بعد فتره طويله قامت رجال المطاريد الجبل حطو ايديهم على الاراضي والبيت وطردوا اللى فيه كلهم في الشارع بعد دخول كمال السجن لانهم كانوا بيساعدوا على خطف وعد ...
اعمام ابراهيم اللى كانوا عايشين بخيره كل واحد اخد مراته وعياله ومشي وجاب بيت وبيراعي ارضه وسابو ام ابراهيم الست خيريه فى الشارع بقالها اسبوع ومحدش سال فيها ...
فى بيت الست فوزيه الصبح على الفطار يدخل فيصل من باب الدوار وملامحه لاتفسر ...
نجاة: مالك في ايه يافيصل..
فيصل: والله لسه عارف حاجه كدا معرفش ازعل ولا افرح بيها ..
نجاة بقلق: في ايه قلقتنى يافيصل..
فيصل: الست خيريه حد كلمنى وقالى انها حالتها صعب خالص بقالها اسبوع فى الشارع وبتاكل من بواقي اكل الناس واللى بيضربها كل مايشوفها علشان ابنها الظالم والفلاحين مش سايبنها بحالها
تنتفض نجاة: ستى بيحصل فيها كل دا ازاى وليه وهى فين دلوقتى استنى البس واروح اجيبها ...
فيصل: انتى مالك مخضوضه وخايفه كدا ليه انتى نسيتى كانت بتعمل فيكى ايه
نجاة: لا منسيتش بس هى ستى ام ابويا مهما يحصل مش بعد ماكانت هانم تتبهدل كدا وبعدين انت عايزنى اعمل ايه افرح واشمت فيها ازاى يعنى هتيجى معايا ولا اروح لوحدى ...
فيصل: ايه الكلام ده مش هسيبك وهروح معاكى طبعا ...
ركبو العربيه وراحوا القريه بتاعت ابوها وفضلوا يدورو على خيريه فى الشوارع لحد مالقوها نايمه ادام جامع بعبايه مقطعه ومتوسخه وشعر مش مظبوط ووشها وجسمها اللى كله تراب من الشارع وحافيه القدمين اتذكرت نجاة شكلها وهى صغيره لما كانت بتلبسها كدا وانهمرت دموع شفقه على الحاله اللى فيها ستها وقربت منها علشان تساندنها وتقوم لكن خيريه ارتعبت اول ماشافتها كانها ملك الموت على الرغم من براءه ملامح نجاة وجريت وهى تصرخ..
خيريه :انتى جايه تنتقمى منى زيهم انتى جايه تاخدى حقك وحق امك منى سبونى فى حالى انتى امك بتجينى فى المنام بتعاتبينى وشمتانه فيا ودلوقتى جايبها بنتها تاخد روحى .....
فجاه تجرى نجاة وتاخدها فى حضنها: متقلقيش ياستى انا جايه اخدك معايا بعيد عن كل الناس دى متخافيش منى ....
خيريه وتبكى: ضربونى واذونى جامد يابنتى ...
تشاور نحاة لفيصل انه يجيب العربيه ومشوا راحو لست الفوزيه نجاة اخدت ستها على الحمام وخليتها تاخد دش ولبستها لبس نضيف وحطتها فى الاوضه ونيمتها ونزلت لهم وهما فى الصاله...
نجاة بكل اصرار: ممكن يافيصل لوسمحت تشوفلى بيت صغير جمبكم هنا للايجار وادفع ايجاره من ايراد الارض بتاع امى ...
فيصل باستغراب: بيت ايجار ليه يعنى ...
نجاة: علشان انقل فيه انا وستى ...
فوزيه: ليه يابنتى مانتى قاعده معانا هنا والبيت كبير اهو ويكفينا كلنا ....
نجاة: معلش ياستى بس اذا كنت قاعده معاكم هنا علشان خفيدتك اما هى باي حق تقعد هنا وانا مش هسمح بدا اننا نشفق ولا اى حاجه من دى مهما كان دى خيريه ام ابراهيم حمدان كبير البلد مش اخرتها تشفق وتقعد عند حد ....
فوزيه: اخص عليكى يانجاة احنا هنشفق عليها ولا نعاملها وحش احنا اى حد يابنتى بقى دى اخرتها ..
نجاة: معلش ياستى والله العظيم ما اقصد بس انا ستى حالتها صعبه خالص وطبعها بردو اصعب ومحدش هيستحملها غيري وانا مش عايزاها تحس انها مكسوره اظام حد كفايه اللى شفته الاسبوع اللى فات...
فيصل بذهول: بعد كل اللى عملته فيكى لسه بتفكرى فيها وبتكرميها وخايفه عليها اوى كدا ...
نجاة: العشره متهونش غير على ولاد الحرام وانا امى الله يرحمها ربتنى وعلمتنى على كدا يافيصل وبعيدا عن كل دا انا مش هرد الاساءه باساءه ....
أنت تقرأ
صعود امراه
Misterio / Suspenso"في قلب صعيد مصر، حيث العادات تقيد الفتيات، نشأت هي في عائلة لا تقدر قيمتها. رغم كل الصعوبات والعقوبات، ما استسلمتش. بإرادتها الحديدية وعزيمتها التي لا تلين، أثبتت للجميع، ولعائلتها بالذات، إنها قادرة على تحدي كل الصعوبات. هي زي الشاي في النار، ثابت...
