دخيل في بيتنا

البارت العاشر

دخيل في بيتنا
البارت العاشر
جمانه السعيدي

بس حبيت أوضح هذا الزواج كان منتشر بشكل مو معقول بهاي الفتره    يسمونه   كصه بكصه   يعني  وحده بوحده
منتشر مو بس بين الاقارب    لا حتى بين الناس الغربه
انطيني مره وانطيك  مره
ويبقى الصراع  اذا زعلت هاي   تزعل الثانيه
اذا وحده ت تعاركو وياها عيالها  وراحت البيت اهلها زعلانه
اهلها يطردون الجنه الي ببتهم
اذا اطلكت وحده  لازم الثانيه تطلك   حتلو كانت سعيده بحياته

حسن بيت عمي
حسن....مايكون خاطركم اله طيب   يله خل تجي غفران وياي
عمي....بيوم الخطوبه  تجي ويانا حتى نعقد العلي وسعاد فد مره   خليها عدنا

عمي ماقبل غفران ترجع  وياا حسن   خاف من يرجع
تتغير الخطه ونبطل من هاي الزواجه
يريد يضمن العرس  بلاول
وحتى يخلي  حسن    يتمسك اكثر  برائيه  وما يبطل

جمانه السعيدي
سعاد...رجع حسن للبيت 
وكام يصيح بوسط البيت   الخميس خطبة سعاد
والخميس الي بعدا   الزواج    واي نقاش بهذا الموضوع مااريد
واذا سعاد اتنفست  لو حجت كلمه   قسما بلله   اقتلها
وافتح بلوعة  التواليت وانزله
لا واحد شاف ولا واحد درا

سعاد...سمعته وكلبي ينعصر قهر    شكد ضالم   فضل حياته على حياتي   فضل سعادته على سعادتي
هو لوبس كايل البيت عمي   خلي بتكم عدكم
جان همه دزوها   ورا    منيبن يعيشونها
ويااها اطفال ثنيين   جانت عدهم حسره عليه الثوب
هسه تلبس  كله ملابس راقيه
والذهب تارس اديها وركبتها
تاكل  احسن اكل    وتطلع   وتدخل
جان هي همجمت على اهلها وكالت اربد رجلي انتم ماتفيدوني
بس عمي كدر يحبك الخطه عدل  هو وخالتي
واني كنت الضحيه
استقوو عليه    شافوني ضعيفه   وستقوو عليه

محمود بس سمع هذا الحجي  مانزل بيومها حتى ماتعشى
رغم امي صعدت توسلت بي
بس ماقبل ينزل ابد
امي متوقعه زعلان لان حسن  كاله لا تدخل
بس هو زعلان لان يحس اني راح اضيع من ايده
مابيده حل
اني هم ماقبلت اكل
بلكت اكسر خاطرهم    
بس كلوبهم حجر   مايفكرون بس بزعل غفران
غفران عدهم اهم مني
مابقي على يوم الخميس غير يومين   لازم حسن
يكمل  كل اجرائات الخطبه  قبل لا تخلص اجازته
جمانه السعيدي
اما علي راح ينزل مجاز يوم الخميس   يعني بوم العقد

بقيت كاعده واباوع بعيوني   لا حول لي ولا قوه

محمود كطع الاكل فد مره   يحرك جكاير وماكووو
مايكدر يسوي اي شي
ادي مربوطه   بقيود الاعراف والتقاليد
لو بس مجان  يخاف الدوله تكمشه    يمكن جان
كدر يجيب اهله ويجي
ولو لوما يجيب اهله    بيت عمي مراح يعوفوني ابد

يوم الأربعاء من الصبح نزل محمود وبيده جنطة ملابسه

عايف الكتب ونص من ملابسه وغراضه

محمود...خاله اني اسلم عليج
امي...يااا وين رايح   لا يشوفونك   ترا ماتكدر ترجع البغداد
يلزمونك  بلسيطره
محمود...اني راح اسلم نفسي
امي...يااا اتسلم نفسك
محمود...اي بعد مااكدر اتحمل اكثر   الموت واحد بكل مكان
اذا هنا أو هناك

امي لزمت ايده وأخذت منه الجنطه
...انت امانه عدنا شلون تسلم نفسك
محمود...حياتي ماله طعم   وكعدتي هنا  راح اضيعني اكثر
عوفيني خاله   اني مااكدر اكعد هنا اكثر

امي...انت زعلان من   حسن     حسن عصبي وماكان مركز بكلامه   امسحها بوجهي خاله
فدوه لا تروح  
جمانه السعيدي
محمود....لا مو زعلان من حسن   زعلان من الوكت الي خلاني بهيج موقف

امي....يااخاله  فدوه اذا اليه معزه عندك   ابقى
محمود...مااكدر   اني جاي اموت   تعرفين شنو جاي اموت

اني واكفه  كباله ودموعي تجري
امي...اسم الله ليش تكول هيج
محمود...احبها ومااكدر اسوي اي شي  
امي....منو
محمود....احب سعاد   اي احبها  ومااكدر اخلصها من ضلمكم

راسا رمش نزلت دمعه من عينه
امي جانت واكفه ولازمه الجنطه    راسا وكعت الجنطه من ايدها

امي....ياااا   صدك تحجي
محمود...اي ولله احجي صدك
امي... خاله روح الله يستر عليك   هذا الكلام جبير انت مو كده   اذا سمعو بيت عمها   هسه يحطون بيها شبها
روح خاله الله وياك

مسح دمعته ونزل شأل الجنطه وطلع   اجيت اصيح علي
امي خنزرت عليه وكالت ادخلي جوه
ام المصايب
دخلتني امي جوا   وماخلتني اودعه

خلاص حتى محمود جان سند اليه ويقويني
عافني وراح
صرت وحيده   ومالي احد
ليش الشر هو الي ينتصر      ليش الخير ماينتصر
ليش الحب يموت
ليش اقبل اكون ضحيه

امتنعت عن الأكل والشرب والكلام
ثاني يوم اجو بيت عمي   خالتي وعمي وغفران   وولدهم
الكل فرحان  علي جاي لابس دشداشه بيضه
والضحكه من هذا الفج الهذا الفج

جايبين عبايه وحلقتين وبس  
المهر بلسنه الي اني ازوجت ببها   كان ٢٠٠٠ دينار
همه جايبين ٥٠٠    وحلقتين   وحده اليه وحده العلي
وعبايه
طلعت عليهم وعيوني كلهم حقد
طلعت  بثوبي حتى مابدلت
اصلا كوه كعدت   احس روحي راحت مني
عقد النا الشيخ  
خلو الحلقتين بكاسة ماي
امي كالت العلي لبسه   
مد ايدا طلع الحلقه ولبسني وهو يضحك
اني رفضت البسه الحلقه
امي لبسته
كان مبين عليه مو راضيه   بس شسوي  للناس الي ماعدها ذرة احساس
كاعده  بنصهم  ماده بوزي   وعيوني ببهن دمع
نص ساعه وطلعو
نزعت الحلقه  عفتها بمكاني ودخلت للغرفه
خلاص اني صرت زوجت علي رسميا

للحكايه بقيه