتك دول قدام اوووى ...لينظر لها سليم بصدمه لتكمل.....تاخد سجاره
سليم : لا شكرا مبدخنش
رنا : انا كنت كده زمان بس تقول ايه بقي حرقه الدم اجبرتنى
لتصمت لدقيقه ثم تكمل
بس انت عجبتنى قولتلى اسمك سليم صح
سليم بنفاذ صبر : ايوه
رنا : حلو اوى تخيل كده سليم و رنا حلو مش كده
سليم برفع حاجب : نعم لا ما ده اللى كنت هكلمك فيه انا جاى هنا بالعافيه عشان امى غير كده مليش فى موضوع الجواز و الكلام ده دلوقتى
رنا : اهااااا فهمت زيي يعنى ... لتكمل بخبث و وقاحه ....طب بما اننا كده و بصراحه يعنى انت شاب زى القمر و متتعوضش فأيه رأيك نضرب ورقه عرفى و نفرح سوا
أنت تقرأ
" نصيبى الاجمل "
Romansروايه بالعاميه المصريه يراها صدفه فى يوم و منذ هذا اليوم لم ينساها ظلت تأتى فى أحلامه و لكن حلمه به غموض لا يفهمه و لكنه لم يهتم فهو احبها و بشده دون أن يعرف من هى و يتمنى من كل قلبه أن يجمعهم القدر ببعضهم البعض هل ستتحقق أمنيته و يلتقى بها ؟ و م...
