أحببتُ طيفًا

الفصل الاول

بسم الله...استغفر الله العظيم الذى لا اله الا هو الحي القيوم و اتوب اليه
لا اله الا انت سبحانك اني كنت من الظالمين
بقلم 🌹الهام 🌹

ترجلت من سيارتها متانقه كعادتها ترتدى بدله كلاسيكيه فضفاضه بعض الشئ باللون الافندر وطرحه باللون الاوف وايت مما أعطها اناقه تخبئ عيونها الساحره تحت نظارتها الشمسيه اتجهت كعادتها اللى داخل الشركه وسط انتباه من جميع الموظفين بالشركه فهم يعرفونها جيدا كم هى جاده ولا تتهاون فى اى خطاء دلفت الى مكتبها وفورا طلبت سكرتيرتها الخاصه

جلست بمكتبها تفكر  كيف  ستفاجئه حتى تسعده ويكون شريكها في شركتها كما سيكون شريكها في حياتها فاقت  من شرودها عندما دلفت سكرتيرتها الى المكتب
السكرتيره .. افندم يا انسه اميره
نظرت اليها اميره مستغربه

اميره ....ايه انسه وافندم ايه يا بنتي انت ناسيه  انك صديقه عمرى واكتر  وغمزتها قائله ولا ايه

اميره .. افندم وانسه  وحضرتك والكلام ده لما يكون في في عملاء انما بيني وبينك مع بعض كده نهى وميره ولا انتى خلاص بتطلتى تدلعينى

نهى ...صراحه ياميره اول مابتدخل الشركه الكل بيتكهرب ملامحك الحاده اللى بترسميها وانتى فى الشركه دى تخض انا نفسى بتوتر وبقلب جد طول الوقت زى ما اتعودنا من بدايه شغلنا مع بعض فى الشركه 

اميره ...وهى تضحك ههههههههه انتى محسسانى انى امنا الغوله لازم اكون كده فى الشغل ولو كنت أنهاونت مع اى حد حتى نفسى كان زمانى قفلت الشركه

نهى ...الحمد لله ياحبيتى انتى شاطره وقدرتى الكبرى الشركه وتخليها من افضل الشركات بالسوق

اميره ...الحمد لله بس طبعا منساش فضل ربنا عليا وفضل عمو احمد ساعدنى كتير وفهمنى الشغل ماشى ازى ووقف جنبى وتعب كتير علشان اوصل للى انا فيه وقتى

نهى ....بزعل مصطنع وانا اتنسيت خلاص

اميره ...دا انتى حبيبه قلبى
المهم اتصلتى بمحامى الشركه وطلبتى يخلص الاوراق اللى طلبتها ويجنى فى معاده بدون تأخير

نهى... ايوه طبعا يا ميره اتصلت بيه واكدت المعاد ونبهت عليه ميتاخرش  وكمان ساعه يكون هنا

اميره ...تمام اول ما يجي دخليه فورا

نهى بتردد......انتى متاكده ياميره من قرارك ده

اميره ....طبعا متاكده وجدا كمان ده ملك قلبى وساعدنى ومتنسيش  أنه ساعدنى ووقف جنبى وقت وفاه بابا وماما وشجعنى اكمل واكبر الشركه فأقل حاجه اقدمهاله

نهى ....ياميره يا حبيبتى بابا قلك كتير بلاش ثقتك العميه دى فى حازم وانتى مفيش فايده وكمان كان معارض فكره الشراكه دى وبرضوا ركبتى دماغك واصريتى وهو محبش يزعلك وسابك براحتك

اميره.... اطلعى انتى منها بس عمو احمد ده حبيبى ومش بيزعل منى ولا بيحب يزعلنى وخلى بالك بيحبنى اكتر منك

نهى..... طيب ياستى اروح انا اشوف شغلى احسن صاحبه الشركه واحده عصبيه ومفتريه

اميره ....بضحك والله بقا انا عصبيه ومفتريه طيب مخصوم منك تلات ايام من قعدتك مع عمو احمد بالبلكونه وهاخدهم انا وانا بشرب القهوه وبستمتع بحبه الكبير وانتى لا

تركتها نهى تحت سعادتها بهذه الاسره الحنونه والاخت الجميله التى عوضها الله بهم بعد وفاه والديها

اميره... محدثه نفسها اخيرا يا حبيبي هتبقى شريكى فى  الشركه وشريك حياتى كمان

  امسكت هاتفها وفتحت الحساب الخاص بها على فيسبوك تتصفحه بملل منتظره يمر الوقت حتى ياتي المحامى  الخاص بشركتها حتى تذهب مسرعه باوراق الشراكه لتفاجئ خطيبها وحبيبها حازم وتدخل السرور لقلبه تركت هاتفها على المكتب وظلت تتحرك بكرسيها يمينا ويسارا في انتظار حتى دق باب المكتب اتفضل دلف

المحامى  الخاص بشركتها ومعه ملف
المحامى ... اتفضلي يا فندم كل الاوراق اللي حضرتك طلبتيها مش باقي غير توقيع حضرتك وتوقيع شريك حضرتك وبكده هيبقى نصيب حضرتك في الشركه 60% ونصيب الشريكه 50% زي ما حضرتك
وبعد التوقيع هيتم تسجيل الورق بشكل قانوني زي ما حضرتك امرتي

اميره ...تمام حضرتك ممكن تتفضل واول ما الورق يتمضي هبعته لحضرتك علشان توثقه

وقعت الأوراق وارتسمت بوجهها سعاده كبيره امسكت هاتفها لتخبر حازم انها تريد مقابلته لتخبره وتسعده  ولكن للاسف كان تليفونه مغلق وضعت هاتفها على المكتب بضيق وهي تحادث نفسها

اميره ... ليه ياحازم قافل تليفونك دلوقتي خلاص هبعت له على الوتس واقول له ان انا عايزاه واول ما يفتح تليفونه يكلمنى

وضعت امضاتها على الأوراق وحدثت نفسها فاضل بس أمضت حازم وبكده يبقى كله تمام وهيبقى ملوش حجه أننا نتجوز قريب ونعيش بقا

وضعت الاوراق داخل خزنه سريه بمكتبها لايعلم أحد بوجودها

وأما أن فتحت حساب الواتس الخاص بها  وجدت رساله من رقم مجهول فتحت رساله وارتسمت على وجهها ملامح غاضبه وبدات الدموع تسيل من عينيها بغزاره وهي بتقول بهستريه ليه ليه ليه ليه ليه ليه لملمه اشائها بسرعه متجه خارج مكتبها بل خارج الشركه كلها تحت انظار نهى وهي مستغربه جدا حالتها دي وبتنادي عليها

نهى ...اميره اميره اميره استنى مالك فيه ايه

لكن لم ترد عليها وذهبت بسرعه البرق ركبت سيارتها وتحركت بسرعه عاليه وهي شارده تائهه وعيناها مغرقه بالدموع لا تدري ماذا تفعل واين ستذهب وكلما زاد غضبها زادت سرعه وللاسف وفي لحظه ظهرت سياره أمامها  من العدم ولم تستطع التحكم في سيارتها وانقلبت بها اغمضت عينها وكانها كانت تنتظر الموت ليخلصها من الام قلبها وعقلها وساد الظلام حولها وفقدت وعيها تماما
.........................................................
متنسوش التفاعل والنجمه بليز كومنت برايئك يهمنى ☺️